NOVO CURSO 2022-2023 NA TRADESCOLA

01.09.22

A Tradescola abre o 5 de setembro o prazo de matrícula para o vindeiro curso nas aulas de gaita, zanfona, acordeón, acordeón diatónico, baile tradicional, canto e pandeireta, pandeira, percusión, requinta, e linguaxe musical ademais de aulas específicas para os máis pequenos.

A TRADESCOLA,  o centro de ensino da música, do canto e do baile tradicional galego xestionado pola Asociación de Gaiteir@s Galeg@s en Lugo conta no seu equipo docente con 9 dos mellores mestres no eido da música e do baile tradicional.), os mestres e mestras implicados no proxecto educativo da Tradescola son: Alberte Núñez (aulas de acordeón e acordeón diatónico) Bruno Villamor (aulas de gaita e requinta), Lucía Eiros (aulas de linguaxe musical), Xabier Iglesias (aulas de baile tradicional e de iniciación á música e o baile tradicional para nen@s), Jose Manuel López (aulas de gaita), Branca Villares( aulas de canto e pandeireta e pandeira), Roberto Rodríguez (aulas de canto e pandeireta), Germán Díaz (aulas de zanfona) e Miguel Anxo López Buján (aulas de percusión tradicional).

As aulas impartiranse nos locais do Centro Lug 2 e nos locais do Centrad de Lugo.

A matrícula permanecerá aberta en horario de 11.30 a 13.30 e de 16.30 a 19.00 horas ata o 16 de setembro nos seus locais na Rúa Pintor Corredoira nº 4 de Lugo.(Centro Lug2) ou no teléfono 982229966.

Consúltanos horarios no tlf 982229966, no correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou achégate pola nosa oficina!!! Esperámoste!!!

A TRADESCOLA ACHEGARÁ A MÚSICA TRADICIONAL ÁS NENAS E NENOS DE BECERREÁ

27.04.21

A Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, retoma de novo as súas actividades de promoción e difusión da música e do baile tradicional na provincia. Concretamente, o vindeiro mércores 28 de abril achegarase ata o concello de Becerreá, concretamente ao CEIP San Xoan de Becerreá para impartir unha nova xornada de música tradicional para escolares. Con estas xornadas, que contan coa axuda da área de Cultura da Deputación de Lugo, a Tradescola pretende achegar á comunidade escolar a nosa música e a nosa cultura tradicional, dun xeito ameno e didáctico a través dos concertos impartidos nos distintos centros.

Realizaranse dous concertos, que estarán impartidos polos mestres da Tradescola, Roberto Rodríguez, Miguel Anxo López. Alberto Núñez e Bruno Villamor: Nos concertos amosaránselles aos alumn@s distintos instrumentos, ritmos, e melodías protagonistas da música tradicional e popular galega.

Os concertos didácticos realizaranse no exterior e cumprindo todas as medidas fronte á Covid 19.

Comunicado para o alumnado da Tradescola coas medidas adoptadas por mor do Coronavirus.

24.03.20

En vista de que o estado de alarma vaise prolongar mais do que inicialmente anunciaron, e mentres non remate a crise do COVID-19 e poidamos reanudar as clases na nosa sede física, a Tradescola seguirá a impartir ensino da música e do baile a distancia. Imos habilitar un espazo en drive onde os profesores irán subindo os materiais de estudo e os profesores estarán á vosa disposición o mesmo día e hora que tiñades clase.

 

Concertos didácticos en Cospeito e Muimenta

26.02.20

Concertos didácticos en Castro de Rei e Castro de Ribeiras do Lea

26.02.20

Entroido na Tradescola 2020

26.02.20

A Tradescola suma unha nova materia as súas ensinanzas

19.09.19

Neste curso 2019-2020 a Tradescola amplia as súas ensinanzas incorporando ao seu haber a materia "Ritmos e xéneros da música de tradición oral galega. Repertorio instrumental e cantado: Clasificación e análise" que será impartida por Carme López.

Esta materia pode servir para comprender de xeito máis profundo e amplo a música tradicional tanto para intérpretes como para calquera persoa interesada nela. O apoio bibliográfico aportaranos unha visión das publicacións máis relevantes no estudo da música de tradición oral galega, fundamentais para o estudo de calquera tema relacionado con ela. Ademais, o análise musical pode axudar a un mellor entendemento das partituras á hora da interpretación, ademais de ser un punto interesante para a preparación de probas de acceso para o corpo de mestres de música.

A materia ritmos e xéneros pretende abordar a música de tradición oral e popular galega dende unha perspectiva académica próxima á etnomusicoloxía, aportando polo tanto un marco teórico aos diferentes estudos instrumentais que se desenvolven na escola.

A materia divídese en dous grandes bloques: por unha banda a clasificación en ritmos e xéneros das melodías da tradición oral e popular galega, e por outra banda o seu análise.
En canto á clasificación, esta materia axudará a crear unha visión ampla e xeral da música de tradición oral, intentando axuntar diferentes criterios de clasificación e descrición destas músicas, atendendo á gran disparidade de pautas á hora de abordar este tipo de coñecemento. Para isto, as fontes documentais fundamentais para esta materia asentaranse nos diferentes cancioneiros que se dedican á música de tradición oral galega ademais de diferentes estudos e publicacións musicolóxicas tanto a nivel galego como estatal. Todo isto tendo como finalidade a proposta dunha tipoloxía de clasificación que se apoie nas distintas visións dos estudosos do tema pero sen esquecerse da fonte fundamental: as e os informantes que son verdadeiros protagonistas de todo isto, responsables da preservación da transmisión da tradición. Ademais, vencellarase toda a formación teórica coa escoita de audicións que exemplifiquen o estudado.

Sobre o análise debemos facer fincapé na diferenza de base do análise de músicas de tradición oral respecto da música académica. Debido á natureza diversa de ambas, fai necesario que cadansúa conten cun análise particular, centrado nas características propias de cada música. Deste xeito proponse para a materia un análise de música de tradición oral baseado nos estudos de Dorothée Shubarth e Sergio de la Ossa.

HORARIOS TRADESCOLA 2019/2020

06.09.19

 

 

 

Os horarios no vindeiro curso 2019-2020 na Tradescola: 

*Consulta no tlf. 982229966 ou no correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo a clase que che corresponde según o teu nivel (iniciación ou avanzado) :)

Gaita:

luns de 16.00 a 19.00 horas

Martes : de 18.00 a 19.00

Mércores: de 16.00 a 22.00

Xoves: de 11.00 a 13.00 e de 15.00 a 18.00

Requinta:

Xoves de 18.00 a 19.00

Zanfona:

Xoves de 17.00 a 22.00

Baile tradicional (adultos)

martes de 19.00 a 22.00 horas

Percusión:

Martes de 19.00 a 21.00 horas, mércores de 16.00 a 22.00 e xoves de 12.00 a 13.00 e de 16.00 a 17.00

Linguaxe musical (adultos)

Luns de 20.00 a 22.00 e martes de 20.00 a 22.00

Canto tradicional:

Luns de 17.00 a 21.00

Martes de 17.00 a 20.00 horas

e xoves de 18.30 a 21.30

Pandeira

Martes de 20.00 a 21.00 horas

Acordeón

Luns de 19.00 a 21.00 horas, martes de 18.00 a 19.00 horas e mércores de 17.00 a 22.00

Combo nen@s (iniciación a música e o baile tradicional)

Martes de 17.00 a 20.00 horas

Linguaxe musical nen@s

Luns de 16 a 20

Martes de 16.30 a 20.00

 

 

Concerto didáctico da Tradescola en Baralla

20.02.19

Concerto didáctico da Tradescola en Becerreá

20.02.19