Asociacion de Gaiteiros Galegos

Gaiteiros galegos
Inicio / Novas

Novas

Caderno 5. Empezares

Publicacións / 23.05.06


Emilio Mesías Farías ven de publicar un interesantísimo traballo, ncluído na colección Cadernos de Gaita Galega, que edita Dos Acordes, no que se recollen pezas escritas para gaita e piano. Non é habitual atopar este tipo de composicións na música galega pero é ndubidable que constitúen unha valiosísima fonte para intérpretes e studantes.
"EMPEZARES" é o nº 5 da colección de "Cadernos para Gaita Galega"
que publica a editorial "Dos Acordes" de Baiona, có fin de difundir raballos pensados para o noso instrumento, cunha fonda finalidade divulgadora, didáctica e de formación.

O Acto de presentación celebrarase o Venres 26 de Maio ás 20.15 no Conservatorio de Música "Xan Viaño" de Ferrol. Presentará Marcos Galán (xefe de estudos do cmus xan viaño) e falará o autor do caderno, o aresán, Emilio Mesías Farías. O gaiteiro Suso Vaamonde e máis a pinista Iria Hevia, estrearán dúas pezas incluídas no caderno.

Mais información.

Xosé Luís Miguélez falará sobre “O ensino da Gaita Galega”

Varios / 22.05.06

O gaiteiro ourensán Xosé Luís Miguélez fará a exposición publica do seu traballo de fin de carreira, dentro da titulación superior en “Instrumentos da música tradicional: Gaita Galega” o vindeiro martes día 30 de maio ás 20:00. O traballo leva por título “O ensino da Gaita Galega”.

A presentación terá lugar na aula de historia da música do Conservatorio Superior de Música de Vigo, a entrada é libre. Con esta presentación, dentro da primeira promoción da especialidade, complétanse por fin tódolos niveis de ensino oficial de Gaita Galega.

VII encontros de música tradicional

Festivais, Foliadas, Romarías / 19.05.06


Un ano máis a Asociación "Santa Ferreña dos encontros de música tradicional" organiza esta xornada en torno ao Mosteiro de Carboeiro(Silleda), onde a música tradicional é a auténtica protagonista.


A edición do 2006 terá lugar o 3 de xuño: títeres, contacontos, churrasco, xogos, licor café, acampada...e, por suposto, moita música e baile tradicional daranse cita nun entorno de gran beleza e cargado de historia.

Mais información.


A AGG apoia o manifesto da Mesa pola Normalización Lingüística

Reunións, actos, ... / 16.05.06

109 entidades e institucións de diverso tipo, entre as que se atopa a AGG, enviaron xa o seu apoio á manifestación convocada pola Mesa pola Normalización Lingüística para o próximo 17 de maio, que sairá ás 12 do mediodía da Alameda de Santiago. Esta mobilización cidadá pretende conseguir un “salto adiante” para a lingua galega, aproveitando a oportunidade histórica da elaboración dun novo Estatuto, para que sexa “o Estatuto da normalidade para o galego” e “un Estatuto con tolerancia cero ás discriminacións lingüísticas”.

Animamos a todos os nosos socios a acudir á manifestación posto que consideramos que, ao igual que a música, a fala, ou calquera outra manifestación da cultura galega deben acadar unha completa normalización e integración na sociedade da Galiza actual. É importante deixarnos sentir para lograr esa meta.

Podedes consultar o manifesto “Porque temos, porque queremos, porque debemos. O Estatuto da normalidade lingüística. O galego: un dereito, un deber.” No seguinte enderezo http://www.amesanl.org/17maio.htm

II Concurso de Música Tradicional Escola de Gaitas de Ortigueira

Concursos e Certames / 15.05.06


Os resultados do concurso celebrado o pasado sábado 13 de maio en Ortigueira foron os seguintes:

1º Premio: Anacos de Buxo, de Nigrán

2º Premio: Os Estrobos, de Ferrol

3º Premio: Abelente, de Ourense

Concurso Constantino Bellón 2006: Peza en formato PDF

Concursos e Certames / 11.05.06

O Ateneo Ferrolán vén de enviar as basees e a

peza obrigatoria que podes descargar en formato PDF desde esta ligazón,

do concurso de gaita solista "Constatino Bellón" correspondente ao ano 2006. Con anterioridade publicamos a peza en formato encore.

O “CONSTANTINO BELLÓN”, é unha plataforma, creada polo Ateneo Ferrolán, para servir de canle de expresión e presentación de novas pezas de autores e axudar a manter e potencia-la música tradicional de gaita galega.


O “CONSTANTINO BELLÓN” é un concurso de composición e interpretación de gaita que pretende mante-lo xeito de toca-la gaita galega con técnica e xiros propiamente galegos.


O “CONSTANTINO BELLÓN” pretende recolle-la mais pura tradición gaiteiril e manter, ó longo dos anos, un lugar de encontro e intercambio para tódolos gaiteiros galegos.


Mais información.

II Xornada de Gaita e Folklore en Ortigueira

Festivais, Foliadas, Romarías / 10.05.06

A Escola de Gaitas de Ortigueira organizará, un ano máis, esta xornada musical que terá lugar o vindeiro sábado día 13 de maio.

Pola mañá haberá alborada e pasarrúas. Varios grupos de música tradicional percorrerán a vila e rematarán na carpa situada na Alameda onde se celebrará unha mostra de canto e baile tradicional ao cargo de Son do Sor.

Despois do xantar popular, onde se servirán callos, empanada e viño ou refresco (7 euros), se celebrará, no Teatro da Beneficencia, o “II Concurso de Música Tradicional Escola de Gaitas de Ortigueira”.

Á noitiña haberá unha cea popular e concertos a cargo de Linho do Cuco, Dúo de Arpa celta e Violín, e Tromentelos Chis Pum.

IX Memorial Manuel Texo

Concursos e Certames / 08.05.06

Os resultados do Memorial Manuel Texo, que tivo lugar a tarde do sábado en Santa Cruz de Ribadulla foron os seguintes:

1º Premio: Anacos de Buxo (Nigrán)
2º Premio: Luvas Verdes (Cambre)
3º Premio: Os Estrobos (Ferrol)

Orixinal e fermosa foi a presentación na que Manuel Rico Verea, leu, ou mellor dito, recitou e cantou un manifesto no que, na súa derradeira parte: ¡Gaiteiros, todos, tocade e cantade connosco! acompañou tamén o público presente na sala.

Artigo publicado en A Nosa Terra

AGG / 07.05.06

Coa autorización de "A Nosa Terra" (http://www.anosaterra.com/)
publicamos en formato pdf o artigo titulado

A Asociación de Gaiteiros Galegos e as memorias dun conflicto.

redactado por Santiago Caneiro.

Este traballo saiu publicado no caderno nº 20 da colección Cadernos A Nosa Terra. (Dec. 1995).

A comezos da década dos 70 teñen lugar na vila de Ortigueira as primeiras xuntanzas de gaiteiros e artesáns coa común preocupación de unificar criterios deste gremio de profesionais e torno o seu peculiar mundo.
Xiraban, por aquel entón, as discusións sobre o prezo a estipular das actuación en alboradas e romarías que lles cobrarían ás comisións de festas e o establecemento duns mínimos cachés.

Para o texto completo en formato pdf escolle a seguinte ligazón

http://www.gaiteirosgalegos.com/xoops/uploads/agg-memorias-conflicto.pdf

IX Memorial Manuel Texo

Concursos e Certames / 04.05.06


Este sábado 6 de maio ás 19 horas terá lugar na Casa da Cultura de Santa Cruz de Rivadulla, Concello de Vedra, a novena edición deste, xa clásico, concurso de música tradicional.

Os grupos seleccionados para a final foron: S.R.C. O Castro, Anacos De Buxo, Os Estrobos, Luvas Verdes, Picuíña, Seitura, Seixebra, que competiran por un 1º premio dotado con 900 euros máis trofeo, un segundo premio 450 euros máis trofeo e un 3º dotado con 250 euros máis trofeo. O xurado estará composto por Pablo Seoane, Oli Xiráldez e Óscar Ibáñez.


Mais información.

Páxina 382 de 403