Florencio “O Cego dos Vilares” no Museo Provincial de Lugo
Luns, 03 Setembro 2012 11:47
Este xoves, 6 de setembro, a partir das 20:30 horas, no Refectorio do Museo Provincial de Lugo, aCentral Folque, co apoio da Área de Cultura e Turismo, vicepresidencia primeira da Deputación de Lugo e do concello da Fonsagrada, presenta o PROXECTO FLORENCIO, unha proposta educativa para músicos de toda Galiza centrada no repertorio de Florencio dos Vilares: violinista cantor e contador natural da Fonsagrada de grande relevancia dentro do patrimonio musical galego. O espectáculo resultante, estreado n'A Fonsagrada no mes de xullo, conta coa dirección musical do zanfonista Germán Díaz e coa presentación de Celso Sanmartín. A entrada é de balde.
