¡O patriarca dos Seivane cumpre 90 anos!
Martes, 08 Febreiro 2011 17:07
¡O patriarca dos Seivane cumpre 90 anos!
Xosé Manuel Seivane Rivas cumpre 90 anos o vindeiro 9 de febreiro. Conmotivo do seu aniversario, o Obradoiro de Gaitas Seivane celebrará unha gran festa que terá lugar o sábado 12 de febreiro, ás 17:00 horas, nas instalacións do Obradoiro, en Cambre, A Coruña.
(Prema no título para ver a nova ao completo)
Pasaron xa máis de 70 anos dende que Xosé Manuel Seivane Rivas construiu a súa primeira gaita co selo Seivane, cumprindo así o seu soño de neno de construir o seu propio instrumento. Polo que leva adicando toda a súa vida á música tradicional galega, sendo un referente na construción, transmisión e difusión da nosa cultura.
Dende aquí, o Obradoiro de Gaitas Seivane quere renderlle un pequeno tributo en agradecemento pola súa laboura durante estas décadas. Reuniranse toda a familia e amigos, arroupando co seu agarimo e admiración ao inicidador desta saga de artesáns e músicos que xa conta coa súa 4ª xeración.
¡Haberá moita música e a festa está asegurada!
¡Estades todos convidados, non podedes faltar!
