Novas
CURSO DE PERFECCIONAMENTO DE PERCUSION TRADICIONAL
Cursos / 23.11.05
CURSO DE PERFECCIONAMENTO DE PERCUSION TRADICIONALCon motivo do 5º aniversario da Asociacion Cultural Donaire, ésta ten pensado a realizacion dunha serie de actos dos que iremos informando.
Un deles, será a realizacion dun cursiño intensivo de perfeccionamento de percusion , dunha hora e media de duracion, que impartirá Miguel Souto. Os cursos desenrolaranse no Centro Civico de San Diego ( Os castros- A Coruña) o sabado 17 de Decembro, nos seguintes horarios: 10-11:30 p.m. , e o segundo de 11:45- 13:15 p.m.
Mais información.
Presentación disco de "Los Monfortinos" en Monforte de Lemos!
Varios / 21.11.05
O vindeiro día 24 de novembro de 2005 na Casa da Cultura do Concello de Monforte de Lemos ás 20:00h. terá lugar o acto de presentación do CD do grupo "Los Monfortinos", organizado polo Concello de Monforte de Lemos e a editorial Ouvirmos.
A charanga Los Monfortinos tivo a súa orixe nunha formación anterior, que tiña por nome Los Grovenses de Pontevedra, e que foi fundada en Bos Aires polo gaiteiro José Moldes no ano 1950.
No ano 1958, ao sentir a proximidade da súa morte, Moldes reclamou a presenza dun gaiteiro que tocaba na súa charanga desde o ano 1953, Avelino Rodríguez Arteaga, para confiarlle no futuro a dirección do grupo. Avelino aceptou e cambioulle o nome á charanga, que pasou a ser coñecida como Los Monfortinos.
Mais información.
Presentación do CD-DVD "Meninos Cantores" en Lume na Palleira
Lume na Palleira / 18.11.05
Este sábado 19 de nomvembro de 2005 no programa "Lume na Palleira" (Radio Galega, de 15 a 17 horas), presentarase o CD-DVD "Meninos Cantores".
Este proxecto representa unha ollada á música tradicional de Galiza e do norte de Portugal a través da xente máis nova. Máis de cincocentos xoves participaron neste disco, unidos para cantar e celebrar o seu patrimonio cultural común. Ademais do CD con 28 temas, o DVD inclúe 18 videoclips, un documental de todo o proceso e unha reportaxe sobre o patrimonio cultural galego-portugués.
Contaremos coa presenza de Uxía Senlle, Segundo Grandío, Fernando Abreu, Flori Veloso ... e tamén con dos grupos que participou na gravación e formado por Yeni, Rosa, Nuria, Carla, Paula, e Aine.
III Mostra de Cuartetos Tradicionais
Cursos / 15.11.05
III Mostra de Cuartetos TradicionaisOs Morenos de Lavadores
Un ano máis, a Asociación Cultural Picuíña rendeu homenaxe á nosa música tradicional coa III Mostra de Cuartetos Tradicionais. A presente edición estivo dedicada ao mítico cuarteto vigués, Os Morenos de Lavadores.
Do 1 ó 15 de Novembro celebrouse unha exposición fotográfica no Museo Manuel Torres de Marín que, dun xeito moi ameno, achegounos á historia do cuarteto e, en xeral, á do Vigo da dictadura, dende a particular perspectiva dos músicos tradicionais. Alí puidéronse ver auténticas xoias documentais como as emblemáticas procesións do San Roque, as romarías da Cañiza, as alboradas en Lavadores ou mesmo aos Morenos tocando para unha voda sobre un sidecar.
Mais información.
Cotas ao cobro
Varios / 08.11.05
Informamos aos socios que xa están ao cobro as cotas do ano 2005. Aquelas persoas que teñen domiciliado o recibo a esta altura xa deben de ter o cargo no seu banco/caixa. Se non foi así, por favor, enviade unha mensaxe a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para veloAdemais, aqueles socios que non teñen domiciliado o recibo poden contactar con Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo onde se lles facilitará o xeito de facer o pagamento da cota do ano 2005.
Colaboración no programa "Lume na Palleira
Lume na Palleira / 07.11.05
Nesta nova andaina do programa "Lume na Palleira" a Asociación de Gaiteiros Galegos continúa a colaborar dentro do espazo "O Recuncho da Palleta".No primeiro programa (29 de outubro de 2005) Pablo Carpintero falou dos instrumentos de percusión na música galega.
No programa do 5 de novembro de 2005 Iván Area mantivo unha conversa con Rafael López Loureiro, autor do libro "Samaín: a festa das caliveras" editado por Ir Indo.
Podedes consultar a programación actualizada para cada semana en http://www.inicia.es/de/palleira/program.htm
Esperamos que en breves datas sexa posíbel escoitar as gravacións desde a ligazón http://www.crtvg.es/cgi-bin/rtg/lume.asp?idioma=galego
III Mostra de Cuartetos Tradicionais
Cursos / 02.11.05
Do 1 ao 13 de novembro de 2005 terá lugar unha nova edición da Mostra de Cuartetos Tradicionais organizada pola Asociación Cultural Picuíña de Marín.
Iste ano, teremos as seguintes actividades que xiran en torno ao mítico grupo "Os Morenos de Lavadores"
• EXPOSICIÓN ( 2 ó 13 de Novembro )
• SERÁN MAGOSTO ( sábado 5 de Novembro )
• CHARLA TÉCNICA ( sábado 12 de Novembro 16:30h )
• MESA REDONDA ( sábado 12 de Novembro 18:30h )
• CONFERENCIA ( sábado 12 de Novembro 20:30 h )
• ACTUACIÓN MUSICAL ( sábado 12 de Novembro 21:00 h )
• CEA GAITEIRA ( sábado 12 de Novembro 22:00 h )
Se desexas consultar o programa completo podes visitar http://www.mostradecuartetos.com/ ou en formato pdf facendo click
aqui.
Reunión co Director Xeral de Creación e Difusión Cultural
Varios / 27.10.05
Na tarde do martes 25 de outubro de 2005 membros da Xunta Directiva da
Asociación de Gaiteiros Galegos tiveron unha reunión co Director de
Creación e Difusión Cultural da Xunta de Galiza, D. Luis Bará Torres.
Na mesma comezaron a valorarse distintos proxectos de colaboración interesantes para ambas partes. As ideas que foron estudadas durante a reunión serán concretadas nun futuro inmediato por parte da AGG para a correspondente valoración por parte da Xunta de Galiza, emprazando a realización ao ano 2006.
Sen nengún xénero de dúbidas a música tradicional comezará a ocupar o papel que lle corresponde dentro da nosa sociedade.
Lume na Palleira retorna á programación da Radio Galega
Lume na Palleira / 26.10.05
Este sábado 29 de outubro de 2005 o programa "Lume na Palleira", presentado por Emilio Españadero, retorna á programación da Radio Galega, en horario de 15 a 17 horas.
Despois dun período no cal a Dirección da Radio Galega prescindiu do antedito programa, de novo teremos un programa dedicado á música galega onde a parte máis tradicional continuará a ter presenza, dentro do espazo "O Recuncho da Palleta".
Mais información.
Nova reunión con D. José Juan Durán Hermida
Deput. Pontevedra / 21.10.05
Na tarde do pasado venres 20 de outubro, o deputado de cultura e vicepresidente da Excma. Deputación de Pontevedra D. José Juan Durán Hermida, recibiu a representantes da Asociación de Gaiteiros Galegos. Esta Asociación tiña solicitada esta cita dende hai máis 15 días para informar da ruptura unilateral das negociacións sobre a escola de gaitas da Deputación por parte do presidente da Asociación de Bandas de Gaitas e Percusión da Provincia de Pontevedra, D. Hipólito Cabezas Gómez.Mais información.
Páxina 426 de 438
