Asociacion de Gaiteiros Galegos

Gaiteiros galegos
Inicio / Novas / Varios

Varios

FOLIÓN NA TRADESCOLA

29.01.18

folion entroido- 2 - pqO vindeiro martes día 6 de febreiro  a TRADESCOLA fará un Entroido Tradicional cun Folión que partirá dos nosos locais ás 17:00 h. e onde todos os alumnos e alumnas que queiran participar poderán facelo marcando os ritmos do Folión. Faremos paradas para facer danzas de entroido na Praza da Horta do Seminario (17:30h.) e logo no fondo da Praza Maior (18:00h.) e posteriormente voltaremos á Tradescola.

Con esta saída polo centro da cidade pretendemos que todo o público poda participar de maneira activa acompañando os toques do folión e facendo posible que unha das tradicións máis fermosas do tempo de Entroido, e que é unha parte moi importante do noso patrimonio cultural, permaneza viva ao longo do tempo.

Quen queira participar no Folión pode traer bombos ou “ferramenta” (sachos, cunchas, latas, cornos, chocas, axouxeres… o que faga ruido) e se quere practicar os toques antes do día do folión, mañá martes día 30 de xaneiro de 18.00 a 18.30 horas faremos un pequeño ensaio no salón de actos da Tradescola.

Animádevos todas e todos e traede moita gana de troula que está a piques de chegar o ENTROIDO!!

   

O sábado, no programa a Rumboia en Openradio escoitaremos a Leilía

26.01.18

rumboia - copiaNo vindeio programa da Rumboia, en openradio.es falaremos de LEILÍA. Lembra escoitalo todos os sábados ás 13.00 horas en http://www.openradio.es/rumboia

O disco, Leilía, (Discmedi, 1994), foi a presentación deste grupo de cantareiras capaces de colocar a voz feminina no panórama emerxente da música galega nos anos 90.. Os seus seguintes traballos: I é verdade i é mentira, (Virgin, 1998) e Madama, (Discmedi, 2003), onde incorporan ademais letras de temática actual. No ano 2005, coincidindo co seu 15º aniversario, publican o recompilatorio Son de Leilía, (Leilear, 2005). Ás portas do 2012 sae á luz Consentimento, cos arranxos musicais feitos por Xoan Porto. Cómpre salientar tamén as numerosas colaboracións que Leilía teñen feito con grupos folk galegos: Berrogüetto, Milladoiro ou Budiño e estranxeiros: Kepa Junkera, La Musgaña, etc

   

XXXVI Curso de Cultura Tradicional organizado pola Asociación ‘Cántigas e Frores’ en Lugo

26.01.18

curso cantigas e froresABERTO O PRAZO DE MATRÍCULA para o XXXVI Curso de Cultura Tradicional que organiza a Asociación ‘Cántigas e Frores’. Este celebrarase os días 29, 30 e 31 de marzo en Lugo. Este ano contaremos con Marcos Botana para a especialidade de baile tradicional, Marcos ‘Kinhos’ Saburido para percusión tradicional, Pedro Fariñas para gaita galega e María Vidal para canto tradicional.

O prezo da matrícula é de 35€ para soci@s de ‘Cántigas e Frores’ e da Asociación de Gaiteiros Galegos; e de 45€ para o resto (os gastos de estadía en Lugo serán a cargo dos asistentes ao curso). Esta cantidade ingresarase na conta de ABANCA ES43-2080-0152-69-3040026419.

As inscricións pódense enviar a cantigasefrores1948@gmail.com e aportando os seguintes datos: nome e apelidos, DNI, enderezo e teléfono, así como unha copia do xustificante de pagamento. O prazo de inscrición rematará no momento en que se cubran as prazas de cada especialidade.

Para calquera información adicional pódese chamar ao teléfono 649421507.

   

Gala Homenaxe ao Mestre Antón Corral

26.01.18

homenaxe antn corralO Teatro Municipal de Tui acolle hoxe venres, 26 de xaneiro, ás 20.30h, a Gala Homenaxe ao Mestre Antón Corral. A entrada será de balde, debendo retirarse un máximo de dúas entradas por persoa dende ás 20h. 

Participarán Carlos Núñez, Anxo Lorenzo, Anxo Pintos, Xarabal de Vigo, Arume de Malvas, Lembranzas da Terra de Guillarei e Santa Columba de Ribadelouro.

Parabéns MESTRE!!!!

   

Xornada de Baile Ancarés en Piornedo

26.01.18

obradoiro baile piornedoO vindeiro Domingo non vos perdades a xornada de baile ancarés que terá lugar en Piornedo.

Programa:

10.00 a 13.00 horas: Ruta (Opcional)

17.00 a 19.00 horas: Obradoiro de Baile impartido por Xabier Iglesias

(5€)

Contactos: 630411518-659523911

   

No vindeiro Recuncho Da Palleta falaremos dalgúns dos entroidos menos "populares", como o de Vilariño de Conso ou o Entroido Ribeirao.

26.01.18

lumepalleiraEste Domingo no Recuncho Da Palleta, dentro do programa Lume na Palleira, Gustavo Couto falaranos dalgúns dos entroidos menos "populares", como o de Vilariño de Conso ou o Entroido Ribeirao.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

I Curso de Gaita na escola de música de Oza-Cesuras a cargo de Cristian Silva

26.01.18

curso cristian silvaInformación do I Curso de Gaita que terá lugar na escola de música de Oza-Cesuras (A Coruña) a cargo de Cristian Silva o sábado 17 de Febreiro. As prazas son limitadas, data límite de inscrición: 10 de Febreiro. Toda a info neste enlace:

https://drive.google.com/file/d/17ATvznhBqvzQeJYY-zltt5qqcjmQGs1H/view

 

 

   

O sábado, no programa a Rumboia en Openradio escoitaremos a Durindaina

18.01.18

rumboia - copiaO vindeiro sábado ás 13.00 horas non te perdas un novo programa da Rumboia, escoitaremos a Durindaina

Hai grupos, como Durindaina, que deixaron fonda pegada na música tradicional con temas como os que escoitaremos na Rumboia. O Grupo tradicional compostelán, que gravou un único disco, Durindaina (Discmedi, 1995), xurdiu no ano 1984 e formaban parte del Luis Mouriño, gaita, clarinete e percusión; Xoan Porto, gaita, acordeón, percusión e voz; Rafael Moure, tamboril, cunchas e voz; Antonio Pérez, bombo, pandeireta e voz; Camilo Regueiro López, gaita, requinta e percusión.

 

http://www.openradio.es/rumboia

   

A mestura entre a música tradicional e as bandas de música no Recuncho da Palleta

18.01.18

 

lumepalleiraO vindeiro domingo día 21, no Recuncho Da Palleta falaremos sobre a mestura entre a música tradicional e as bandas de música con Gustavo Couto e  Raúl Martín Niñerola.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

 

   

Serán en Gargamala e presentación do libro "Mulleres de Gargamala"

17.01.18

sern gargamalaA parroquia de Gargamala, en Mondariz, acollerá o vindeiro sábado, ás 21.00 horas, o seu serán, no que participan agrupacións de distintos puntos de dentro e fóra da comarca. Será na Casa Cultural de Mourelle, onde tamén, antes do inicio do serán, a partir das 20.00 horas, presentarase o libro "Mulleres de Gargamala" de Xulia Feixó e Guillerme Ignacio.

   

Páxina 10 de 226