Concerto de Os Carunchos na Casa de Arriba, Vigo. Sábado 3 de setembro. 18:00 horas.

O grupo nace a finais de 1994 coa idea de mesturar temas cantados da tradición oral cun repertorio de gaiteiros solistas, conseguindo naquel momento unha formación nova e orixinal coa que OS Carunchos participan en importantes festivais de folk do país.

No ano 2009 edítase o seu último traballo, titulado 'En galego', no que o grupo propón unha variedade de temas de moi diversa orixe, como sempre, temas de tradición popular galega e portuguesa, de repertorio de gaiteiros galegos e coros tradicionais en defensa da lingua galega.