Concertos
Concerto Banda Baile Asalto (Pontevedra)
10.04.12
O vindeiro xoves 12 de abril ás 21 horas concerto da Banda Baile Asalto no Teatro Principal de Pontevedra
Este grupo “Pontevedrés” nado en Xuño de 2011 , co gallo da súa participación no Vl Festival Folc de Muxía, comeza a súa andaina, coa única intención de acadar a interacción co público, Hai que bailar!!! Cun repertorio alegre , desenfadado e aliñado polo
toque persoal de cada un dos seus compoñentes, preséntannos a súa proposta.
Un proxecto froito das inquedanzas de seis músicos de diferentes estilos, na percura dunha linguaxe “única”. Ademáis dun profundo coñecemento sobor da música tradicional galega , unha particular visión artística, e o seu gusto e coñecemento polas
músicas doutros países e estilos, fai que a Banda se converta nun proxecto apetecibel e inetiquetabel : música do mundo feita no noso país!!!
Presentación do novo disco de Quempallou
28.03.12
O novo traballo discográfico de Quempallou “Vellas Novas” xa se pode escoitar e mercar nas diferentes plataformas de distribución dixital na rede. Un adianto á saida nas tendas de música habituais, nas que estará dispoñible a partires da vindeira semana.
Xunto coa publicación do seu cuarto disco, e como é habitual, o grupo prepara unha xeira de concertos para levar o seu directo polas principais vilas galegas. De este xeito están confrimadas as seguintes datas: 13 de abril Bar Liceum (O Porriño), 14 de abril Aturuxo (Bueu), 17 de abril Casa das Crechas (Compostela), 20 de abril Auriense (Ourense) 27 de abril FNAC e Cova Céltica (A Coruña), 28 de abril Sala Super 8 (Ferrol), 5 de maio Festa do Muiño de Coiro (Cangas), 16 de maio Fábrica de Chocolate (Vigo).
“Vellas Novas” é un traballo cunha estética baseada no mundo do xornalismo, cargado de matices sonoros e variadas influencias musicais, que chegan dende a experiencia dun grupo que leva máis de doce anos en escena. Como é habitual en Quempallou, o disco asenta unha fonda raíz na tradición musical galega, a partir da cal, constrúe arranxos, adapta letras e crea novas composicións. Así conseguen unha sonoridade característica, apoiada nas percusións tradicionais, o acordeón e as cordas, sobre o que camiñan frautas, gaitas, e sobre todo a voz.
Concerto de Treixadura na Coruña
15.03.12
Concerto de Treixadura, o vindeiro 06 de maio, no Teatro Rosalía de Castro da Coruña ás 20:00 h.
Presentación do disco “Esa si que é Muiñada”
Prezo: Butacas, Plateas e Palcos: 12,00 €; Anfiteatro e os seus Palcos, Tertulia e Galería: 10,00 € (posuidores do carnet joven, maiores de 65 anos e desempregados, desconto de un 20%).
Venda anticipada en Servinova:
http://taquilla.servinova.com/entradas/main.php, 902 504500
Concerto de Quodlibet
29.02.12
O vindeiro 3 de Marzo as 21:30h no Auditorio Municipal de Caldas de Reis
Quodlibet é unha combinación artística da música tradicional coa académica, protagonizada polo instrumento clave das nosas romarías: a gaita acompañado dun extraordinario e completo amigo coma o Piano.
Asi é como se define este duo de gaita e piano que se forma en maio do 2011 , coa posta en funcionamento do seu proxecto MIXTURA .
Mixtura entre clásico e tradicional cunha soa finalidade de entender a música.
¿Quen son Quodlibet?
Unha mixtura innovadora de músicos; Andrea García González (pianista),Felipe Rea Otero (gaiteiro) que coinciden na posta en marcha deste proxecto coa idea de ofrecer un espectáculo musical cargado de connotacións históricas e formativas ó longo da popularidade dos instrumentos que protagoizan a nosa exposición tradicional; espectáculo, que polo de agora só tiña cabida nalgúns consevatorios nos que se potencia ós seus creadores e ós novos interpretes.
¿que ofrecen?
Un concerto, dunha hora e media de duración aproximadamente na cal de forma amena unha gaita, en primeira persoa, relata a historia da súa vida, en compaña dun piano.
Historia na que se combinan formas musicais pertencentes ó folclore e pezas de repertorio actual e de autor; de aí sae o nome do proxecto: mixtura.
Prema no título para ver a nova ao completo
Uxía en Concerto
09.02.12
Uxia presenta o seu novo álbum Meu Canto, unha reflexión sobre el acto de cantar, as emocions que provoca, a voz, a esencia…
Rivas Vaciamadrid (Madrid)
Venres 10 de febreiro
Salón de actos do C.C Federico García Lorca
20:30 hrs - entrada 8,00€
Mucientes (Valladolid)
Sábado 11 de febreiro
Aula Museo Paco Díez
21:00 hrs - entrada 10,00€
O Barco de Valdeorras (Ourense)
Domingo 13 de febreiro
Teatro Municipal Lauro Olmo
20:00 hrs - entrada 6,00€
Concerto de Noitarega en Gondomar
01.02.12
Primeiro concerto de Noitarega en 2012: este sábado, 4 de febreiro, no Auditorio Lois Tobío de Gondomar ás 20:30 h. FESTA GARANTIDA!!!
Entrada: 5 €
Moxenas en concerto
26.01.12
Este sábado, 28 de xaneiro, ás 20:30 h no Auditorio Reveriano Soutullo de Ponteareas preséntase Moxenas en Concerto.
Non faltes, prometen diversión!!!!
Treixadura en concerto
20.01.12
Treixadura en concerto:
Día 11 de febreiro.
Auditorio do Pazo da Cultura de Pontevedra ás 21:00 h.
Presentación do disco “Esa si que é Muiñada”
Prezo: 10 € (8 para estudantes, xubilados e desempregados)
Día 21 de abril.
Auditorio Municipal de Vilagarcía ás 21:00 h.
Presentación do disco “Esa si que é Muiñada”
Prezo: 10 €
Xa está aberta, para ambos concertos, a venda anticipada en Servinova:
http://taquilla.servinova.com/entradas/main.php, 902 504500
Concerto de Nadal en Allariz
29.12.11
O dia 3 de Xaneiro de 2012 as 16:00h, na Igrexa do covento das Clarisas en Allariz, CONCERTO DE NADAL.
Participan:
-A agrupación da Escola de Música Tradicional de Ourense: ” De Pé Feito”, e alumnos das Escolas de Música Tradicional
-As pandereteiras de Allariz, “Xilindeiras”
-As Clarisas Allariz
Concerto Cantos na Maré 2012
29.12.11
O espectáculo virá, coma sempre, precedido de varios días de ensaios para que os convidados se coñezan e constrúan xuntos un repertorio orixinal que fai de Cantos na Maré un espectáculo único.
Cantos na Maré é unha produción de Nordesía, co patrocinio do Concello de Pontevedra e a colaboración da Axencia Galega das Industrias Culturais (Agadic) e Novacaixgalicia.
Páxina 5 de 24