Asociacion de Gaiteiros Galegos

Gaiteiros galegos
Inicio / Novas

Novas

A AGG organiza unhas novas xornadas de baile tradicional en Teo

AGG / 03.12.18

 cartaz xbaileteo_2018_webA AGG organiza o vindeiro domingo 16 de Decembro no Concello de Teo, ao abeiro das axudas para actividades culturais da Deputación de A Coruña, unhas xornadas de BaileTradicional que terán de  protagonistas ó baile solto en Axeitos, o Fandango e o xénero no baile.

Os obradoiros estarán da man de expertos no mundo do baile tradicional como Fran Sieira, Luis Prego, Carme Campo e Chus Caramés.

PROGRAMA:

Domingo 16 de decembro

09.45 – Apertura e entrega de documentación
10.00 – O baile solto en Axeitos. Fran Sieira
11.30 – Descanso
12.00 – Puntos vellos para un novo fandango. Luis Prego
13.30 – Xantar
16.00 – Bailar a canda os tempos: estereotipos de xénero no baile. Carme Campo e Chus Caramés

LUGAR: Casa Común de Oza (Concello de Teo)

INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.

Os obradoiros son de balde e as prazas limitadas, tendo preferencia @s soci@s da AGG, que disporán ata o mércores 12 para inscribirse, e partir desa data as prazas dispoñibles se cubrirán por orde de inscrición.
 
Animádevos a participar!!!

A Foliada da Fonsagrada no Recuncho deste domingo

Lume na Palleira / 01.12.18

foliadafonsagradaMañá, como cada domingo, dende a Asociacion de Gaiteir@s Galeg@s estaremos no "Recuncho da palleta" dentro do programa "Lume na Palleira" conducido por Emilio Españadero. Nesta ocasión contaremos con Gustavo Couto que nos trae aos organizadores de Foliada de A Fonsagrada.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Homenaxe aos Gaiteros do Mar en Rianxo

AGG / 29.11.18

cartaz gaitamar2018_webEste domingo estaremos en Rianxo nunha nova edición das Xornadas a Gaita no Mar.

Con estas xornadas organizadas pola Asociación de Gaiteir@s Galeg@s en colaboración con Cultura da Deputación de A Coruña e o Concello de Rianxo, queremos recoñecer a gran contribución que fixeron os mariñeiros gaiteiros no espallamento da nosa música tradicional  ao son do noso instrumento mais representativo, levándoo polo mundo adiante a través do mar. 

Queremos aproveitar a ocasión para render unha mais que merecida homenaxe aos Gaiteiros do Mar. Ademais, durante as xornadas poderemos ver o documental "Dos Gaiteiros do Mar" codirixido por Xurxo Souto xunto a Marín Rodas, unha fita que recupera a memoria dos mariñeiros-gaiteiros que se embarcaron nos anos sesenta e setenta con destino ao Gran Sol, Terranova, Namibia,... queremos ademais render homenaxe aos "Gaiteiros do Mar". E como peche, que mellor que unha tocata no mar!!!

Programa

11.30 - Proxección do documental “Dos gaiteiros do mar”, codirixido por Xurxo Souto xunto a Martín Rodas.
12.15 - Homenaxe aos Gaiteiros do Mar coa mención especial a Lito de Pinténs e coa colaboración de Xurxo Souto (codirector do documental “Dos gaiteiros do mar”).
13.00 - Saída a tocar no mar con Fogo Fatuo (se o tempo acompaña, senón recorreremos ao plan B).

Lugar: Edicifio Liceo (Rúa Rinlo).

Agardámoste este domingo en Rianxo, nesta nova edición da Gaita no Mar!!

Máis información: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo 986 847 074 - 982 229 96

Este domingo, no Recuncho da Palleta falaremos de Benjamín Fernández Pazos

Lume na Palleira / 23.11.18

a-musica-e-mondariz-grupo-gaiteirosO vindeiro domingo dende a Asociacion de Gaiteir@s Galeg@s estaremos con tod@s vosoutr@s no "Recuncho da Palleta" dentro do programa "Lume na Palleira" conducido por Emilio Españadero.

Este recuncho, no que contaremos con Xaime Estévez, vai ser o segundo sobre compositores da gaita. Dedicarémolo a Benjamín Fernández Pazos. Músico nado en Mondariz onde formóuse na banda pero que dende os vinte e poucos anos viviu e casou en Lugo formando parte da Banda Municipal máis de cincuenta anos na que chegou a ser subdirector. Falaremos das últimas investigacións sobre a súa importancia para a música galega, do home que era contado por un dos seus netos e ata preguntaremos a un ilustre como Antón Corral da súa relación con el xa que coincidiron na banda municipal de Lugo. B.F.Pazos foi un dinamizador da música para gaita galega sobre todo a partir dos anos sesenta, grupos senlleiros como Os Amigos de Lugo ou Os Montes contaron coas súas composicións, composicións que tamén lle deron premios como no San Froilán polo 1957. Ademáis as súas obras seguen gravándose por grupos como Treixadura ou Xarabal e forman parte ineludible do repertorio clásico para gaita caso de pezas como "Pinceladas de Galicia" " Na Fonte do Souto" e moitas outras das que falaremos.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Nova edición das Xornadas A Gaita no Mar

AGG / 23.11.18

cartaz gaitamar2018_webO vindeiro domingo 02 de decembro teremos o placer de celebrar unha nova edición das Xornadas A Gaita no Mar, coas que queremos seguir recoñendo a gran contribución que fixeron moitos mariñeiros galegos no espallamento da nosa música tradicional ao son do noso instrumento mais representativo, levándoo polo mundo adiante a través do mar, sobre os barcos, entre as redes, aos portos doutras latitudes,…

Foron estas xentes do mar, coas súas tradicións e o seu saber-facer que o cabo dos séculos foi deixando por todo o mundo, pegadas do noso devir, da nosa fala, da nosa cultura e por suposto, da nosa música.

Para coñecer esta realidade máis de preto dende Asociación de Gaiteir@s Galeg@s organizamos o vindeiro sábado 02 de decembro pola maña en Rianxo unha nova edición da Xornada: "A Gaita no Mar", que nesta ocasión acollerá unha homenaxe aos "Gaiteiros do Mar".

Estamos pechando o programa, así que estade atentos que en breve publicaremos todos os detalles.

Lucus Ensemble no vindeiro Recuncho da Palleta

Varios / 16.11.18

lumepalleiraO vindeiro domingo dende a Asociacion de Gaiteir@s Galeg@s estaremos con tod@s vosoutr@s no "Recuncho da Palleta" dentro do programa "Lume na Palleira" conducido por Emilio Españadero. Nesta ocasión Vitor Otero estará acompañado por Lucus Ensemble

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Xornadas de percusión tradicional

AGG / 16.11.18

cartaz xpercusion2018_conprograma

A AGG organiza o vindeiro domingo 25 de Novembro en Santiago de Compostela, ao abeiro das axudas para actividades culturais da Deputación de A Coruña, unhas xornadas de Percusión Tradicional que terán de  protagonistas ao tambor e ao bombo na quenda da mañá, e a pandeira na quenda da tarde.

Os obradoiros estarán da man de expertos no mundo da percusión como Chema Cebeiro, Miguel López "Chino" e Blanca Villares.

PROGRAMA:

Domingo 25 de novembro

10.00 - 11.30 – Obradoiro de bombo con pratos – Chema Cebeiro.
11.30 - Descanso
12.00 - 13.30 - Obradoiro de tamboril - Miguel López "Chino"

Xantar

16.00 - 19.00 - Obradoiro de pandeira – Branca Villares

LUGAR: Local do OCT Ultreia (Rúa Pexigo de arriba nº28)

INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.

Os obradoiros son de balde e as prazas limitadas, tendo preferencia @s soci@s da AGG, que disporán ata o mércores 21 para inscribirse, e partir desa data as prazas dispoñibles se cubrirán por orde de inscrición.
 
Animádevos a participar!!!

Aberto o prazo de inscrición para as V Xornadas sobre Baile Tradicional da AGG - Lugo

Varios / 09.11.18

 

cartaz xbaile_lugo_webA Asociación de Gaiteir@s Galeg@s abre o prazo de inscrición para as V Xornadas sobre Baile Tradicional, que terán lugar en Lugo o vindeiro 18 de novembro en horario de 11.30 horas a 13.30 horas e de 16.00 horas a 20.00 horas.

Estas xornadas, que están pensadas tanto para os profesionais do mundo da danza, como para todos aqueles interesados no baile galego que queiran completar os seus coñecementos e participar de xeito activo na mellora e dinamización da nosa tradición terán lugar na Tradescola - Salón de Actos do Centro Lug 2 (Rúa Pintor Corredoira nº 4 – LUGO).

Nestas xornadas contaremos con grande profesionais do baile tradicional como son Pedro Brañas, José Codesido e Xabier Iglesias, que serán os encargados de amosarnos e ensinarnos algúns dos bailes mais característicos da tradición galega.

Estas xornadas que están patrocinadas pola Secretaría Xeral de Cultura, son xa unha cita anual imprescindible para tod@s @s amantes do baile tradicional.

Lugar: Tradescola - Salón de Actos do Centro Lug 2 (Rúa Pintor Corredoira nº 4 – LUGO)

Data: 18 de novembro de 2018

Programa das V Xornadas de Baile Tradicional  

11.15h - Recepción participantes e apertura da Xornada

11.30h - Relatorio- Obradoiro

Pedro Brañas - "Maneo na comarca de Bergantiños"

13.30h - Xantar

16.00h - Relatorio - Obradoiro

José Codesido - “ O Bailar en Arcos- Mazaricos"

18.00h - Descanso

18.15h - Relatorio - Obradoiro

Xabier Iglesias - "O baile solto ao xeito de Vilavexe - As Nogais"

20.15h - Peche das xornadas

A asistencia a estas xornadas será de balde. As prazas son limitadas por orde inscrición. Podedes realizar as inscricións a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou a través de teléfono nos números 986 847 074 – 982 229 966 indicando nome e apelidos, teléfono de contacto e mail.

Non esperedes que as prazas voan!!!

 

A Coral de Ruada no "Recuncho da Palleta" do vindeiro domingo.

Varios / 09.11.18

e529a8dc22bd84a37f6f8ae6b8ce40d3 mO vindeiro domingo dende a Asociacion de Gaiteir@s Galeg@s estaremos con tod@s vosoutr@s no "Recuncho da palleta" dentro do programa "Lume na Palleira" conducido por Emilio Españadero. Nesta ocasión Gustavo Couto falaranos sobre a xa centenaria Coral de Ruada, e estará acompañado de varios dos seus compoñentes.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

E lembra que nas madrugadas de luns a martes (de 01:00h a 02:00h), na Radio Galega, tes unha cita coas "Escolmas Musicais" de Lume Na Palleira.


A ASOCIACIÓN DE GAITEIR@S GALEG@S ORGANIZA EN LUGO AS V XORNADAS SOBRE BAILE TRADICIONAL

Varios / 07.11.18

cartaz xbaile_lugo_webA Asociación de Gaiteir@s Galeg@s organiza as V Xornadas sobre Baile Tradicional en Lugo o vindeiro 18 de Novembro. Reservade a data e estade pendentes que en breve publicaremos o programa completo e abriremos as inscricións!!!

Estas xornadas están pensadas tanto para os profesionais do mundo da danza, como para todos aqueles interesados no baile galego, para que poidan completar os seus coñecementos e participar de xeito activo na mellora e dinamización da nosa tradición.

Lugar: Tradescola - Salón de Actos do Centro Lug 2 (Rúa Pintor Corredoira nº 4 – LUGO)

 

 

Páxina 9 de 408