MONOGRÁFICOS 07

15.01.07

O sábado 20 de Xaneiro comezan os monográficos de Lalín, cursos especiais arredor da música, numerosos e eclécticos. Durante 7 anos os monográficos son unha referencia para formarse fora pero dentro do conservatorio atendendo ás peticións do alumnado e do mundo artístico que rodeia o centro. Van dirixido a amadores e profesionais da música, curisosos e curiosas que deciden vir de distintos pontos do pais a Lalín, ao centro folque do Deza.


Neste novo ano viaxamos co violino de Quim Farinha (Berrogueto) de Oslo a Compostela, a percusión de láminas tocará música tradicional no curso que imparte do director do Conservatorio Oficial de Lalín Dario Gonzalez, os ritmos do Brasil chegan a Lalín con Lilian França e Sérgio Tannus, un dia para danzas do mundo con Beatriz Diaz, aprenderase a aditar partituras musicais con Benjamín Otero (Linho do Cuco e xefe de estudios do Conservatorio Oficial de Lalín), aprenderemos cancións do repertorio galego-portugues con J.Luis d.P.Orjais, tamén cantigas medievais, romances, danzas renacentistas e música sefardita con Fernando Reyes (Resonet) e percorreremos en 3 dias 100 anos de grabacións sonoras da música galega, os instrumentos e as formacións comentadas por R.Pinheiro (Ouvirmos). Os sábados hai unha explosión musical no centro do Deza e recibimos cos brazos abertos aos bailarins, cantores-as, músicos, xornalistas, críticos, productoras do planeta musgo e veciños-as.

Máis info

4º Encontro de Acordeón Diatónico

27.12.06

O Conservatorio de Música Tradicional e Folque de Lalín realiza o día 30 de Decembro en Ponteceso, na Asociación Montebranco o 4º Encontro de Acordeón Diatónico. Unha boa oportunidade para despedir o ano ao son do acordeón.

Máis info
http://www.gaiteirosgalegos.com/xoops/modules/news/article.php?storyid=300

III ENCONTRO DE PANDEIRETA INTERNACIONAL. Galiza e Italia.

15.09.06

III ENCONTRO DE PANDEIRETA INTERNACIONAL. Galiza e Italia.
Non teñas medo que rache!

O vindeiro 24 de setembro terá lugar en Pontevedra o III Encontro de Pandeireta Internacional que organiza o CMTF de Lalín. Este ano contarán coa presencia de dous mestres de luxo: Carlos Rizzo e Fransy González.

Ademais proxectarase no Teatro Principal da Boa Vila un filme de excepción: “Lomax. The Songhunter”, baseada no traballo de recollida deAlan Lomax por todo o mundo e tamén en Galiza (imaxes de Corcubión e A Cañiza) Este filme foi proxectado unicamente en Barcelona e A Coruña.


Mais información.

Ábrese o prazo de matrícula para o curso 06-07

28.06.06

Xa podes formalizar a tua matrícula no Conservatorio de Música Tradicional e Folque de Lalín e proximamente tamén na Escola Folque Infantil.

Cando se imparten as aulas e dónde?Todos os sábados de outubro do 2006 a finais de xuño do 2007 en horario de 11h - 14h e de 16h - 20h no Conservatorio de Música. Auditorio Municipal de Lalín. Os horarios diseñanse no mes de outubro e cada alumno/a indica a sua preferencia de horario: mañá ou tarde.

Mais información.

Historia da Música Galega no CMTF DE Lalín

17.10.05

Vimos de recibir a seguinte información do Conservatorio de Música Tradicional e Folque de Lalín.


Queres coñecer a Historia da Música Galega?

Matricúlate en historia da MúSICA GALEGA no CMTF DE LALIN

UNICO CENTRO DONDE PODERÁS COñECER O PASADO MUSICAL DO PAIS PARA CONSTRUIR O FUTURO.


Mais información.

3º encontro galego do acordeón diatónico - 4 de agosto en Ourense

30.07.05

En Ourense, o vindeiro 4 de agosto de 2005 terá lugar o 3º encontro galego do acordeón diatónico.


Mais información

5º Aniversário Conservatório de Música Tradicional e Folque de Lalin

23.06.05

O Conservatório de Música Tradicional e Folque de Lalín celebra o seu quinto aniversário cunha série de actividades e concertos.



Mais información