Cultura Aberta, o programa posto en marcha pola Area de Cultura da Deputación de Lugo que quere achegar propostas de lecer e culturais a toda a poboación, conta nesta edición coa colaboración da Tradescola,

que a través dos seus alumnos e mestres encargase de amenizar musicalmente a entrada ás distintas actuacións previstas no programa. Con esta iniciativa , a Tradescola da un novo paso no seu traballo de promoción e difusión da música e da cultura galega, e fai visible unha vez máis o traballo desenvolto pola Asociación de Gaiteiros Galegos a prol da nosa cultura.
Os alumnos de gaita e percusión foron os encargados de ofrecer onte un concerto ás 18.00 horas na entrada do pazo de San Marcos, e hoxe xoves, os alumnos de canto e pandeireta, guiados pola súa mestra, Begoña Lorenzo, e os alumnos de Zanfona, co seu mestre Luis O Caruncho, ofrecerán unha actuación ás 20.30 horas tamén na entrada do Pazo de San Marcos no que interpretarán distintas pezas de repertorio tradicional.