Asociacion de Gaiteiros Galegos

Gaiteiros galegos
Inicio / Novas

Novas

III festival de música tradicional A SENEIRA de BAIONA

Varios / 03.11.17

cartel festival 2017III festival de música tradicional organizado pola asociación cultural A SENEIRA de BAIONA, o vindeiro 4 de novembro ás 19.00 horas no Auditorio de Baiona. Participarán: Os Alegres (Pontevedra), escola de Danza Vila de Baiona, A seneira de Baiona, e Folk de Coiro de Vigo.

Non o perdades!!

Curso de folla, cana e castañeta

Varios / 03.11.17

curso manu hedrasO vindeiro día 12 de novembro, Manu "O Hedras" impartirá un curso de folla, cana e castañeta: construcción e manexo.

Lugar: Entidade Local Menor de Arcos da Condesa.

Horario: de 11 a 14 horas.

Máis info e inscrición: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

 

A Banda Cultural de Música de Salceda de Caselas presenta: de Tradición...con Suso Vaamonde

Varios / 02.11.17

suso vaamonde con bandaO vindeiro 5 de novembro, ás 17:00 h, no patio do Museo do Coiro (Allariz) terá lugar a presentación do espectáculo "De tradición con Suso Vaamonde".

Trátase dunha simbiose entre a Banda Cultural de Música de Salceda de Caselas e Suso Vaamonde como solista invitado. O programa compóñeno temas populares e tradicionais galegos interpretados con banda de música e instrumentos populares galegos, interpretados por Suso. Estes van dende a gaita, zanfona, acordeón… pero tamén. asubío, tarrañolas, pandeiretas, birimbao, carrizo, castañeta…

O concerto será presentado polo mesmo Suso, e durante o mesmo, nun ton humorístico, iranse interpretando os temas (arranxados polo seu director Juan Lois Diéguez), e explicando a historia dos instrumentos máis descoñecidos, falando tamén da procedencia dos temas en sí (algúns son tamén de autor).

HOMENAXE AO GAITEIRO PEPE TEMPRANO

Varios / 27.10.17

cartaz homenaxepepetempranoMañá sábado 28 de outubro a partir das 20.00 horas na cidade da Coruña, máis de 800 persoas encherán o Teatro Colón que acollerá unha merecida homenaxe ao gaiteiro Pepe Temprano.

Esta homenaxe, en recoñecemento a toda unha vida dedicada a nosa música tradicional cunha traxectoria histórica de enorme calidade artística, está organizada pola Asociación de Gaiteir@s Galeg@s, e conta coa colaboración da Asociación Folklórica Cultural Orballo, a Asociación de Coros e Danzas Eidos e a Agrupación Cultural Alexandre Bóveda, a Excma. Deputación da Coruña, o Teatro Colón e a Real Academia Galega de Belas Artes, que lle outorgará a  Medalla de Prata "Marcial del Adalid" a Pepe Temprano durante o acto.

Pepe Temprano nace en A Coruña en 1940. Os seus comezos na música tradicional teñen a súa orixe na familia. De pai gaiteiro e tamborileiro, tío gaiteiro e avó acordeonista, Pepe Temprano medrou escoitando “Os Tempranos de Eirís da Cruña”, o primeiro cuarteto de gaitas que houbo en A Coruña e As Mariñas e que atopou en Pepe o relevo xeracional.

Comezou a enredar coa gaita de maneira autodidacta, cando contaba con 16 anos e seguiu con Fernando Álvarez, quen se ofreceu a ensinarlle.

Na súa prolífica vida como gaiteiro, tocou en multitude de escolas e grupos. Tocou nos Tempranos de Eirís, na Fábrica de Tabacos, na Asociación de Coros e Danzas Eidos, Aturuxo, Coros e Danzas da Sección Femenina, e practicamente en todos os grupos de A Coruña. Como el dí, “coa gaita ao lombo” percorreu o mundo tocando en multitude de lugares; Porto Rico, Miami, Bos Aires, París, Bélxica, Holanda, Nova York e por suposto por todo o país.

Home polifacético onde os haxa, Pepe Temprano, tamén foi actor, chegando a rodar unha treintena de spots publicitarios.

Apaixoado do folclore, fotógrafo afeccionado, Pepe tamén é un coleccionista nato, e dise que atesoura unha das coleccións tanto discográficas como de instrumentos mais extensa de Galicia, todas auténticas xoias a través das cales foi cultivando un intenso coñecemento sobre a nosa música.

Falar de Pepe e falar dun home amable, sinxelo, aberto, amigo dos seus amigos, e con esta Homenaxe queremos amosarlle o agradecemento e cariño que lle temos todas as persoas que estamos no ámbito do folclore.

 

XIII Ciclo de Coros Históricos

Varios / 26.10.17

 ciclocorosO vindeiro domingo 29 de outubro dará comezo as 12.00h. do mediodía no Teatro Rosalía de Castro, na Coruña, a primeira xornada do XIII Ciclo de Coros Galegos. Este evento que organiza o Coro galego Cántigas da Terra contará con tres xornadas nas que se poderá desfrutar de músicas enxebres e bailes cheos de cor.

29 de outubro

- Coro "Da ruada"
- Etnográfico das Mariñas
- Cántigas da Terra

12 de novembro

- Orfeón Mariñeiro do Berbés
- Teatro de Cántigas da Terra
- Cántigas da Terra

26 de novembro

- Cantigas e Agarimos
- Os Enxebres de Cacheiras
- Cántigas da Terra

Mais información: http://www.coruña.es

XXIX Xuntanza de Gaiteiros - XXX Aniversario de Airiños de Fene

Varios / 24.10.17

cartaz feneO sábado día 28 de outubro de 2017 a partir das 19.30 horas na S.C.R.D. Agarimo de Sillobre (Fene), a Banda de Gaitas Tradicional “Airiños de Fene” celebrará a XXIX Xuntanza de Gaiteiros, actividade que organiza tódolos anos dende o 1988. Nestas xuntanzas, ademais da participación de distintas bandas, grupos ou músicos, aproveitan a ocasión para realizar unha homenaxe a algunha persoa, grupo ou entidade que se caracterizou por gardar, recoller, recuperar e dar a coñecer a nosa música tradicional.

Este ano dáse unha circunstancia de que a propia entidade cumpre 30 anos, e por este motivo decidiron que este ano a XXIX Xuntanza de Gaiteiros sería para eles.

Participaran e actuarán as escolas de canto, baile, gaita... formadas por nenos e nenas a partir dos 3 anos e as diferentes seccións que conforman a entidade: cantareiras Xerfa, cantareiras Xirifeiras, grupo de baile Cambadela e a Banda de Gaitas.

Esta Xuntanza tamén será un punto de reencontro, e por este motivo estan a convidar a antigos e antigas compoñentes para que acudan, participen e actúen neste aniversario.

A Xuntanza será presentada por Almudena Marcos

 

Obradoiros para artesáns sobre a construción de instrumentos medievais adaptados ao século XXI

Varios / 23.10.17

0 17022_1A Deputación de Lugo pon en marcha un proxecto que recolle a investigación, construción, difusión, interpretación e divulgación de instrumentos musicais da Idade Media e que ofrece a profesionais obradoiros gratuitos sobre a construción e interpretación de instrumentos medievais adaptados ao século XXI. 

Investigación

Grazas ao traballo previo de investigación, enmarcado na primeira fase deste proxecto, que realizaron os propios mestres artesáns do CentrAD da Deputación de Lugo, poderanse construír estes instrumentos. Estes foron capaces de replicar instrumentos medievais que aparecen reflexados en esculturas en pedra de emblemáticos lugares como Pórtico da Gloria, a Catedral de Lugo ou o Pazo de Xelmírez, e logo elaborar os planos necesarios para construír instrumentos medievais para músicos contemporáneos.

Formación sobre a construción

Campos Conde explicou que “damos un paso máis neste pioneiro proxecto, poñendo en marcha agora a fase de formación, ofrecendo aos 30 mellores profesionais 6 obradoiros gratuítos, que serán impartidos por reputados Luthiers, nos que poderán aprender a construír estes instrumentos medievais adaptados aos século XXI, que xorden das investigacións dos mestres artesáns da Deputación de Lugo”.

E é que debido á súa alta especialización, estes obradoiros están dirixidos a profesionais. Os interesados deben enviar o seu curriculum e facer a súa solicitude a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo Unha comisión técnica valorará a formación e traxectoria profesional para a selección dos participantes. Son 5 prazas por obradoiro, que se desenvolveran nas instalacións do CentrAD na capital luguesa.

1.- Obradoiro de GIGA e de Rota. Terá lugar do 30 de outubro a 11 de novembro. O titor é Christian Rault.

2.- Obradoiro de viola oval con arco. Do 27 de novembro ao 2 de decembro. Impartido por Xermán Arias.

3.- Obradoiro de Cítola. Do 27 de novembro ao 2 de decembro. Impartido por Antonio Franco Carreira.

4.- Obradoiro de viola oval (II). Do 15 ao 27 de novembro. Impartido por Antonio Franco Carreira.

5.- Obradoiro de Zanfona. Do 11 de febreiro ao 2 de marzo. Impartido por Antonio Franco Carreira.

6.- Obradoiro de Salteiro. Tamén terá lugar en febreiro e marzo. Os titores serán Carlos Paniagua e Begoña Olavide.

Os proxectos estarán coordinados por Luciano Pérez, mestre artesán do CentrAD.

Podes consultar toda a informacion no seguinte enlace:

http://www.deputacionlugo.org

No vindeiro Recuncho da Palleta, presentación do libro-cd homenaxe a Ramón Carou

Varios / 20.10.17

lume na palleiraO vindeiro domingo, dentro do Recuncho da Palleta, presentaremos o libro-cd homenaxe a Ramón Carou, o gaiteiro dos Aires da Nosa Terra, Asados, Rianxo. Este monográfico recolle a traxectoria musical deste gaiteiro que formou parte do mítico cuarteto Rianxeiro.

Nesta ocasión Gustavo Couto estará acompañado por Ramón Carou, e varios membros da Asociación a Regionalista de Teo.

Lembrade!! o domingo ás 17.00 horas!!!!

 

 

Ultimas prazas para as IV Xornadas de Baile Tradicional organizadas pola AGG en Lugo

Varios / 18.10.17

cartaz xbaile_peq - webA Asociación de Gaiteir@s Galeg@s organiza as IV Xornadas sobre Baile Tradicional, que terán lugar en Lugo o vindeiro 22 de outubro en horario de 11.30 horas a 13.30 horas e de 16.00 horas a 20.15 horas. Esta xornada terá lugar na Tradescola (no Salón de Actos do Centro Lug 2 (Rúa Pintor Corredoira nº 4 – LUGO)).

Dende a AGG organízase esta actividade, necesaria e de moita utilidade para todos aqueles implicados no sector do baile tradicional, para ofrecer un espazo no que conseguir unha posta en común de principios básicos sobre o baile tradicional en Galiza.

Estas xornadas están pensadas tanto para os profesionais do mundo da danza, como para todos aqueles interesados no baile galego, para que poidan completar os seus coñecementos e participar de xeito activo na mellora e dinamización da nosa tradición.

Nestas xornadas que están patrocinadas pola Secretaría Xeral de Cultura, contaremos con estudosos de gran prestixio dentro da cultura tradicional como son Carlos Xosé Vidal, Olga Kirk e Francisco Feijoo (Xisco) que serán os encargados de amosarnos e ensinarnos algúns dos bailes mais característicos da tradición galega.

Dende a AGG coidamos imprescindible e necesaria esta cita, xa que calquera cultura que queira gozar de boa saúde haberá de preocuparse de ter presenza na sociedade, e transmitir a súa historia e costumes.

Programa das VI Xornadas de Baile Tradicional 

Lugar: Tradescola - Salón de Actos do Centro Lug 2 (Rúa Pintor Corredoira nº 4 – LUGO)

Data: 22 de outubro 2017

11.15h - Recepción participantes e apertura da Xornada

11.30h - Relatorio- Obradoiro

Carlos Xosé Vidal - “ Val da Barcala – O rabo do raposo ”

13.30h – Xantar

16.00h - Relatorio - Obradoiro

Olga Kirk - “ Bailando Maneo”

18.00h - Descanso

18.15h - Relatorio - Obradoiro

   Francisco Feijoo (Xisco) – “ Ribeiranas do Condado”

20.15h - Peche das xornadas

A asistencia a estas xornadas será de balde. As prazas son limitadas por orde inscrición. Para poder asistir é imprescindible a inscrición previa ben a través de correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou a través de teléfono no número 982 229 966.

Para máis información: Asociación de Gaiteir@s Galeg@s- Tradescola 982229966.

Bailes tradicionais dos nosos veciños Portugueses no Recuncho da Palleta

Varios / 13.10.17

lume na palleiraDentro do programa Lume na Palleira, no recuncho do vindeiro domingo falaremos sobre algúns dos bailes tradicionais dos nosos veciños Portugueses. Máis concretamente dos que son bailados tamén dentro das nosas fronteiras, como nun dos  concellos galegos, limítrofe con Portugal, o concello de Entrimo. Falaremos concretamente do pobo de Olelas.

Da man de Gustavo Couto, lembrade!! o domingo ás 17.00 horas!!!!

Páxina 3 de 384