AGG
XVIII Memorial Ricardo Portela
28.06.17
O venres 07 e o sábado 08 de Xullo de 2017 terá lugar na cidade de Pontevedra o Memorial Ricardo Portela. Este memorial organizado pola Asociación de Gaiteir@s Galeg@s en colaboración co Concello de Pontevedra, que naceu hai 18 anos coa finalidade de honrar ao Gaiteiro de Viascón, firme defensor da dignidade da gaita e do gaiteiro e mestre recuperador da forma de interpretar este instrumento en toque pechado, adquire nesta edición un carácter especial por se cumprir no pasado mes de marzo o 25 cabodano do seu pasamento.
Por este motivo, nesta edición sumamos esforzos para facer un Memorial Especial, no que durante os dous días nos que transcorre, ademais da Mostra de artesanía de instrumentos tradicionais e das actuacións de escenario, as rúas de Pontevedra se convertan no referente da música tradicional, como centro reivindicativo da súa importancia na cultura de Galicia, e o faga inundando as súas rúas de tradición con 5 pasarrúas na tarde do venres e outros 5 durante toda a xornada do sábado, de xeito que cada persoa que transcorra pola cidade poida desfrutar da nosa música, e ademais ao xeito do Gaiteiro de Viascón, en toque pechado.
O IV Memorial Henrique Otero reunirá a mais de 150 interpretes para recordar ao “Gaiteiro do Fragoso”.
21.04.17
Non te perdas mañá sábado 22 de abril, este acto organizado pola Asociación de Gaiteir@s Galeg@s coa colaboración dos Conservatorios Superior e Profesional de Música de Vigo e a Área de Cultura da Deputación de Pontevedra na honra do mestre Otero.
O evento será aberto ao público e terá lugar no auditorio do citado Conservatorio, sito na Rúa Manuel Olivié 23 – O Castro – Vigo ás 19.30 horas
A través deste memorial, a Asociación de Gaiteir@s Galeg@s quere amosar un ano mais o recoñecemento do valor patrimonial que a vida e a obra do mestre Otero significa para a nosa cultura, e contribuír deste xeito ao redescubrimento constante da obra deste senlleiro personaxe da música galega.
Henrique Otero deixou no seu legado o seu traballo como impulsor do ensino académico da gaita (sendo o primeiro profesor da historia deste instrumento nun conservatorio). Foi o primeiro gaiteiro que editou un método para o seu aprendizaxe e o primeiro que logrou formar unha banda de gaiteiros na cidade olívica alá polo ano 1981. Foi tamén membro do grupo histórico ”OS CRUCEIROS” e deixou non menos de 250 composicións para gaita galega. Pero ademais Henrique deixou tamén outra gran herdanza na comarca de Vigo, o amor pola gaita galega e polo traballo ben feito, converténdose nunha ponte entre o gaiteiro rural e o gaiteiro urbano, entre o gaiteiro que foi e o músico que durante 40 anos formou parte da hoxe desaparecida banda municipal de Vigo.
Esta 4ª edición do Memorial Henrique Otero estará dedicada ás obras cantadas ou con letra do "Gaiteiro do Fragoso", unhas trinta do seu catálogo, o que comprende arredor dun dez por cento do mesmo e das que imos a poder escoitar case a metade. No evento, que aglutinará a mais de 150 intérpretes, participarán Beatriz Riobó acompañada no piano por Alejo Amoedo e Nadia Vázquez á gaita, a Agrupación Folclórica Breogán de Moaña acompañada polo grupo folk Son do Río, Marina Fernández e Erick Feles, Os Carunchos, a Banda de Gaitas Raigames acompañada polo Coro galego do C.C. Abrente, Folk de Coiro con Marcos Castro, Abóbriga, O Orfeón mariñeiro do Berbés dirixido por Luís Prego, Os Carunchos, o Coro Cantares do Brión, Breogán de Moaña coas voces do grupo folk "O son do Río" dirixidos por María Xosé López, o grupo folclórico "Lembranzas galegas".... En definitiva, un evento único que reunirá arredor da figura do mestre voces, gaita, percusión, baile, pianos,... sen dúbida unha cita inesquecible e irrepetible.
Esta 4ª edición do memorial, ao igual que a 3ª volve celebrar ademais o encontro de novos gaiteiros “II Xuntanza folclórica da mocidade ‘Henrique Otero’”, que terá lugar o venres 12 de Maio ás 19:30 horas no Conservatorio Profesional de Música vigués, co que se quere facer unha conmemoración engadida que se ocupe dos máis novos no mundo da gaita galega e que este ano estará dedicado ó baile tradicional coa música de Henrique.
Coñece mais sobre o certame ENREGUÉIFATE no Recuncho da Palleta
21.04.17
No Recuncho da Palleta desta semana Gustavo Couto traeranos a Antía Ameixeiras, unha das responsables do certame "ENREGUÉIFATE", unha iniciativa que persegue apoiar a difusión desta forma de improvisación oral e contribuír á promoción do uso da lingua galega.
Non te perdas o domingo as 17:00 horas Lume na Palleira
Dende a Asociación de Gaiteir@s Galeg@s desexámosvos unhas moi felices festas!!
22.12.16
Nestas datas tan especiais, as portas do nadal queremos enviarvos os nosos mellores desexos. Grazas a tod@s @s que depositades en nos a vosa confianza e apostades polo traballo en prol do noso folclore.
Son datas moi sinaladas cheas de maxia, nas que esperamos que as nosas músicas e bailes vos acompañen.
A tod@s @s nos@s asociad@s, amig@s, amantes da nosa cultura, esperamos seguir contando coa vosa confianza que nos axuda a crecer cada día e a afrontar novos retos.
Desde a Asociación de Gaiteir@s Galeg@s desexámosvos un moi Bo Nadal!!!
Xornadas de baile e percusión tradicional para pechar o ano
09.12.16
Para poñer o broche final ao traballo deste ano 2016, dende a Asociación de Gaiteir@s Galeg@s organizamos na vindeira fin de semana dúas actividades, unhas Xornadas de Percusión Tradicional, que terán lugar no Local Social Lar (Poblado As Veigas – Concello As Pontes – A Coruña) e unhas Xornadas de Baile Tradicional que terán lugar na casa Común de Oza (Concello de Teo - A Coruña).
Estas xornadas contan co patrocinio da Deputación da Coruña, e coa colaboración do grupo de empresa Endesa (As Pontes ) e do Concello de Teo.
XORNADAS DE PERCUSIÓN – AS PONTES
No seu afán de abarcar todos os ámbitos da música tradicional, a AGG organiza estas xornadas sobre Percusión Tradicional que terán de protagonistas ao tambor e ao bombo na xornada do sábado, e á percusión de man na xornada do domingo.
Contaremos con obradoiros prácticos da man de expertos no mundo da percusión como Francisco Estevez “Chuco”, Marcos Saburido “Kinhos”, Gustavo Couto, Xose Lois Romero, Denise Silva e Felisa Segade.
Tamén contaremos con concertos ao remate de cada día.
PROGRAMA:
Sabado 17 de decembro
10.20 horas - Entrega de documentación e apertura.
10.30 horas – Obradoiro de bombo con pratos - Gustavo Couto.
13.30 horas – Descanso Xantar
15.30 horas – Obradoiro de regraxe da percusión – Marcos Saburido “Kinhos”.
17.30 horas – Obradoiro de técnica de tambor e bombo – Francisco Estévez “Chuco”.
20.30 horas – Concerto
Domingo 18 de decembro
10.30 horas – Obradoiro multipercusións – Xose Lois Romero.
13.30 horas- Descanso Xantar
15.30 horas- Obradoiro de toques de pandeireta na zona dos Ancares – Denise Silva
17.30 horas- Obradoiro de pandeira – Felisa Segade.
20.30 horas – Concerto Bouba pandereteiras.
INSCRICIÓNS: As inscricións deberán facerse nos teléfonos 986 84 70 74 ou 982 22 99 66 ou enviando un correo electrónico a
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
indicando nome, apelidos, un teléfono de contacto, e se a inscrición é para o sábado, para o domingo ou para os dous días.
Estas xornadas son de balde e @s alumn@s deberán levar os seus instrumentos para os obradoiros.
As prazas son limitadas por orde de inscrición, Animádevos a participar!!!
XORNADAS DE BAILE – TEO
Tamén dende a Asociaci@n de Gaiteir@s Galeg@s organizamos unhas novas xornadas para tod@s os amantes do baile tradicional que terán lugar os vindeiros 17 e 18 de decembro na Casa Común de Oza, no concello de Teo, A Coruña.
Nestas xornadas, que naceron coa intención de cubrir a demanda existente por parte d@s nos@s asociad@s e dun gran público interesado neste aspecto da tradición galega, haberá dúas opcións, unha para iniciarse no mundo do baile tradicional, e outra para un nivel máis avanzado.
Contaremos con relatorios e obradoiros da man de Marcos Botana, Rebeca Tallón, Francisco Javier Feijóo “Xisco”, Manolo Cobas ou Olga Kirk, e cun concerto para o remate da xornada.
PROGRAMA:
Sabado 17 de Decembro (iniciación)
16.15h – Entrega de documentación e apertura
16.30h – Obradoiro. Por Marcos Botana: Muiñeira
18.15h – Descanso
18.30h –Obradoiro. Por Rebeca Tallón: Bailas unha xota?
Domingo 18 de Decembro (avanzado)
10.15h – Entrega de documentación e apertura
10.30h – Relatorio + Obradoiro. Por Manolo Cobas
O baile na Fonsagrada
12.15h – Descanso
12.30h – Relatorio + Obradoiro. Por Olga Kirk.
Sobre o baile na zona da Limia ourensana
14.30h – Xantar
16.30h – Obradoiro teórico-práctico. Francisco Javier Feijóo “Xisco”
Protocolos nos bailes populares galegos.
18.30h – Concerto
INSCRICIÓNS: As inscricións deberán facerse nos teléfonos 986 84 70 74 ou 982 22 99 66 ou enviando un correo electrónico a
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
indicando nome, apelidos, un teléfono de contacto, e se a inscrición é para o sábado, (Iniciación) ou para o domingo (avanzado).
Estas xornadas son de balde. As prazas son limitadas por orde de inscrición, Animádevos a participar!!!
Programa III Xornadas de baile tradicional
08.11.16
Xa podes consultar o programazo que temos preparado para o vindeiro sábado 19 de Novembro en Lugo.
10.15h – Entrega de documentación e apertura
10.30h – Relatorio - Obradoiro I.
Relatorio – As Moliñeiras. Por Xabier Iglesias.
11.00h. Quenda de preguntas
12.15h. Obradoiro práctico: As Moliñeiras
12.15h – Descanso
12.30h – Relatorio - Obradoiro II
Relatorio – O baile no Concello de Avión (Ourense). Por Miguel Sotelo.
13.00h. Quenda de preguntas
13.15h. Obradoiro práctico: O baile na Edreira Vella e Boeixos, ao xeito de Hipólito e Dosinda. Por Miguel Sotelo
14.15h – XANTAR
16.30h – Mesa Redonda
Cantidade ou calidade. ¿Qué beneficia mais o noso baile?
Interveñen: Luis Prego, Xabier Iglesias, Marcos Botana e Miguel Sotelo.
Modera: Gustavo Couto.
18.00h – Descanso
18.15h – Relatorio - Obradoiro III
Relatorio – Na percura do fandango perdido. Por Luis Prego
18.45h. Quenda de preguntas
19.00h. Obradoiro práctico: Na percura do fandango perdido
III Xornadas de Baile Tradicional
28.10.16
Xa temos data para as III Xornadas de baile tradicional que organizamos dende a AGG, que como novidade este cambia de ubicación e celebraranse na cidade de Lugo.
Serán o vindeiro día 19 de novembro e como nas edicións anteriores estarán cheas de contidos moi interesantes. Xa temos o programa prácticamente pechado, así que reservade a data e estade pendentes das novas!
Esperámosvos!!
Dous directivos da AGG gañadores do Premio de artesanía "Antonio Fraguas Fraguas"
30.09.16
Hoxe queremos sumarnos ás felicitacións ao noso directivo Pablo Carpintero, gañador do XI Certame de artesanía “ANTONIO FRAGUAS FRAGUAS” na categoría tradicional coa reprodución da gaita de fol da Cantiga 350 de Santa María.
Este Certame, convocado pola Deputación de A Coruña cada dous anos, xa fora gañado na súa edición anterior por outro dos directivos da AGG, Xaneco Tubío, coa "Carneifona", unha reinterpretación dunha zanfoña galega antiga, usada polo cego de Carelle.
Parabéns!
A AGG retransmitirá en directo as IV Xornadas arredor da Música Tradicional
23.09.16
Conscientes da importancia de dar a coñecer a cultura tradicional, dende a Asociación de Gaiter@s Galeg@s, quixemos facer un esforzo extra e apostamos por darlle a estas xornadas a maior difusión imaxinable, co fin de, non só chegar ao maior número de xente posible, senón tamén para poñer de manifesto a importancia que teñen os traballos de investigación para poder coñecer, afondar e transmitir as tradicións dos pobos.
Por iso, convidamos a todas as persoas que queiran saber mais da cultura tradicional a que sigan en directo, mañá sábado 24 de setembro, a través da nosa web www.gaiteirosgalegos.gal os contidos das IV Xornadas arredor da Música Tradicional.
PROGRAMA:
10.15 – Apertura e entrega de documentación
10.30 – Relatorio I
“O repertorio acompañado de pandeiro cadrado na Galiza”.
Julia Feijóo
11.20 – Quenda de preguntas
11.30 – Relatorio II
“¿Por que os Gaiteiros empeñámonos en tocar desafinados? Novas entoacións para arranxar problemas vellos”.
Carlos Real
12.20 – Quenda de preguntas
12.30 – Descanso
13.00 – Relatorio III
“Reconstrución da gaita de fol da Cantiga 350”.
Pablo Carpintero
13.50 – Quenda de preguntas
14.00 – Xantar
16.30 – Presentacións de publicacións
16.30 – “Acordeón diatónico tradicional e folk galego”.
Alejandro Balbuena
16.50 – “Método de acordeón diatónico”.
Pedro Blanco
17.10 – “Antón Corral, alborada dun soño”.
Pablo Quintana (Ed. Canela). Coa participación da autora Fina Fernández e o protagonista Antón Corral.
17.55 – Presentación - Concerto
“Tamborileros Leoneses. El Bierzo". Luis Mondelo
18.35 – Descanso
18.45 – Relatorio IV - Concerto
“La colla de xeremiers. Origen i evolución”.
Càndid Trujillo & Pep Toni Rubio
20.15 – Peche
Toda a información sobre os contidos no evento das xornadas:
Páxina 1 de 19
