Varios
Volve o Memorial Henrique Otero
17.03.22
Despois de dous anos, nos que tivemos que homenaxear ao mestre de xeito virtual, nesta 8ª edición, que organizamos a AGG en colaboración co Conservatorio Superior de Música de Vigo e a Deputación de Pontevedra, por fin volvemos ao formato presencial. Será como é habitual, no Auditorio Martin Códax do Conservatorio Superior de Música de Vigo, o sábado 23 de abril.
Os grupos participantes nesta edición do Memorial, que estará adicada ao ciclo do ano nas obras de Henrique, son:
A SENEIRA
ALUMNADO DE IMTP DO CSM VIGO
BANDA DE GAITAS DA ETRAD
BREOGÁN DE MOAÑA
CANS DE PALLEIRO
JUAN PENA
O SON DO RÍO
OS CARUNCHOS
PENAVEIRA
RAIGAMES
SON DO ABRENTE
Henrique Otero Covelo, O Gaiteiro do Fragoso, como el mesmo quería que o lembrasen, foi un personaxe clave para comprender e coñecer boa parte do mundo da gaita en Galicia, en particular en Vigo e a súa comarca. Foi un dos mellores expoñentes da tradición gaitística galega, figura de transición entre o gaiteiro rural tradicional e o gaiteiro urbano, pero tamén entre o gaiteiro de oído tradicional e o gaiteiro músico actual.
Son moitos os méritos que habería que recoñecerlle a este gran gaiteiro, pero sen dúbida, o que maior pegada deixou para o futuro foi o de conseguir que foran recoñecidos, por primeira vez na historia, os estudos oficiais de gaita galega polo MEC no ano 1977.
Dende a Asociación de Gaiteir@s Galeg@s gustarianos contar coa vosa presencia neste Memorial, esperámosvos a tod@s o vinderio día 23!!
A segunda entrega de ReferentAs, coas veciñas de Liñares como protagonistas, no vindeiro Recuncho da Palleta
04.03.22
Este domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Carme López e a segunda entrega de "ReferentAs". Nesta ocasión coas veciñas de Liñares como protagonistas.
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
O entroido será o protagonista do vindeiro Recuncho da Palleta
26.02.22
Este domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Gustavo Couto que nos falará sobre o entroido.
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
A Tradescola achegarase ata o concello de Pol para impartir unha nova xornada de música tradicional para escolares.
22.02.22
A Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, retoma de novo as súas actividades de promoción e difusión da música e do baile tradicional na provincia. Concretamente, mañá mércores 23 de febreiro achegarase ata o concello de Pol, concretamente ao CEIP Rosalía de Castro para impartir unha nova xornada de música tradicional para escolares. Con estas xornadas, que contan coa axuda da área de Cultura da Deputación de Lugo, a Tradescola pretende achegar á comunidade escolar a nosa música e a nosa cultura tradicional, dun xeito ameno e didáctico a través dos concertos impartidos nos distintos centros.
Realizarase un concerto didáctico, que estará impartido polos mestres da Tradescola, Roberto Rodríguez, Miguel Anxo López. Alberto Núñez e Jose Manuel López: No concerto amosaránselle aos alumn@s distintos instrumentos, ritmos, e melodías protagonistas da música tradicional e popular galega.
Os concertos didácticos realizaranse no exterior e cumprindo todas as medidas fronte á Covid 19.
Xa chega o Entroido á Tradescola!!!!
21.02.22
Xa temos ganas de Entroido e na Tradescola, escola de música e baile tradicional galego que xestiona a Asociación de Gaiteiras Galegas na cidade de Lugo, e queremos celebralo cunha nova actividade de difusión e promoción da cultura tradicional propia destas datas!!
Hoxe martes día 22 de febreiro darémoslle a benvida ao entroido cun Folión que partirá do CENTRAD ás 17.00 h. e onde todos os alumnos e alumnas que queiran participar irán marcando os ritmos característicos do Folión. Faranse paradas en distintas rúas e prazas da cidade ata chegar á Praza Maior e realizaranse pequenas intervencións con bailes e cantos típicos do entroido.
Quen queira participar no Folión pode traer bombos, chocas, ou “ferramenta” (sachos, cunchas, latas… o que faga ruido) e acompañar cos toques no Folión. Animádevos a acompañarnos!!!
Terceiro volume da colección "Pezas Guapas para Gaita, para Zanfona e Acordeón" no recuncho desta semana
18.02.22
Este domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Xaime Estévez entrevistando a Xosé Manuel Fernández, que nos presentará o terceiro volume da súa colección "Pezas Guapas Para Gaita, Para Zanfona E Acordeón". Nesta ocasión ofrecéndonos rumbas, polkas, mazurkas, foxtrots, habaneras, milonga e tango.
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
No vindeiro Recuncho da Palleta, falaremos sobre o vira
11.02.22
Este domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Gustavo Couto que nos falará sobre o Vira.
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
No vindeiro Recuncho da Palleta, falaremos do Maneo.
04.02.22
Este domingo, na sección o "Recuncho da Palleta" do "Lume na Palleira", conducido por Emilio Españadero, contaremos con Gustavo Couto que nos falará sobre o maneo.
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.
Alborada para Rosalía de Castro
04.02.22
Dende a Asociación de Gaiteiros e Gaiteiras Galegas e a Fundación Rosalía volvemos a organizar a Alborada para Rosalía de Castro, para o que facemos un chamamento a tódolas gaiteiras, gaiteiros, pandeireteiras, pandeireteiros, cantadoras, cantadores, bailadoras, bailadores,... e ó mundo da música tradicional en xeral, a dar unha Alborada de honra o Día de Rosalía neste 23 de febreiro tan especial, xa que será este ano o primeiro que se celebrará nesta data, despois de que o pasado 18 de xaneiro representantes de institucións culturais e educativas tomaran a decisión de mudar o Día de Rosalía ao 23 de febreiro logo do recente descubrimento por parte da investigadora Sagrario Abelleira que corrixe a data de nacemento da autora. (https://rosalia.gal/o-dia-de-rosalia-pasa-a-celebrarse-o-23-de-febreiro/ )
Este ano, ao igual que o pasado, non poderemos celebralo como nos gustaría, mais sí poderemos saír tocar ás rúas, camiños, prazas, lugares simbólicos,… e desfrutar o Día de Rosalía coa alegría da música, coa esperanza da Alborada. Como di o manifesto “a meniña gaiteira de Rosalía saudaba o renacer de Galicia a unha nova idade. Saudemos con ela e coa súa Alborada que estamos nun tempo tamén de renacenza, celebremos que o millo medra e que cantan os paxaros ledos do novo día”.
Como participar?
Grava un vídeo botando unha peza na honra de Rosalía (pode ser a Alborada de Rosalía ou outra que ti elixas), e logo compárteo nas redes sociais, entre o venres 18 e o día 23, co cancelo #AlboradaparaRosalía e etiquétanos a AGG (@aggtradiciongalega) e a Casa de Rosalía (@FundacionRosalia). Entra no mapa (https://rosalia.gal/que-facemos/proxectos/alaboradas-a-rosalia/ ) e coloca a túa localización. Se queres, tamén nolo podes contar por whatsapp ao tlf. 626705708 ou correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
O día 23 compartiremos os teus vídeos para inundar as redes en homenaxe a Rosalía.
Dúbidas? Mándanos un correo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Onde descargar a Alborada de Rosalía?
Letra: https://rosalia.gal/wp-content/uploads/2013/02/LetraAlborada.pdf
Partitura: https://rosalia.gal/wp-content/uploads/2013/02/PartituraAlborada.pdf
Manifesto: https://rosalia.gal/wp-content/uploads/2022/02/manifesto-alborada-2022.pdf
Anímate a participar e a difundir esta actividade para conseguir que non quede ningún recuncho de terra sen o son da nosa música na honra de Rosalía.
Viva Rosalía! Avante a Alborada!
Presentación do libro-disco "Concha Do Canizo - Este Pandeiro Que Toco..." no vindeiro Recuncho da Palleta
28.01.22
Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Guillerme Inácio Costa e unha entrevista a Xulia Feixoo na que nos presentará o seu novo libro-disco "Concha Do Canizo - Este Pandeiro Que Toco..."
Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas
Páxina 9 de 265
