Asociacion de Gaiteiros Galegos

Inicio / Novas

Novas

X Xornadas Arredor da Música Tradicional

Obradoiros, seminarios, xornadas,... / 20.09.22

 


XornadasArredorAGG 2022_TamañoreducidoA AGG organiza o Sábado 1 de Outubro a X edición das Xornadas arredor da Música Tradicional. Un encontro anual onde afondar nas nosas tradicións.

Catro traballos de investigación vencellados á música tradicional e cinco presentacións de novas publicacións conforman os contidos da Xornadas arredor da Música Tradicional organizadas pola AGG en colaboración coa Secretaría Xeral de Cultura que se celebrarán na Casa da Gaita, Viascón, durante toda a xornada do Sábado 1 de outubro.

Esta cita, está destinada, non só a todas aquelas persoas que traballan no entorno da música tradicional, senón tamén a todo aquel que queira saber máis das nosas tradicións, favorecendo deste xeito que sexa un punto de encontro á par que pon de manifesto a importancia que teñen os traballos de investigación realizados neste eido para o coñecemento e preservación da nosa cultura.

Pretendemos a través desta actividade fomentar este tipo de encontros, que consideramos imprescindibles, tanto para a xente implicada na música tradicional, como para o resto da poboación, xa que se amosa a riqueza cultural dunha maneira aberta, chea de contidos e na que se pode participar de xeito activo nas diversas conferencias, contribuíndo e potenciando deste xeito a divulgación da cultura e a súa conservación.

Estas xornadas que están patrocinadas pola Consellería de Cultura, son xa unha cita anual imprescindible para tod@s @s amantes da música tradicional.

PROGRAMA:

10:15 - Apertura

10.30 – Relatorio I

“Concha do Canizo. O Pandeiro Cadrado na Terra das Frieiras”. Xulia Feixoo

11.20 Quenda de preguntas

11.30 - Presentacións de publicacións

11.30: “Damas e ghaláns no Entruido de Nergha. Unha danza de Entroido no Morrazo”. Guillerme Ignacio Costa

11.50 - Descanso

12.10 – Relatorio II

“Pandereteiras de Mens: de cando a oralidade invisíbel pasou a visíbel”. Beatriz Busto Miramontes

13.00 Quenda de preguntas

13.10 - Presentacións de publicacións

13.10: “Manuel Fernández Díaz. Manuel do Juano”. Daniel Carballo Penelas, Antón Santamarina, Guillermo Fernández, Pepe Vaamonde, Pablo Quintana López, Bieito Romero, Sagrario Fernández.

13.30 – Parada para xantar

16.30 - Presentacións de publicacións

            16:30 “O eco das estrelas. Música medieval no Camiño de Santiago”. Jose Manuel Salgado Mosquera, Francisco Singul, Mariña Arbor Aldea, Francisco Luengo.

16.50 – Relatorio III

“Proxecto Avareira: A trompa na Fonsagrada, Os Oscos e Taramundi”. Riedrich Bramsteidl, Paz Prieto, Juan Carlos Quintana e Daniel do Pando

17.40 Quenda de preguntas

17.50 – Presentacións de publicacións

17.50: “A Gaita na Terra de Melide”. Suso Ascariz

18:10: “Cancioneiro da Ribeira de Piquín. Unha aproximación á poesía tradicional da montaña lucense” Xosé Manuel Sánchez Rei, Noemí García Rodríguez.

18.30 – Descanso

18.50 – Relatorio IV

“A danza de espadas de Marín”. Jose Antonio Pazos Pazos e Jose Francisco Gil Dopazo

19.40 Quenda de preguntas

A TRADESCOLA ABRE O PRAZO DE MATRÍCULA PARA AS AULAS DE MÚSICA, CANTO E BAILE TRADICIONAL O DÍA 5 DE SETEMBRO

Varios / 01.09.22

trad iniciocurso_2022-2023 - copia2A Tradescola abre o 5 de setembro o prazo de matrícula para o vindeiro curso nas aulas de gaita, zanfona, acordeón, acordeón diatónico, baile tradicional, canto e pandeireta, pandeira, percusión, requinta, e linguaxe musical ademais de aulas específicas para os máis pequenos.

A TRADESCOLA,  o centro de ensino da música, do canto e do baile tradicional galego xestionado pola Asociación de Gaiteir@s Galeg@s en Lugo conta no seu equipo docente con 9 dos mellores mestres no eido da música e do baile tradicional, os mestres e mestras implicados no proxecto educativo da Tradescola son: Alberte Núñez(aulas de acordeón e acordeón diatónico)Bruno Villamor (aulas de gaita e requinta), Lucía Eiros (aulas de linguaxe musical), Xabier Iglesias (aulas de baile tradicional e de iniciación á música e o baile tradicional para nen@s), Jose Manuel López (aulas de gaita), Branca Villares( aulas de canto e pandeireta e pandeira), Roberto Rodríguez (aulas de canto e pandeireta), Germán Díaz (aulas de zanfona) e Miguel Anxo López Buján (aulas de percusión tradicional).

As aulas impartiranse nos locais do Centro Lug 2 e nos locais do Centrad de Lugo.

A matrícula permanecerá aberta en horario de 11.30 a 13.30 e de 16.30 a 19.00 horas ata o 16 de setembro nos seus locais na Rúa Pintor Corredoira nº 4 de Lugo.(Centro Lug2) ou no teléfono 982229966.

Se tes algunha consulta, ponte en contacto con nos no teléfono 982229966 ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo  

ESPERÁMOSTE!!!!

Aturuxo 20

AGG / 17.08.22

 

aturuxo 20_Portada










Un ano máis traémosvos unha nova edición do Aturuxo "O Voceiro da AGG", xa podedes disfrutar del na súa publicación en dixital no enlace: https://issuu.com/agg./docs/aturuxo_20

 

Os contidos desta edición son os seguintes:

Editorial

A AGG: Actividades 2020

Tradescola. Curso 2019-2020

REPORTAXES:

Torneados, eskeuromorfismo e determinismo xeográfico nas gaitas de fol do noroeste peninsular. Pablo Carpintero

Anotaciones acerca del uso de la tronpa o mosuguitarra en el País Vasco Juan Mari Beltrán

O tambor: pasado, presente e futuro. Andrés Vilán

Recursos de improvisación para acompañamento con pandeireta. Alejandra Montero

O xeito de bailar en Zobra. Luís Prego

O xeito de bailar en S. Pedro de Carcacía. Unha ollada á paisaxe cultural do lugar. Julia Pozo

A Danza de Espadas de Redondela. Apuntamentos sobre a música e os músicos. Oli Xiráldez

Mulleres que contan… ou da importancia do traballo de campo na posta en valor da música de tradición oral. Xulia Feixoo

Introito: ás notacións das técnicas estendidas na gaita de fol do século XXI. Erick Feles

Non é a frecha… É o indio. Os límites da gaita. Cristian Silva

Da memoria xenética á técnica de gaitaDavid Bellas

A frauta travesa na música tradicional e folk da Galiza. Uxía García Conde

A fabricación aditiva nos instrumentos de vento madeira. Suso Gestal

ENTREVISTA: Xoán Manuel Tubío Fernández

HOMENAXE: Lola da Coruñesa

PARTITURAS: Tocando a Xosé Marentes

 

Esperamos que desfrutes da súa lectura e aprendizaxe.

Xa están a venda as rifas para o sorteo de instrumentos da mostra de Pardiñas 2022

Varios / 04.07.22

rifas pardias 22Xa están a venda as rifas para o sorteo de instrumentos de música tradicional AGG - XXIX Mostra de intrumentos de música tradicional Pardiñas 2022 que se celebrará os días 6 e 7 de agosto en Pardiñas, Guitiriz , Lugo.

Os instrumentos que se sortean este ano son: 

Unha gaita de buxo, e un lote de dous punteiros de fabricación aditiva (impresión 3D) (en tonalidades Do e Sol).

Serán froito, a gaita: do traballo colaborativo de "Os canallas", (Alberto Pires, Oli Xiráldez, Benito Queimaliños, Afonso Castro, Patricia González ) que de novo se volven a poñer mans a obra para crear este instrumento único para a ocasión, e o lote de dous punteiros de fabricación aditiva que é unha doazón do obradoiro de Suso Gestal.

Premiazos!!! Non pérdala túa oportunidade de conseguir un destes instrumentos!!!

Para adquirir a túa rifa podes poñerte en contacto con nós nos teléfonos 986.847.074 / 982.229.966 ou a través do mail  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

BASES SORTEO-RIFA XXIX MOSTRA DE INSTRUMENTOS TRADICIONAIS - AGG - PARDIÑAS 2022 (preme no título da nova)

Festival Fin de Curso da Tradescola!!

Varios / 20.06.22

concerto festivalfincurso_webO vindeiro mercores 22 de Xuño a partir das 19.00 h, celebraremos o fin de curso da Tradescola cun concerto de música e baile tradicional que terá lugar no Auditorio municipal Gustavo Freire de Lugo. Actuarán alumn@s dos grupos de adultos da Tradescola acompañados polos seus mestres.
Esperámosvos a tod@s  para disfrutar da nosa cultura tradicional!!! Non faltedes!!! Entrada libre!! #tradescola #agg #findecursodatradescola #musicaebailetradicional

No vindeiro Recuncho da Palleta lembraremos a Rosa de Moscoso

Varios / 17.06.22

lume na palleira okEste domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Carme López, e con ela lembraremos a Rosa de Moscoso, moi importante e querida transmisora falecida recentemente. Contaremos ademais, para esa sentida homenaxe, coa participación do compañeiro Rodrigo Cuevas.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Fin de curso Infantil e Xuvenil da Tradescola

Varios / 14.06.22

cartaz trad_festivalfincursopeques21-22_webO vindeiro xoves 16 de Xuño a partir das 17.30 h, celebraremos o primeiro dos finais de curso da Tradescola cun concerto de música e baile tradicional que terá lugar no Fondo da Praza Maior de Lugo ( se chove será no Soto da Praza de Abastos de Lugo). Nesta actividade actuarán alumn@s dos grupos infantiles e xuveniles da Tradescola acompañados polos seus mestres.

Esperámosvos a tod@s para disfrutar da nosa cultura tradicional!!! Non faltedes!!!

E a vindeira semana mais música e baile tradicional!! Será a quenda dos adultos, que nos ofrecerán tamén un concerto o día 22 de xuño na Praza de Anxo Fernández Gómez.

Pesar polo falecemento de Rosa Garrido, mestra cantadeira de Moscoso (Pazos de Borbén)

Varios / 10.06.22

rosa e aida de moscoxo-tempo de recolleita 2007Dende a Asociación de Gaiteir@s Galeg@s queremos manifestar o noso pesar polo pasamento de Rosa Garrido Casqueiro, “Rosa de Moscoso”, figura referencial no canto tradicional galego.

Muller de grande memoria e impresionante voz, exerceu de mestra xenerosa xunto coa súa irmá máis vella, Aida, quen tamén era unha gran pandeireteira. Pola súa casa en Moscoso (Pazos de Borbén-PO), pasaron dende os anos noventa un gran número de compiladores e compiladoras da tradición oral galega. 

Participa soa ou coa súa irmá Aida numerosas veces no programa Luar da TVG, e ambas son protagonistas dun dos primeiros episodios do Alalá, emitido en marzo do 2006. No 2008 estréase o documental Tempo de Recolleita de Félix Blume, no que Rosa comparte protagonismo con compiladores da tradición coma Miro Regueira ou Xurxo Fernandes, e informantes emblemáticas coma Matilde Castro e José Rama de Limiñoa, ou as pandeireteiras belgas Ialma. Son precisamente as Ialma as que convidan a Rosa e a Aida a cantar nese mesmo ano 2008 no Teatro Moliére de Bruxelas. 

Moitas das Escolas de Música Tradicional do noso país ensinan a día de hoxe o repertorio legado por Rosa e por Aida de Moscoso, e grupos coma Ardentía, Davide Salvado, Caldo ou Xabier Díaz teñen empregado repertorio delas nas súas gravacións. A propia voz de Rosa aparece nun corte do proxecto Músicas para Ovay, que o músico coruñés Xosé Lois Romero fixo para este proxecto do bailador Quique Peón. 

Podedes saber máis cousas de Rosa e de Aida no programa Alalá do que foron protagonistas acompañadas tamén do compilador e músico Xisco Feijoo, Alalá nº 5 "Rosa de Moscoso" - TVG - YouTube 

Tamén a podedes escoitar cantar no Soundcloud de Tempo da Recolleita: Stream música de Tempo Da Recolleita | Ouça a músicas, álbuns, playlists gratuitamente online no SoundCloud 

Rosa de Moscoso, un referente do canto tradicional galego, sempre con nós.

Foto: Félix Blume (do documental Tempo da Recolleita)

Segunda entrega de "Santa Gaita" no Recuncho da Palleta

Varios / 10.06.22

lume na palleira okEste domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Xaime Estévez que nos traerá a segunda entrega de "Santa Gaita", nesta ocasión centrada nos "Santos de Verán".

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

2º encontro Celme de Zanfona en Lugo

AGG / 27.05.22

cartel a3_celme_de_zanfona_2022_webOs vindeiros días 3,4 e 5 de xuño terá lugar en Lugo o 2º encontro Celme de Zanfona, que traerá á cidade das Murallas tres días de concertos, clases maxistrais e mesas redondas ao redor deste instrumento milenario  ????????????????????????????
O encontro, que está coorganizado pola AGG, o CENTRAD, Vicepresidencia da Deputación de Lugo e a Área de Cultura do Concello de Lugo, desenvolverase baixo o epígrafe “A esencia da Zanfona Galega: Orixe, sons, textos e contextos” e pretende converter a Lugo nun punto de encontro de todas as persoas interesadas na zanfona, nun espazo de dialogo e de exposicións de ideas que siga xerando riqueza para o patrimonio musical deste pais.
????Durante a fin de semana haberá concertos, mesas redondas, conferencias e clases maxistrais de balde (para asistir ás clases maxistrais é preciso inscribirse a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ) As prazas son limitadas (15 persoas), a inscrición será por rigurosa orde de chegada das solicitudes e a data límite de inscrición é o 30 de maio!!!

Páxina 1 de 432