Asociacion de Gaiteiros Galegos

Gaiteiros galegos
Inicio / Novas / Varios

Varios

Curso de Trompa – Birimbao na Tradescola

15.03.19

cartaz obradoirotrompa22 - pqOs vindeiros 6 e 7 de abril teremos obradoiros de iniciación á Trompa - Birimbao na Tradescola impartidos por Daniel do Pando

O 6 abril 2019: Obradoiro de trompa para nen@s na Tradescola (idades de 8 a 14 anos) de 17.00 a 19.00 horas - De balde previa inscrición.

O 7 abril 2019: Obradoiro de trompa para adultos na Tradescola (a partir de 15 anos)

Horario: 16.30 a 20.30 horas

Inscrición xeral : 20 €

Socios AGG ou alumnado Tradescola: 10 €

Lugar : Salón de Actos Centro Lug2 (Rúa Pintor Corredoira nº 4 – Lugo)

as prazas son limitadas por orde de inscrición !!

Inscricións: Tradescola Tlf: 982229966 – Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

   

Fernando Daparte no vindeiro Recuncho da Palleta

15.03.19

 

lumepalleiraEste domingo, no "Recuncho da palleta" do programa "Lume na Palleira" conducido por Emilio Españadero, contaremos con  Gustavo Couto e a visita de Fernando Daparte, gaiteiro brasileiro con raices galegas, que nos falarán da história da música/folklore de Galicia en Brasil, mais especificamente en São Paulo.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Aberto o prazo de inscrición para o 24 Xantar Gaiteiro da AGG

15.03.19

xantargaiteiro2019 cartelwebpqAsociación de Gaiteir@s Galeg@s ten o pracer de convidarte ao tradicional Xantar Gaiteiro, que nesta 24ª edición celebrarase no Concello de Tui o vindeiro 24 de marzo.

Como xa sabes, esta xuntanza ten como finalidade principal a de pasar un día agradable en compaña dos que gustamos da música tradicional, creando así un punto de encontro, de intercambio e de festa. Ademais, queremos aproveitar a celebración para render homenaxe ao mestre Antón Corral.

O programa será o seguinte:

12:00h. Homenaxe a Antón Corral no Auditorio Municipal de Tui

14:30h. XIV Xantar Gaiteiro no restaurante Cruceiro do Monte (Camiño Cruceiro, 23. Saída de Tui cara a Baiona)

MENÚ: 1º- Sopa de Cocido, 2º Cocido galego, postre, viño, auga e refrescos.

PREZO: 22 euros por persoa (que serán entregados ao entrar).

Para poder asistir ao xantar será necesario a previa inscrición. Data límite para a reserva: 20 de marzo.

Mais información e reservas nos teléfonos 986 84 70 74 / 982 22 99 66 ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

   

Exposición dos debuxos do VII certame sobre os instrumentos da música tradicional galega

15.03.19

certame debuxoActualmente temos expostos no Centrad todos os debuxos que foron realizados polas nenas e nenos de primeiro, segundo e terceiro curso de primaria dos centros de ensino da Provincia de Lugo que participaron no VII certame sobre os instrumentos da música tradicional galega. Son preto de 1000 debuxos feitos por nenas e nenos que ademais dunhas grandes dotes artísticas tamén nos amosan os seus amplos coñecementos sobre a nosa música.

Esta iniciativa organizada pola Tradescola en colaboración coa Área de Cultura da Deputación de Lugo,e  que acadou este ano a súa septima edición, ten a finalidade de potenciar e difundir entre os máis pequenos a música tradicional galega, axudar a que coñezan os nosos instrumentos, a nosa historia e costumes dun xeito natural, algo que constitúe unha garantía da conservación das nosas tradicións e, en definitiva, do noso patrimonio cultural.

Se queredes visitar a exposición, podedes facelo no CENTRAD (Rúa Chantada S/N - Lugo) de luns a venres en horario de 8.00 a 14.30 horas!!!

   

A AGG estará mañá apoiando a folga

07.03.19

folga8m webAs oficinas da AGG permanecerán mañá pechadas porque estaremos apoiando a folga.

   

Homenaxe a Antón Corral no 24 Xantar Gaiteiro

07.03.19

xantargaiteiro2019 cartelwebA Asociación de Gaiteir@s Galeg@s ten o pracer de convidarte ao tradicional Xantar Gaiteiro, que nesta 24 edición celebrarase no Concello de Tui vindeiro 24 de marzo.

Como xa sabes, esta xuntanza ten como finalidade principal a de pasar un día agradable en compaña dos que gostamos da música tradicional, creando así un punto de encontro, de intercambio e de festa.

Nesta edición, queremos aproveitar a celebración para render unha merecida homenaxe ao mestre Antón Corral.

Reserva a data e estate atento ao programa!!

   

O Bringuelo Cultura Tradicional no vindeiro Recuncho da Palleta

07.03.19

lumepalleiraEste domingo, no "Recuncho da palleta" do programa "Lume na Palleira" conducido por Emilio Españadero, estaremos en directo dende Arzúa con Vítor Otero conversando con O Bringuelo Cultura Tradicional.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Isidro Vidal no vindeiro Recuncho da Palleta

01.03.19

lumepalleiraEste domingo, no "Recuncho da palleta" do programa "Lume na Palleira" conducido por Emilio Españadero, contaremos con con Gustavo Couto e a visita de Isidro Vidal, gaiteiro que superou o reto #composición365 de compoñer unha peza musical por cada día do pasado ano 2018.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

 


 

   

O 3 de marzo trae o teu instrumento a Lugo!!

27.02.19

3m lugo trad

 O día 3 de marzo, na manifestación nacional de Lugo polo 8M, trae o teu instrumento, tocaremos (tonalidade de DoM): Mallou, San Roque, Muiñeira do Chao, Xota das Neves e Cuba. Consulta as partituras aquí: https://www.dropbox.com/sh/s9w7vhcjhlk5uyr/AABf9lEnoUjQ0SP2MtGbUOGya?dl=0.

Acudide numerosas e difundide!

   

O Entroido chega á TRADESCOLA!!!!

21.02.19

cartaz trad_entroido2019Xa estamos no Entroido e na Tradescola, escola de música e baile tradicional galego que xestiona a Asociación de Gaiteir@s Galeg@s na cidade de Lugo, queremos celebralo cunha nova actividade de difusión e promoción da cultura tradicional propia destas datas!!

O vindeiro martes día 26 de febreiro coñeceremos o Entroido Ribeirao da man dos nosos compañeiros da Asociación Amigos do Entroido Ribeirao que nos ofrecerán unha charla sobre o seu Entroido para que todos os asistentes coñezamos un pouco máis desta parte do noso patrimonio inmaterial. Será no salón de actos da Tradescola (Centro Lug 2 - Rúa Pintor Corredoira 4 - Lugo) a partir das 16.30 horas.(entrada de balde ata completar aforo)

Ao remate da charla, acompañarannos polas rúas de Lugo no Folión que partirá da Tradescola ás 18.00 h. e onde todos os alumnos e alumnas que queiran participar irán marcando os ritmos característicos do Folión. Faranse paradas en distintas rúas e prazas da cidade e realizaranse pequenas intervencións con bailes e cantos típicos do entroido.

Quen queira participar no Folión pode traer bombos, chocas, ou “ferramenta” (sachos, cunchas, latas… o que faga ruido) e acompañar cos toques no Folión. Animádevos a acompañarnos!!!

 

   

Páxina 8 de 240