Domingo 28 de agosto de 2011 ás 20h,
Maniños, Fene (A Coruña)

Leilía son seis mulleres que a finais do 89 decidiron dar a coñecer a música tradicional galega,
ao son de pandereitas e voces, convencidas de que o canto galego,
pola súa singularidade e forza, debía ter un espazo propio nos escenarios.

Leilía tradicional é o espectáculo máis de raíz do grupo.
Trátase dun concerto no que as seis pandereteiras fan un percorrido polo máis fondo da música tradicional galega cantada.
Voces e pandeiretas núas, sen adobíos, coa forza da terra que viu xurdir estes cantos,
que viu chorar e rir a este pobo.