Asociacion de Gaiteiros Galegos

Gaiteiros galegos
Inicio / Novas

Novas

V Festa do Pan de Millo e Ovo

Varios / 19.09.19

Efestamillo1ste fin de semana a A.C. Foula organiza a "V Festa do Pan de Millo e Ovo" na parroquia de Tenorio (Cotobade).

A AGG organiza as VII Xornadas arredor da Música Tradicional

AGG / 10.09.19

vii-xornadas-arredor---web2019O vindeiro 28 de setembro, a Asociación de Gaiteir@s Galeg@s organiza a que será a VII edición das Xornadas arredor da Música Tradicional que se celebrarán na Casa da Gaita, Viascón (Pontevedra).

Esta cita está destinada, non só a todas aquelas persoas que traballan no entorno da música tradicional, senon tamén a todo aquel que queira saber máis tanto das nosas tradicións, como das de outros lugares, xa que ao igual que nas pasadas edicións, amosaranse outras formas da cultura tradicional, favorecendo deste xeito a que sexa un punto de encontro para profundizar e incidir na importancia que teñen os traballos de investigación realizados neste campo para poder coñecer, afondar e transmitir as tradicións.

Pretendemos a través desta actividade fomentar este tipo de encontros, que consideramos imprescindibles, tanto para a xente implicada na música tradicional, como para o resto da poboación, xa que se amosa a riqueza cultural dunha maneira aberta, chea de contidos e na que se pode participar de xeito activo nas diversas ponencias, contribuindo e potenciando deste xeito a divulgación da cultura e a súa conservación.

Estas xornadas que están patrocinadas pola Secretaría Xeral de Cultura, son xa unha cita anual imprescindible para tod@s @s amantes do baile tradicional.

Entrada de balde, previa reserva de praza a través do teléfono 986 847 074 ou enviando un correo electrónico  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

PROGRAMA

10.15 – Apertura e entrega de documentación

10.30 – Relatorio I - Demostración

“O pandeiro de paos”. María Vidal e Xermán Muíños

11.20 Quenda de preguntas

11.30 – Relatorio II

“Florencio, o Cego dos Vilares. Aproximación ao estilo interpretativo a través da análise ”. Felipe Rodicio

12.20 Quenda de preguntas

12.30 - Descanso

12.50 - Presentacións de publicacións

12.50: “Entre Fusco e Lusco” de Rafa Crespo e “Colleita Propia” de Pablo F. Rial . Editorial Ton e Son

13.10: Presentación da colección Cámara Escura con Eutropio Rodríguez, “O danés curioso en Ordes” d@s autor@s Gustav Henningsen, Eutropio Rodríguez e Estívaliz Espinosa e “Os danzantes dos Reis” d@s autor@s Eutropio Rodríguez e Alba Cid. Editorial aCentral Folque.

13.30 – Xantar

16.30 – Relatorio III

“Anotacións encol do uso da trompa ou mosugitarra no País Vasco”. Juan Mari Beltrán

17.20 Quenda de preguntas

17.30 – Relatorio IV

“Pasado e presente do pito pastoril na Galicia”, dende o século XIX a actividade do IGAESPI, avances da investigación. Miguel Mosquera e Efraím Díaz

18.20 Quenda de preguntas

18.30 – Descanso

19.00 – Relatorio - Concerto V

“Os Trabazos de Castro Caldelas: actividade, aspectos biográficos, instrumentos de traballo, homenaxes e repertorio”. Alexandre Rodríguez.

19.50 Quenda de preguntas


Agardámoste o vindeiro día 28 na Casa da Gaita: Lugar de Quintán, 4 (Viascón - Cotobade).

A AGG organiza as VI Xornadas de baile tradicional en Lugo

AGG / 10.09.19

 cartel xbailelugo2019A Asociación de Gaiteir@s Galeg@s abre o prazo de inscrición para as VI Xornadas sobre Baile Tradicional, que terán lugar en Lugo o vindeiro 22 de setembro en horario de 12.00 horas a 13.30 horas e de 16.30 horas a 20.00 horas.

Estas xornadas, que están pensadas tanto para os profesionais do mundo da danza, como para todos aqueles interesados no baile galego que queiran completar os seus coñecementos e participar de xeito activo na mellora e dinamización da nosa tradición terán lugar na Tradescola - Salón de Actos do Centro Lug 2 (Rúa Pintor Corredoira nº 4 – LUGO).

Nestas xornadas contaremos con grande profesionais do baile tradicional como son Ruth Pérez, Olga Kirk e Francisco Feijóo "Xisco", que serán os encargados de amosarnos e ensinarnos algúns dos bailes mais característicos da tradición galega.

Estas xornadas que están patrocinadas pola Secretaría Xeral de Cultura, son xa unha cita anual imprescindible para tod@s @s amantes do baile tradicional.

Lugar: Tradescola - Salón de Actos do Centro Lug 2 (Rúa Pintor Corredoira nº 4 – LUGO)

Data: 22 de setembro de 2019

Programa das VI Xornadas de Baile Tradicional  

11.45h - Recepción participantes e apertura da Xornada

12.00h - Relatorio-Obradoiro "O baile na Fonsagrada". Imparte Ruth Pérez

13.30h - Xantar

16.30h - Relatorio-Obradoiro "O baile en Limiñoa". Imparte Olga Kirk

18.00h - Descanso

18.30h - Relatorio - Obradoiro "As añas". Imparte Francisco Feijóo "Xisco" 

Os obradoiros son de balde e as prazas limitadas, tendo preferencia @s soci@s da AGG e alumn@s da Tradescola, que disporán ata o mércores 18 para inscribirse, e partir desa data si quedan prazas dispoñibles, cubriranse coas solicitudes de inscrición de non soci@s, según orde de chegada.

INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.

A TRADESCOLA INCORPORA A GERMÁN DÍAZ NO SEU CUADRO DOCENTE PARA IMPARTIR A MATERIA DE ZANFONA

Varios / 06.09.19

tradescolaA TRADESCOLA,  o centro de ensino da música, do canto e do baile tradicional galego xestionado pola Asociación de Gaiteiros Galegos en Lugo ven de incorporar no seu cuadro docente a Germán Díaz, recoñecido profesional que conta cun dilatado currículo, como músico e como docente, e que está recoñecido como un dos mellores zanfonistas da escea actual.

A TRADESCOLA conta no seu equipo docente con 10 dos mellores mestres no eido da música e do baile tradicional. Os mestres e mestras implicados neste proxecto educativo son: Bruno Villamor, Mª Carmen Saborido, Paula Fdez. Rodríguez, Xabier Iglesias, Jose Manuel López, Branca Villares, Roberto Rodríguez, Carme López ,  Miguel Anxo López Buján e Germán Díaz.

A Tradescola mantén aberta estos días a matrícula para o vindeiro curso nas aulas de gaita, zanfona, acordeón, baile tradicional, canto e pandeireta, pandeira, percusión, requinta, e linguaxe musical ademais de aulas específicas para os máis pequenos.

A matrícula permanecerá aberta en horario de 12.00 a 14.00 e de 16.00 a 19.00 horas ata o 20 de setembro nos seus locais na Rúa Pintor Corredoira nº 4 de Lugo.(Centro Lug2), a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou no tlf. 982229966.

52 Concurso de Gaitas de Ponteareas

Varios / 02.09.19

52 Concurso de Gaitas de PonteareasO concello de Ponteareas xa ten aberto o prazo de inscrición do 52 Concurso de Gaitas de Ponteareas que terá lugar o sábado21 de setembro.

Os grupos participantes interpretarán dúas pezas de libre elección, de raíz melódica galega.

Os grupos interesados teñen de prazo ata o día 6 de setembro do 2019 para mandar as súas inscricións.

RELACIÓN DE PREMIOS:

- 1º premio 1.800,00 € + unha gaita de Gaitas Gil e un tamboril de Sarín Percusión doados por Artesanía de Galicia

- 2º premio 1.200,00 € 

- 3º premio 900,00 €  

- 4º premio 600,00 €  

BASES COMPLETAS DO CONCURSO 

FOLLA DE INSCRICIÓN

O 4 de setembro abrimos matrícula na Tradescola para o novo curso!!

Varios / 30.08.19

cartaz tradescola_matricula_aberta_webChega setembro e na TRADESCOLA,  o centro de ensino de música e de baile tradicional xestionado pola Asociación de Gaiteir@s Galeg@s en Lugo, abrimos o prazo de matrícula para nov@s alumn@s nas aulas de música e baile tradicional (nen@s e adultos) para o curso 2019-2020.

O prazo de matrícula estará aberto dende o día 4 ata o día 20 de setembro e as clases iniciaranse o día 16 de setembro!!!

Esperámosvos!!!

A música tradicional protagonista das festas patronais de Teixeiro!

Varios / 23.08.19

festa teixeiroA música tradicional será a protagonista das festas patronais de Teixeiro! Dende a Asociación de Gaiteir@s Galeg@s celebramos esta iniciativa e aplaudimos @s organizador@s por apostar pola música tradicional!!!

Animamos a que todas as comisións aposten por incluir a nosa música nas programacións das súas festas!!!

O vindeiro 7 de setembro en Teixeiro non te perdas esta gran festa con Gwendal, As Do Curro Vello, Treixadura e Leirabuxo!!!

Oferta de emprego AGG: Posto de mestr@ de zanfona na Tradescola curso 2019/2020

Varios / 14.08.19

tradescolaA AGG convoca a praza de mestre ou mestra de zanfona (acompañada de canto) na TRADESCOLA, (LUGO) para o vindeiro curso 2019/2020 ( inicio do contrato en setembro). @s candidat@s deberán enviar o seu currículo á AGG, antes do día 25 de agosto a través de correo electrónico a:

Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Unha vez valorados os currículos recibidos, unha comisión de selección realizará as entrevistas oportunas e a Xunta Directiva, oída a comisión de selección, decidirá as persoas a seleccionar.

A selección definitiva terá como prazo máximo de resolución o día 31 de agosto.

A ASOCIACIÓN DE GAITEIR@S GALEG@S CELEBRA ESTA FIN DE SEMANA A XXVI EDICIÓN DA MOSTRA DE INSTRUMENTOS DE MÚSICA TRADICIONAL EN PARDIÑAS - GUITIRIZ

Homenaxes, Premios, Recoñecementos, .... / 01.08.19

cartaz - copia pqUn ano máis a Asociación de Gaiteir@s Galeg@s (AGG), a través da comisión de artesáns, achégase ata o Festival de Pardiñas para organizar a que será a "XXVI Mostra de Instrumentos de Música Tradicional". Esta mostra, consagrada como a máis antiga e importante da Península Ibérica, é hoxe un referente indispensable da música tradicional galega. Un lugar de encontro onde tod@s @s amantes da nosa cultura poden gozar de dous días cheos de festa e ademais coñecer de preto o gran traballo de mais de 30 artesáns e artesás que nos traen unha amplísima variedade de instrumentos tradicionais como gaitas, requintas, zanfonas, tambores, bombos, pandeiretas, trompas, violíns,...

Como nas pasadas edicións, na mostra non faltará ademais a música e o baile tradicional, que estarán presentes durante a fin de semana a través de actuacións en directo e obradoiros.     

Esta edición estará dedicada a Santiago Caneiro Aneiros, Presidente de Honra da AGG e Presidente da nosa asociación durante mais de dúas décadas; co seu traballo e a súa adicación loitou incansablemente pola nosa cultura tradicional, sempre con humildade e de xeito altruísta, e sempre a disposición do que fixera falta en calquera lugar do país. Santiago deixounos o pasado 15 de xullo, mais xa forma parte do noso imaxinario colectivo e dende a AGG seguiremos traballando na súa memoria.programa

XXVI Mostra de Instrumentos de Música Tradicional - TODA A INFORMACIÓN DA PROGRAMACIÓN PREMENDO NO TÍTULO DA NOVA

Pesar polo pasamento de Xaquín Míguez, "Xocas"

Varios / 28.07.19

 xocasOnte deixábanos Xaquín Míguez, mais coñecido como "Xocas", gaiteiro, artesán, compositor e mestre xeneroso que adicou a vida á música tradicional.
Nado en Pazos de Borbén, emigrou a Brasil con apenas 14 anos e levou a nosa gaita polo mundo; Canadá, Estados Unidos, Inglaterra,Libia, Malta,... Voltando anos despois á súa terra para montar o seu obradoiro de artesán.
O noso colectivo ten un grande pesar polo seu pasamento, máis teremos sempre o seu legado na nosa memoria colectiva.
Que a terra che sexa leve!

Páxina 2 de 410