Axenda
Evento
- Título:
- XXII Concurso de Música Tradicional Xacarandaina
- Cando:
- 05.06.2011
- Onde:
- A Coruña
- Categoría:
- Concurso
Descrición
A música é indispensable para o baile pero tamén ten entidade propia na tradición galega, acompaña momentos de festa e ameniza duras xornadas de traballo. Unha importantísima variedade de letras, toques, xeitos de cantar e tocar e tamén parte da tradición oral son transmitidas entre xeracións grazas aos cantos das mulleres e dos homes. Estas realizando cantos de berce e de labor e eles a través dos seus cantos de arrieiro ou de taberna. Por todo isto a Asociación Cultural Xacarandaina convoca desde o ano 1990 o Concurso de Música Tradicional Xacarandaina cos obxectivos de espallamento, difusión e dignificación da importante música galega.
No acto poderán participar grupos de Asociacións Folclóricas, Recreativas, Culturais, de Veciños, Centros Parroquiais etc.
Accede aquí á información da edición actual do Concurso de Música Tradicional Xacarandaina.
Modalidades
Tradicionalmente consta de 2 modalidades:
- Pandereteiras ou pandereteiros.
- Cuartetos, quintetos ou sextetos, que levarán unicamente gaita e percusión tradicional galega.
Como novidade, na edición XXII correspondente ó ano 2011 incorpórase a modalidade de Gaiteiro Solista.
Neste Concurso de Música é obrigatorio o uso do traxe tradicional e o tempo límite será de 5 minutos. De incumplir calquera destas dúas normas os grupos serán descualificados.
Categorías
Na modalidade de pandereteira hai, a súa vez, 4 categorías:
Categoría A (ata 9 anos inclusive).
Categoría B (de 10 a 13 anos inclusive).
Categoría C (de 14 a 17 anos inclusive).
Categoría D (de 18 anos en adiante).
Na modalidade de cuartetos, quintetos e sextetos establécense finalmente duas categorías neste ano 2011:
Categoría A: ata 16 anos inclusive.
Categoría B: de 17 anos en adiante.
Para a nova modalidade de gaiteiro solista establécese unha única categoría.
A categoría determinarase pola media das idades dos componentes, e ningún deles superará o límite da categoría en máis de dous anos.
Criterios
No momento da cualificación, o xurado terá en conta:
- Autenticidade da peza.
- Dificultade da mesma.
- Afinación e interpretación.
A Organización e máis o Xurado resérvanse o dereito a esixir o DNI ou Libro de Familia no momento da presentación dos grupos ou na deliberación do Xurado.
É capacidade do Xurado a declaración de premio deserto en calquera das categorías.
Así mesmo, a Organización pode desestimar a realización de parte do Concurso en función do número de inscritos para asegurar a competitividade e equidade do mesmo.
Premios
En cada categoría agasallarase aos gañadores con trofeo ou premio en metálico segundo a súa clasificación, así como colaboracións dos patrocinadores do concurso.
Bases
- Acceso ás bases do XXII Concurso de Música Tradicional Xacarandaina
- Acceso á inscripción do XXII Concurso de Música Tradicional Xacarandaina
O concurso terá lugar o domingo 5 de xuño no Teatro Rosalía de Castro da Coruña, sito na rúa Rego de Auga, 37. Está previsto que o concurso se desenvolva ó longo de todo o día, mañá e tarde, incluíndo a entrega de premios correspondente.
Ubicación
- Ubicación
- A Coruña
- Cidade:
- A Coruña
- Estado / Provincia:
- A Coruña
- País:
Descrición
EventList powered by schlu.net