Asociacion de Gaiteiros Galegos

Gaiteiros galegos
Inicio / Novas / Varios

Varios

XANTAR GAITEIRO 2009

24.03.09

Un ano máis, a Asociación de Gaiteiros Galegos quere convidarvos ao Xantar Gaiteiro. Será o vindeiro Domingo 5 de Abril, ás 14:00 horas, no restaurante Aixiña de Ourense.

Esta xuntanza non ten outra finalidade que a de pasar un día agradable en compaña dos que gustamos da música tradicional. Quen así o queira poderá traer o seu instrumento para compartir a súa música co resto de convidado/as despois do xantar.

Para asistir ao XIV Xantar Gaiteiro, deberás poñerte en contacto connosco antes do día 1 de Abril, indicando, se é o caso, o número de persoas que te acompañarán.

MENÚ
Sopa de Cocido
Cocido
Postre: Bica
Auga, viño, refrescos, café e chupitos.

PREZO
17 euros por persoa, que serán entregados ao entrar.

RESERVA
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
986 847 074

5 de Abril de 2009, 14:00 h (Prégase puntualidade)

Restaurante Aixiña
988 233 304‎
Finca Sevilla S/N (Xunto Pazo dos Deportes Paco Paz)
Ourense


Quen queira animarse a empezar a festa un pouco antes, pode acudir á Cafetería da Alameda de Ourense ás 12 da mañá, onde se quedará para dar un paseo pola zona de viños antes da comida
   

X NOITES DE TASCA

24.03.09



Este venres, 27 de Marzo, celébranse en Ordes as Décimas Noites de Tasca.


Nesta edición das Noites de Tasca se contará coa participación do Sr. Pazos de Merexo, acordeonista de Merexo, Muxía.
E despois da súa actuación, coma sempre, unha foliada á que estades invitados a asistir e participar.


As X Noites de Tasca terán lugar na Rincón do Pincho (C/ Alfonso Senra, 75) de Ordes.


Organiza: Asoc. Grupo de Gaitas Os Viqueiras de Ordes
Patrocina: Concello de Ordes
   

Ruada en Cabaleiros

23.03.09



Dende a Asociación Cultural Brisas do Quenllo queren convidarvos á Ruada que organizan na Sala Calviño de Cabaleiros o venres 3 de Abril de 2009 ás 10 da noite.


Esta Ruada contará coa participación do gaiteiro Flor da Maquía, os pandereteiros e bailadores da Pontraga, as pandereteiras de Cabaleiros, as pandereteiras de Anxeriz, as pandereteiras de Viladabade e a Banda de Lesta... A


Arrimádevos á Sala Calviño de Cabaleiros (Tordoia) e vinde bailar e tocar.



Organiza: Asoc. Cultural Brisas do Quenllo
Colaboran: Asoc. O Buxo de Tordoia e Concello de Tordoia
   

Gran afluencia de público nas Xornadas de Baile Tradicional da AGG

10.03.09

O pasado sábado 9 de Marzo leváronse a cabo as Primeiras Xornadas de Baile Tradicional organizadas pola Asociación de Gaiteiros Galegos cunha gran afluencia de público. O Centro Sociocultural do Castiñeiriño, en Santiago de Compostela, acolleu as actividades programadas para este evento, ao que asistiron máis de setenta persoas, que recibiron, ademais dunha conferencia sobre interesantes aspectos do baile tradicional galego, clases prácticas sobre a preparación do corpo para unha sesión de baile (quecemento e estiramentos), a muiñeira, a xota e o baile agarrado. Tras rematar as Xornadas, celebrouse no mesmo local un serán, que se alargou ata altas horas da noite, no que os asistentes fixeron gala do aprendido ao longo do día, con música en directo do grupo santiagués Brincadeira.
A Asociación de Gaiteiros Galegos organiza estas Xornadas sobre o Baile Tradicional Galego coa intención de integrar esta disciplina na programación da AGG, e así cubrir a demanda existente por parte dos nosos asociados e asociadas, e un gran público interesado neste aspecto da cultura. A boa acollida que recibiu esta primeira edición das Xornadas anímanos a seguir traballando en prol da cultura tradicional galega.
   

FESTIVAL DA MAÍA

06.03.09

A Casa da Cultura de Bertamiráns será o escenario que acolla este sábado día 7 de marzo, o festival de música galega que organiza a Asociación Cultural e Xuvenil "Val da Maía".
O obxectivo principal é o de dar a coñecer á sociedade amiense as cantareiras que forman parte desta asociación.
O lugar escollido para o acto é a Casa da Cultura de Bertamiráns, ás 20:30 horas.
Neste evento participarán distintas agrupacións musicais, que serán presentadas polo locutor de "Lume na palleira" da Radio Galega, Emilio Españadero. Así, actuarán no acto de xeito desinteresado a Asociación Cultural "Follas Novas", de Ames, o Grupo de Gaitas "Airiños do Meda", de Padrón e "Os Alegres", de Pontevedra, ademais do grupo de pandereteiras da asociación que organiza o festival. A organización tamén deparará algunha sorpresa pero que se desvelará durante o transcurso do evento.

Casa da Cultura de Bertamiráns
Praza Chavián, s/n
Ames
   

VENRESPIRAR DO 6 DE MARZO

04.03.09

Non esquezades que este venres 6 de Marzo a partir das 22:30 celébrase un novo Venrespirar no Local da Asoc. Foula de Ourense.
Contarase coa música do dúo Castor e Félix, así como dos AOFT-Gomes; para dinamizar o baile estará Luis Prego. Non perdades esta oportunidade para aprender novos pasos e desfrutar do baile colectivo e tamén de boa música.

Asociación Cultural Foula
Rúa da Canle. Ourense
   

REBULIR NA MOSTRA DA DIVERSITAT CULTURAL DE TERRASA

04.03.09

A Escola de Baile e Música Tradicional Rebulir participará na X Mostra da Diversitat Cultural de Terrassa-Barcelona, os vindeiros días 20, 21 e 22 de Marzo, representando a comunidade galega e máis concretamente a Ourense.

A esta Mostra desprazarase o grupo de baile de adultos de Rebulir e O grupo de Gaiteiros, compartindo esceario con grupos de outras comunidades autónomas e de todo o mundo.
   

SERÁNS DA SALA NASA

02.03.09

O vindeiro xoves 5 de Marzo, ás 21:30, celébrase a seguinte edición dos Seráns da Nasa, para tódolos bailadores e bailadoras espallados por Galiza que teñan gañas e necesidade de botar unhas bailas, e tamén para todos aqueles que non saiba bailar e queira disfrutar da música, coñecer que é iso dos seráns e animarse a botar un puntiño...


Os grupos que porán a música son:

HABELAS HAILAS de Santiago
GAITEIROS DE FORTÍN DA POMBA de Bandeira
BRICADEIRA de Santiago
PABLO SEOANE GRUPO

Sala Nasa
Rúa San Lourenzo 51-53
Santiago de Compostela

Patrocinado polo Concello de Santiago de Compostela, Concellaría de Cultura
   

22 ANIVERSARIO DA CASA DAS CRECHAS

02.03.09

A Casa das Crechas celebra o luns 16 de Marzo o seu 22 Aniversario, e para celebralo, ademais dunha festa en tan sinalada data, poderedes asistir á programación especial de aniversario, que inclúe unha actuación do Trío Vaamonde, Lamas e Romero o martes 10 de Marzo, e unha Foliada Aniversario o mércores 11 de Marzo.

Casa das Crechas
Vía Sacra, nº 3
Santiago de Compostela
www.casadascrechas.com
   

DESPEDIDA DO ENTROIDO NA TRADESCOLA

27.02.09

A Tradescola despediu o entroido cunha festa o xoves 26 de febreiro no Complexo Residencial Xuvenil LUG II. Os alumnos fixeron que os disfraces, a música e o baile foran os protagonistas da xornada.

A TRADESCOLA, escola de música tradicional xestionada pola Asociación de Gaiteiros Galegos, despediu o entroido cunha festa o día 26 de febreiro de 2009 no Complexo Residencial Xuvenil LUG II. Nesta xornada, que serviu de clase práctica para os máis de cen alumnos que asisten a Tradescola, disfrutouse da música e do baile tradicional durante gran parte da noite.
O Entroido é unha festa popular que ten a súa orixe como indicación da fin do inverno e o comezo da primavera, sendo a época na que se poden romper tódalas normas, cambiar de personalidade ou identidade e ironizar sobre temas diversos. É, sen dúbida, a festa máis irreverente do calendario galego.
Dende a Asociación de Gaiteiros Galegos pensamos que este tipo de xornadas , que están orientadas aos alumnos, profesorado e persoas interesadas na música tradicional en xeral, favorecen a difusión e promoción da cultura tradicional e axudan a dinamización da vida cultural lucense.
   

Páxina 214 de 228