Varios
Concerto-Presentación do CD de Agustín Sánchez “Pezas de aquí e acolá” na Tradescola
16.04.12
O vindeiro mércores 25 de Abril, ás 21.00 horas, terá lugar o concerto – presentación do novo disco de Agustín Sánchez “PEZAS DE AQUÍ E ACOLÁ” na TRADESCOLA, ( Rúa Pintor Corredoira nº 4 – Lugo)
“Pezas de aquí e acolá” é o título do primeiro traballo discográfico de Agustín Sánchez dedicado integramente á formación de cuarteto tradicional, no que se recolle unha selección das súas composicións e arranxos para esta formación. Partindo sempre da tradición do seu lugar de orixe, Galiza, Agustín introduce algúns dos ritmos e xéneros más representativos do novo continente, achegándonos a países como Arxentina, Venezuela, Cuba ou EE.UU, e empregando unicamente a sonoridade propiciada polas gaitas e a percusión tradicional. Así pois, nos 12 temas que compoñen este traballo mestúrase a muiñeira, a xota e o pasodobre con temas como “Swing con grelos”, “Comodoro”, “Almendrón” ou “El Marabino”, nos que se percibe claramente o sabor propio do swing, tango, danzón e o valse venezolano.
O concerto correrá a cargo do Cuarteto Tradicional “Farrapos de ghaita”, fundado o pasado ano co gallo da presentación do disco. “Farrapos de ghaita” quere rendir tributo á formación de curateto tradicional, pero facéndoo dun xeito distinto e innovador, onde a composición, o arranxo e a importación de novos ritmos e xéneros musicais son factores esenciais, sen renunciar por suposto ás súas raíces: a música tradicional galega. Os seus protagonistas son Suso Moreira (gaita), Agustín Sánchez (gaita), Noa Migal (tamboril) e Pablo Pardo (bombo), excelentes músicos cunha ampla experiencia no eido da música tradicional.
Ruada en Cabaleiros
16.04.12
Despois de tres anos de non parar, por cuarto ano consecutivo chega a sonada, a esperada...
Ruada de Cabaleiros (Ruada da Pontepedra para os mais localistas).
A organización corre da man da Asociación Cultural Brisas do Quenllo da Pontraga, pero precisan colaboración pois, tal como o palleiro non se fai sen palla, a festa non se fai sen bos festeiros.
Queren, logo, contar con todas e todos vós para facer, entre todos, unha festa do melloriño. Con cantador@s, tocador@s, beilador@s...
O 21 de abril é o dia grande da festa, na Pontepedra, mesmo no corazón de Tordoia, na Sala Calviño, ó abrigo, non vaia ser que nos colla a auga por sorpresa.
Déixate guiar pola xente máis veterana e achégate ata a festa, boa onde as haxa: http://www.youtube.com/watch?v=souuwmDM6g4&;feature=youtu.be
Falecemento de Amelia Martínez (Meli)
13.04.12
A capela ardente estará, a partir de hoxe venres, no tanatorio VIGOMEMORIAL, na Avda. da Ponte 106 Bembrive - Vigo (Subida Vigo Puxeiros,salida 663 - Universidade).
Os músicos Germán Díaz e Monxardín encabezan esta fin de semana en A Fonsagrada o Proxecto Florencio
12.04.12
Os músicos galegos que participan no Proxecto Florencio, de aprendizaxe e investigación sobre música popular, celebrarán esta fin de semana unha especie de ensaio xeral en A Fonsagrada, municipio no que ten a sua orixe a iniciativa e no que naceu e viviu Florencio dos Vilares, considerado o último cego violinista e trovador.
Tras un período de inscripción inicial, dende decembro se celebran en Lugo ensaios dous sábados ao mes. Esta fin de semana as actividades trasládanse á vila fonsagradina e incluen unha visita ao Museo Comarcal. O prestixioso zanfonista Germán Díaz é o coordinador musical. Para a fin de semana tamén está prevista a participación do premiado gaiteiro fonsagradino Brais Monxardín.
O calendario do proxecto, inclue talleres sobre presencia escénica e presentacións en A Fonsagrada e Lugo. O obxetivo é que os músicos estudien a figura e o repertorio do trovador dende diferentes perspectivas. Os ensaios rematarán en xuño.
Ardentía na Gentalha do Pichel (Compostela)
12.04.12
O grupo Ardentía presenta o seu quinto traballo discográfico "Vintage" o vindeiro venres 13 de abril ás 22:30 horas no C. S A Gentalha do Pichel
Amigos dá Pandeireta organiza obradoiros de percusión e canto tradicional (Monforte)
11.04.12
A asociación cultural monfortina Amigos dá Pandeireta organiza unha serie de obradoiros de percusión e canto tradicional que serán impartidos respectivamente por Xosé Maceda, músico do grupo Quempallou, e Bea Berao, directora dá escola musical Bing Bang. As clases impartiranse non local dá asociación e a matrícula custará dez euros para vos non socios. As inscricións poden facerse non teléfono 661 001 287. Haberá sete xornadas dedicadas ao tamboril e á pandeireta e cinco sobre canto.
Zona da Zanfona 2012: a imaxe
11.04.12
Descúbrese a imaxe para este Encontro Internacional de Zanfona que levará no 2012 a zanfonistas de toda Galicia a concentrarse entre o 20 e 22 de abril na vila mariñeira de Rianxo. A imaxe destes encontros son un carácter distintivo da marca creada ao redor deste instrumento desde aCentral Folque que leva achegando aos mellores instrumentistas de Europa desde o ano 2005. E con obxetos cotiáns que se accionan por manivela de moi diferente natureza, para esta edición o trebello elexido é un pasapuré, dos de toda a vida. O deseño, composición e foto son, coma sempre, de Pablo Giraldez "O Pastor", artista de Redondela.
VIII Encontro Internacional de zanfona
10.04.12
Parecía que non ía chegar pero por fin está aquí o encontro internacional sobre a zanfona en Galicia. Con novedades (novo nome, nova data, novo lugar) e moita forza (no só un mestre europeo convidado, senón dous!) para seguir sendo o centro aglutinador sobre as novas tendencias do instrumento e catalizador da catarse colectiva dos zanfonistas galegos.
As datas desta Zona da Zanfona, un encontro para profesionais, amadores, curiosos, neófitos e iniciados serán os días 20, 21 e 22 de abril en Rianxo e nos vindeiros días iremos desvelaranse máis detalles. Por agora, unha interrogación sobre a imaxe escollida para esta edición deseñada por Pablo Giraldez "O Pastor"
Xa está á venda Vellas novas, o novo disco de Quempallou
03.04.12
O cuarto disco de Quempallou, Vellas novas está xa dispoñible en edición dixital e agárdase a súa chegada ás tendas a partir desta semana. O volume achega 12 novos temas nos que se mesturan letras tradicionais con novos arranxos e composicións propias, mantendo unha sonoridade na que percusións tradicionais, acordeón e cordas serven de base para frautas, gaitas e voz. No web do grupo pódense escoitar xa os temas Na Habana e Foliada do viño.
O grupo comeza o vindeiro 13 de abril a xira de presentación do traballo no Bar Liceum (O Porriño). Os concertos seguirán o 14 de abril noAturuxo (Bueu), o 17 de abril na Casa das Crechas (Compostela), o 20 de abril na Auriense (Ourense), o 27 de abril no FNAC e na Cova Céltica (A Coruña), o 28 de abril na Sala Super 8 (Ferrol), o 5 de maio na Festa do Muiño de Coiro (Cangas) e mais o 16 de maio Fábrica de Chocolate (Vigo).
Xa dispoñible a revista Sons da Galiza 21
03.04.12
Xa está dispoñible na rede o número 21 da revista Sons da Galiza, correspondente aos meses de marzo e abril. Co retorno de Heredeiros da Crus como bandeira, a nova entrega da publicación atende tamén ao traballo de recreación de roupa tradicional de Patricia González, á presentación do grupo Agrumar, nado na E-Trad de Vigo, e entrevista o pintor Rafael Freijeiro. Unha partitura para gaita e un repaso dos novos lanzamentos discográficos completan o número.
Páxina 203 de 265
