Asociacion de Gaiteiros Galegos

Gaiteiros galegos
Inicio / Novas

Novas

"AS FALSAS APARIENCIAS" Comunicado da Escola de Gaitas de Vilafranca do Bierzo

Varios / 08.04.06

AS FALSAS APARIENCIAS CONTRA O LEGADO TRADICIONAL

Parece ser que uns 3000 “vistosos” gaiteiros desfilarán polas rúas de Ponferrada. E por aquilo da gaita e do que din alguén pensará que isto é unha manifestación poderosa de música tradicional. Preguntámonos, dende cando foi tradicional no Bierzo, en Galicia ou Asturias unha gaita de tres roncos sobre o ombro, un tambor premier metálico de parches de plástico, un bombo tocado con dúas mazas ou un traxe de home con faldas ao máis puro estilo escocés. Así é como se presentará con este aire militar que a caracteriza a Real Banda de Gaitas da Deputación de Ourense organizadora da Liga galega de Bandas de Gaitas que se vai realizar na cidade do Bierzo o próximo día 9.


Mais información.

XXIV CURSO DE CULTURA TRADICIONAL GALEGA

Cursos / 06.04.06





A Asociación Cultural Cántigas e Frores ven organizando, dende 1983, con carácter anual, un “Curso de Cultura Tradicional Galega”, con varias especialidades, e con inscirción aberta e gratuíta. Este curso foi o primeiro que se fixo con carácter permanente en España e vense celebrado ininterrumpidamente tódolos anos en Semana Santa. Acadará no ano 2006 a súa XXIV edición.

A este curso asisten coma alumnos músicos e bailarines de todo o Estado e, en ocasións, de outros países.


Mais información.


VII Concurso de Música Tradicional Xiradela

Concursos e Certames / 05.04.06

O pasado domingo 2 de abril tivo lugar en Arteixo o VII Concurso de Música Tradicional organizado pola A.C. Xiradela. Os grupos premiados foron os seguintes:

Cuartetos de Gaita:
1º PREMIO: "Os Fontes Suairas" (A Coruña)
2º PREMIO: "Donaire" da A. C. Donaire (A Coruña)
3º PREMIO: S.C.R.D. "O Castro" (Miño)

Gaiteiros solistas
1º PREMIO: Anáisy Gómez Fernández
2º PREMIO: Anxo Piñeiro Souto
3º PREMIO: Eric Torra Naveira


Mais información.

Bases Concurso Constantino Bellón 2006

Concursos e Certames / 03.04.06

O Ateneo Ferrolán ven de enviar as basees e a

peza obrigatoria que podes descargar en formato encore desde esta ligazón,

do concurso de gaita solista "Constatino Bellón" correspondente ao ano 2006.

O “CONSTANTINO BELLÓN”, é unha plataforma, creada polo Ateneo Ferrolán, para servir de canle de expresión e presentación de novas pezas de autores e axudar a manter e potencia-la música tradicional de gaita galega.


O “CONSTANTINO BELLÓN” é un concurso de composición e interpretación de gaita que pretende mante-lo xeito de toca-la gaita galega con técnica e xiros propiamente galegos.


O “CONSTANTINO BELLÓN” pretende recolle-la mais pura tradición gaiteiril e manter, ó longo dos anos, un lugar de encontro e intercambio para tódolos gaiteiros galegos.


Mais información.

Contacto coa Asociación de Gaiteiros Galegos

AGG / 02.04.06

Para calquera consulta relacionada coa Asociación de Gaiteiros Galegos, podes contactar:
- Por telefone no 986847074
- Por correo electrónico enviando un e-mail a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
- Por correo postal no seguinte enderezo:
Asociación de Gaiteiros Galegos
Afonso XIII, 2º andar
36002 Pontevedra
Pontevedra

Facerte socio ou modificar datos

AGG / 02.04.06

Se desexas facerte socio ou sendo socio desexas modificar os teus datos, podes descargar o boletín de inscrición de

http://www.gaiteirosgalegos.com/socio-agg.pdf

e remitilo por correo ordinario a:

Asociación de Gaiteiros Galegos
Afonso XIII, 2º andar
36002 Pontevedra
Pontevedra

Participar no Portal

AGG / 02.04.06

Se desexas participar no Portal da Asociación de Gaiteiros Galegos só tes que enviar un correo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando o teu nome completo, dni e unha foto para publicar no Portal.

Música Galega no Forum Metropolitano de A Coruña

Festivais, Foliadas, Romarías / 31.03.06

Este sábado 1 de abril ás 19:30, no Forum Metropolitano da Coruña, terá lugar un festival de música galega organizado pola Sociedade Cultural Galicia-Bretaña. Poderemos escoitar ao grupo de zanfoñas e ao de Gaitas do laureado Coro "Cántigas da Terra"; ao grupo de danzas e a charanga da "Asociación Cultural A Ponte Vella", de Teo; e ao grupo de música tradicional "Ruote".
A entrada é gratuíta.

Consellería de Innovación e Industria

Anuncios, subvencións, oposicións... / 29.03.06

A Xunta de Galicia, a través da Consellería de Innovación e Industria ven de publicar, nos últimos días, unha serie de axudas que teñen a finalidade de potenciar o comercio e o sector artesanal galego.

Este tipo de iniciativas poden resultar interesantespara os comerciais, industriais e artesáns vinculados á música tradicional galega. Por esta razón, habilitamos un apartado no portal da Asociación de Gaiteiros Galegos dende o cal se poden descargar os documentos relativos a estes e outros anuncios: “Descargas: Anuncios, subvencións, oposicións...”

Crónica do XI Xantar Gaiteiro

Reunións, actos, ... / 28.03.06

O pasado domingo 26 de marzo tivo lugar o convite que a Asociación de Gaiteiros Galegos organiza cada ano ao comezo da primavera. O lugar escollido este ano foi o restaurante Punta del Este na cabeceira da comarca de Bergantiños, a vila de Carballo.



O abundante cocido, o magnífico viño, traído directamente da Ribeira Sacra, e as fontes e fontes de orellas que pecharon o banquete animaron a velada dende o primeiro momento. Aínda non chegaran as filloas cando Antonio Mato Rial (fundador do cuarteto Os Matos de A Coruña) obsequiounos cunha exótica interpretación á harmónica de varias foliadas galegas, os aplausos non se fixeron esperar.

Servido o café e, se cadra, cohibidos ante á cantidade de senlleiros mestres gaiteiros esparexidos polas mesas, a xente retrasou o comezo da foliada.


Un momento máxico da xornada veu da man do gran mestre gaiteiro Manuel Viqueira Vieites, o Gaiteiro de Vilaverde (Ordes, A Coruña), quen amosou o seu carisma coa interpretación dunha das xoias do seu repertorio, unha muiñeira cargada de forza e sentimento que provocou, primeiro, un silencio de espectación seguido dun rebumbio de auténtica ledicia, onde, por suposto, non faltaron os aturuxos.

Pouco a pouco os asistentes fóronse animando a tocar e bailar co cal a festa continuou ata a noitiña.

Páxina 387 de 405