Diversas versións da Danza de Espadas de Redondela, no vindeiro Recuncho da Palleta

Este domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Xaime Estévez, que nos falará dun tema tradicional recollido nos cancioneiros e que segue a ser a Danza de Espadas de Redondela e contorna. Comprobaremos como o tema en cuestión foi motivo de versións tradicionais, Folk e ata sinfónica na zarzuela de J. Guridi “A Meiga”. Un exemplo máis de tema tradicional que xa podemos escoitar en distintos xéneros musicais.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

No vindeiro Recuncho da Palleta, falaremos sobre o pateado.

Este domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Gustavo Couto que nos falará sobre o pateado, como peche dos seus especiais sobre as variantes da xota.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Volve o Memorial Henrique Otero

Despois de dous anos, nos que tivemos que homenaxear ao mestre de xeito virtual, nesta 8ª edición, que organizamos a AGG en colaboración co Conservatorio Superior de Música de Vigo e a Deputación de Pontevedra, por fin volvemos ao formato presencial. Será como é habitual, no Auditorio Martin Códax do Conservatorio Superior de Música de Vigo, o sábado 23 de abril.

Os grupos participantes nesta edición do Memorial, que estará adicada ao ciclo do ano nas obras de Henrique, son:

A SENEIRA

ALUMNADO DE IMTP DO CSM VIGO

BANDA DE GAITAS DA ETRAD

BREOGÁN DE MOAÑA

CANS DE PALLEIRO

JUAN PENA

O SON DO RÍO

OS CARUNCHOS

PENAVEIRA

RAIGAMES

SON DO ABRENTE

Henrique Otero Covelo, O Gaiteiro do Fragoso, como el mesmo quería que o lembrasen, foi un personaxe clave para comprender e coñecer boa parte do mundo da gaita en Galicia, en particular en Vigo e a súa comarca. Foi un dos mellores expoñentes da tradición gai­tística galega, figura de transición entre o gaiteiro rural tradicional e o gaiteiro urbano, pero tamén entre o gaiteiro de oído tradicional e o gaiteiro músico actual.

Son moitos os méritos que habería que recoñecerlle a este gran gaiteiro, pero sen dúbida, o que maior pegada deixou para o futuro foi o de conseguir que foran recoñecidos, por primeira vez na his­toria, os estudos oficiais de gaita ga­lega polo MEC no ano 1977.

Dende a Asociación de Gaiteir@s Galeg@s gustarianos contar coa vosa presencia neste Memorial, esperámosvos a tod@s o vinderio día 23!!

A segunda entrega de ReferentAs, coas veciñas de Liñares como protagonistas, no vindeiro Recuncho da Palleta

Este domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Carme López e a segunda entrega de "ReferentAs". Nesta ocasión coas veciñas de Liñares como protagonistas.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.