II Festa dos Xogos Tradicionais da Terra de Melide

Varios / 13.08.08

A Asociación Galega do Xogo Popular e Tradicional invítanos a participar na II Festa dos Xogos Tradicionais da Terra de Melide, que terá lugar os días 20 e 21 de agosto no casco antigo de Melide.

Os xogos populares son a manifestación máis xenuína da cultura dun país. Aínda que os xogos sexan comúns noutros países e nacións, o xeito de xogar máis a capacidade do pobo de adaptalo á súa contorna, así como a súa peculiar visión do mundo, é o que lle infire ese carácter diferencial e propio. Conservar os xogos populares, e demais manifestacións culturais é o noso deber e transmitilo ás xeracións vindeiras, a nosa obriga.

O programa é o seginte:

Mércores, 20 de agosto de 12:00 a 14:30 h

1.Praza do Convento: Carrilanas, corda e
carreira de tartarugas.
2.Praza das Coles: Chave e Zancos.
3.Pozo Pequeno: Tiro á lata e aros.
4.Rúa Abeledo: Pescar a botella.
5.Trapeira: Trompo.
6.Trapeira: Ra.
7.Praza Ichoas: Xogo das olas.
8.Praza da Herba: Mariola e tres en raia.
9.Rúa do Convento: Lanzamento de boina10.Circuíto da carreira de aros.

Xoves, 21 de agosto:

A partir das 12:00 h - I Carreira de aros
A partir das 18:30 h -II Campionato de
Tirapedras da Galiza Central

Máis información e plano

Primeiro Festival de Música Folk, Xirifolk

Festivais, Foliadas, Romarías / 11.08.08

O día 14 de agosto terá lugar o Primeiro Festival de Música Folk, Xirifolk, en
Castro de Carballedo (Lugo, pertiño de chantada).
Comeza as 7 da tarde cun obradoiro de baile tradicional de Gustavo Couto. As 10 da noite música cos Campantes da Baña, A Charanga de Ultreia e os Terribles de Donas.

Haberá unha pancetada a partires das 10 da noite

Pablo Devigo gaña o Trofero McCrimon 2008

Concursos e Certames / 05.08.08

Pablo Devigo gañou o pasado sábado, 2 de agosto o trofeo McCrimon no Palacio de Cogresos de Lorient. Alberto Coya foi segundo, diante dos asturianos Pablo Carrera, Marco Antonio Guardado, Hugo Noval, Llorían García Florez, os galegos Pedro Álvarez Fariñas e Pablo Dalama, que empataron no séptimo posto, e a bretona Marie Le Cam.



Foto: Alberto e Pablo no stand de Galicia do Festival Intercéltico de Lorient.

Axudas do Departamento de Cultura da Deputación de Lugo

Anuncios, subvencións, oposicións... / 04.08.08

O Departamento de Cultura da Deputación de Lugo ven de convocar as seguintes axudas:

Axudas para instalacións e equipamentos culturais e aquelas para actividades culturais
Anuncio de convocatoria para a concesión, mediante procedemento de concorrencia competitiva, de subvencións destinadas a investimentos en instalacións de carácter cultural e equipamentos culturais realizados por concellos da provincia de lugo ano 2008.

Axudas para actividades culturais
Anuncio de convocatoria para a concesión, mediante procedemento de concurrencia competitiva, de subvencións, a entidades asociativas, agrupacións e asociacións de veciños, para a realización de actividades culturais de interese veciñal ano 2008.

Estas subvencións, de carácter anual, concédense para actividades de animación, promoción e desarrollo social e cultural, que permitan un efecto dinamizador, de entretemento , conservación e aumento da calidade de vida a través dos valores culturais, sociais e tradicionais na provincia.

Para máis información, descargas do anuncio, bases e modelo da solicitude…

Festival Intercéltico de Moaña

Festivais, Foliadas, Romarías / 31.07.08

O 15 de agosto de 1985 celebrouse o I festival Nocturno Celta do Morrazo organizado pola Escola de Gaitas Semente Nova de Moaña. Este festival tiña o obxectivo, á parte de dar a coñecer a actividade da escola de gaitas, de financiar unha viaxe a Lorient, Bretaña (Francia) para a participación no seu festival musical.

Neste primeiro festival actuaron, ademais dos organizadores, Ricardo Portela, Lembranzas galegas, Muxicas, Vai de Roda e Milladoiro.

Nesta edición contará cos seguintes artistas:

Jueves, 31 de Julio
22:00 Lembranzas da Ría
23:30 Noitarega

Viernes, 1 de Agosto
23:00 Aira da Pedra
00:45 Four Men And a Dog

Sábado, 2 de Agosto
20:00 Sobre Rodas
21:00 A Gatita de Sarandón
23:00 Luetiga
00:45 Júlio Pereira

Domingo, 3 de Agosto
20:00 Chema Puente
21:00 Juanjo Fernandez
23:00 Susana Seivane
00:45 Shooglenifty

As actuacións terán lugar no Palco da Música e no Escenario Principal

Máis información en...

Homenaxe a Xosé Manuel Seivane

Varios / 29.07.08

O acto principal consistirá no descubrimento dun busto e unha exposición retrospectiva sobre homenaxeado.



A Asociación Recunchos de Ribeira de Piquín organiza, o sábado 9 de agosto de 2008, unha festa-homenaxe a Xosé Manuel Seivane Rivas no Chao de Pousadoiro, lugar onde tivo a afincado o seu obradoiro durante máis de 50 anos. Os actos comezarán ás 10:30 da mañá e sucederanse durante todo o día para rematar cun concerto de Susana Seivane, unha sesión de fogos de artificio e unha verbena.

Celebrarase un xantar e unha cea para os que previamente deben retirarse invitacións tal e como se indica no programa de actos que se pode baixar premendo na ligazón ao final desta nova. O pregón será lido por Susana Seivane.

Xosé Manuel Seivane Rivas foi socio fundador e firme defensor da Asociación de Gaiteiros Galegos. Desde aquí querémoslle enviar os nosos parabéns por esta merecida homenaxe.

Prema aquí para descargar o programa de actividades

XV Mostra de Instrumentos Tradicionais de Pardiñas

AGG / 29.07.08

Un ano máis a Asociación de Gaiteiros Galegos (AGG), a través da comisión de artesáns, achégase ata o Festival de Pardiñas para organizar o que será a "XV Mostra de Instrumentos de Música Tradicional". Un evento que constitúe unha das mostras de luthería máis antigas da península e que congrega cada ano a numerosos artesáns do país para mostrar o seu traballo ao público.

PROGRAMA DA MOSTRA

SÁBADO 2 DE AGOSTO

17:00 h. ---------------------- Apertura da Mostra
17:00 h. a 18:00 h. ---------- Escenario libre para músicos espontáneos
18:00 h. ------------------------Pregón LUCIANO PÉREZ
18:30 h. ---------------------- Actuación de TANXEDORAS
19:30 h. A 21:30 h. --------- Escenario libre para músicos espontáneos

DOMINGO 3 DE AGOSTO

11:30 h. ---------------------- Apertura da Mostra
11:30 h. a 13:30 h. ----------- Escenario libre para músicos espontáneos
12 :00 h. --------------------- Obradoiro de xoguetes sonoros LUCIANO PÉREZ
12 :00 h. ----------------------- Obradoiro de baile tradicional MONTSE RIVERA
16:00 h. a 18:00 h. --------------- Escenario libre para músicos espontáneos
17:00 h. ----------------------Obradoiro de baile tradicional MONTSE RIVERA
18:00 h. -------------------------Actuación de O CARRIÇO
19:00 h. A 21:30 h. --------- Escenario libre para músicos espontáneos

Mostra de Cultura Tradicional no Festigal

AGG / 29.07.08

Grande éxito da Mostra de Cultura Tradicional que a A.G.G. presenta, por primeira vez, dentro das actividades do Festigal.

Numerosas persoas disfrutaron da Galería da Cultura Tradicional, que foi xestionada pola Asociación de Gaiteiros Galegos dentro das actividades do Festigal, que se celebrou en Santiago de Compostela os días 24 e 25 de Xullo.
Os visitantes puideron asistir a actuacións, mostras de instrumentos e xoguetes tradicionais, e distintos obradoiros que fixeron as delicias do numerosísimo público que nos visitou durante a mostra.

Nesta edición contouse coa presenza de tres recoñecidos artesáns de instrumentos tradicionais, que amosaron o seu bó facer nunha ampla exposición. Contouse tamén con mestres que levaron a cabo obradoiros de xoguetes sonoros, de xogos de baile, de iniciación ao baile tradicional e incluso ensinaron a regueifar aos participantes. A ampla mostra de xoguetes tradicionais coa que contou a galería evocou tempos pasados en moitos dos asistentes.

O éxito acadado nesta edición, demostra a preocupación crecente da sociedade galega por poñer en valor a súa cultura, a súa música e todo aquelo que ao longo dos anos foi conformando o noso feito identitario.

Galería da Cultura Tradicional no Festigal

AGG / 22.07.08

A Asociación de Gaiteiros galegos colabora coa organización do Festigal, que se celebrará en Santiago de Compostela os días 24 e 25 de Xullo, na xestión dun espazo de Cultura Tradicional. Serán dous días de actividades, mostras, obradoiros e música en directo nunha iniciativa que agardamos sexa do agrado dos asistentes á mesma.

XOVES 24 DE XULLO
11:00h: Apertura
· Mostra de Instrumentos Tradicionais
· Mostra de Traxes Tradicionais
· Mostra do 20 aniversario da AGG
· Mostra de Xoguetes Tradicionais Galegos
17:00h: OBRADOIROS
· Xoguetes Tradicionais
· Construción de Xoguetes Sonoros
19:00h: OBRADOIRO Xogos de Baile Tradicional
20:00h: Actuación e Obradoiro de Regueifeiros
21:00h: Peche do Espazo da Cultura Tradicional

VENRES 25 DE XULLO
15:00h: Apertura
· Mostra de Instrumentos Tradicionais
· Mostra de Traxes Tradicionais
· Mostra do 20 aniversario da AGG
· Mostra de Xoguetes Tradicionais Galegos
17:00h OBRADOIROS
· Xoguetes Tradicionais
· Construción de Instrumentos Vexetais
18:30h: Exhibición de Loita Galega
19:00h: OBRADOIRO Iniciación ao baile tradicional
21:00h: Peche


Máis información en http://www.festigal.com/

Resultado Memorial Manuel Texo

Concursos e Certames / 22.07.08

A agrupación Redea Solta, de Castro Caldelas, conquistou onte a undécima edición do concurso de grupos tradicionais Memorial Manuel Texo, que se celebrou na casa dá cultura da parroquia vedresa de Santa Cruz de Ribadulla. Máis dun centenar de persoas acudiron a esta ineludible cita cultural no municipio para ver as actuacións dos cinco grupos de toda a comunidade galega que competían por ser os mellores da tarde.

Cada agrupación, composta por dous gaitas, un tamboril e un bombo, interpretaron dúas pezas, que deberían ter unha extensión mínima de cinco minutos e máxima de oito, xa que, de non ser así, poderían ser penalizados polo xurado, composto por Edelmiro Fernández, Iván Costa e Carlos Do Viso. En canto aos criterios de avaliación, tivéronse en conta factores como a posta en escena, o vestuario, a afinación, a duración ou o ritmo das pezas.

Participaron os grupos Picuiña, Abelente, Anacos de Buxo, Seitura e Rédea Solta. O xurado otorgou os seguintes premios:

1º premio ( 1.100 € ): REDEA SOLTA
2ºpremio ( 500 € ): ANACOS DE BUXO
3ºpremio ( 300 € ): ABELENTE