Asociacion de Gaiteiros Galegos

Gaiteiros galegos
Inicio / Novas / Varios

Varios

Pesar polo pasamento de Otilio da Burela

28.04.18

img-20180428-wa0000Hoxe temos que lamentar o falecemento de Otilio Fernández García (Otilio da Burela).

Otilio naceu na Burela, parroquia de Carballido, A Fonsagrada. Foi conocido como” Otilio da Burela” ou “Otilio de Fernandín”; tocou a gaita dende neno observando a Constante de Valiña e a Alberto Rodríguez veciños de A Rebordela. De mozo acudia a todas as polavilas, festas ou reunións da contorna onde se reclamaba a presenza dun gaiteiro. Deixou de tocar a gaita ao casar, e no ano 94, cando acudiu a una xuntanza de gaiteiros na Fonsagrada, decidiu volver a retomala.

Otilio participou na celebración do 25 aniversario da AGG, e recentemente, na 23 edición do Xantar Gaiteiro celebrado na Fonsagrada, a AGG rendeulle unha merecida homenaxe xunto ao resto de tocadores da comarca da Fonsagrada.

O funeral de enterro será mañá domingo ás 17.00 horas na Iglesia parroquial de Carballido (A Fonsagrada).

D.E.P.

Fotografía realizada Florencio Rodríguez López.

   

No vindeiro Recuncho Da Palleta, Vítor Otero nos trae a Raiceira

27.04.18

raiceirasNo vindeiro Recuncho da Palleta, contaremos con Vítor Otero que virá acompañado do dúo Raiceira, unha nova proposta musical con chelo, voz e percusión.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

E lembrade que nas madrugadas de luns a martes (de 01:00h a 02:00h), na Radio Galega, tedes unha cita coas "Escolmas Musicais" de Lume Na Palleira.

   

No vindeiro programa da Rumboia, en openradio.es falaremos do grupo Tradi Són

27.04.18

 rumboia - copiaNo vindeiro programa da Rumboia, en openradio.es falaremos do grupo Tradi Són. Lembra escoitalo todos os sábados ás 13.00 horas en http://www.openradio.es/rumboia

TradiSón é un proxecto a cargo de Xurxo Antúnez que nace cunha idea moi simple, que é a de vivir e descubrir todo o que nos pode aportar a nosa música, a música tradicional. Este é o único xeito de que non morra e siga viva. E ese é o obxectivo de TradiSón, facer que todo o mundo “viva” a nosa música.

   

XIV Foliada de Melide

24.04.18

cartelfol 2018Os vindeiros días 27, 28 e 29 de abril terá lugar a XIV edición da  Foliada de Melide onde non faltará o concurso de cantos de taberna, artesanía, obradoiros, animación de rúa....e concertos con: Bruno Villamor, Banda das Crechas , The Turre's Band, Odaiko & Vanesa Muela, Tonecho Castelos & Pablo Esqueira entre outros. Tedes toda a información no seguinte enlace: http://www.foliadamelide.com/

Unha cita imprescindible para os que gozamos coa nosa cultura tradicional!!

   

No vindeiro Recuncho Da Palleta, Vítor Otero falaranos da Sección de Gaiteiros da Banda Municipal de Lugo

20.04.18

banda lugoNo vindeiro Recuncho Da Palleta,  acompañaranos Vítor Otero que falará da Sección de Gaiteiros da Banda Municipal de Lugo da súa historia e discografía. En 1963 gravaron o que é, probablemente, o único disco en solitario da Sección de Gaiteiros dunha Banda Municipal de Música.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

E lembrade que nas madrugadas de luns a martes (de 01:00h a 02:00h), na Radio Galega, tedes unha cita coas "Escolmas Musicais" de Lume Na Palleira.

   

No vindeiro programa da Rumboia, en openradio.es falaremos do grupo Milesios

20.04.18

rumboia - copiaNo vindeiro programa da Rumboia, en openradio.es falaremos do grupo Milesios. Lembra escoitalo todos os sábados ás 13.00 horas en http://www.openradio.es/rumboia

Milesios, banda que xurde en Lugo no 2009 para pór a nota tradicional no Penela Rock de Monforte. Unidos pola súa afección ás músicas galega e irlandesa, en febreiro de 2013, editan o seu disco de estrea, Alén mar. Catro anos despois presentan o seu segundo disco, Indoevindo gravado, mesturado e masterizado en Abrigueiro Estudios por Arturo Vaquero. O traballo continúa a explorar as relacións entre a música galega e irlandesa con pezas que beben de ambas tradicións e outras de composición propia.

   

Os Terribles de Donas presentan o seu novo traballo discográfico Alcoucer en Vigo

20.04.18

terriblesO vindeiro luns 23 de abril ás 20.30 horas, Os Terribles de Donas presentan o seu novo traballo discográfico Alcoucer no Auditorio David Russell do Conservatorio Profesional de Música de Vigo ( Rúa Felipe Prósperi). Non faltes!!!

   

VI Concurso de Canto e Percusión Tradicional Traspés

18.04.18

cartaz-vi-concurso-proxectoO vindeiro día 20 de maio, no Auditorio do Teatro Afundación Vigo, terá lugar o VI Concurso de Canto e Percusión Tradicional Traspés. 

O prazo de inscrición remata o 1 de maio, polo que non demoredes moito en anotarvos. Mais información, bases e formulario de inscricións: http://www.traspes.com/blog/

   

Charla - concerto MULLERES DE GHARGHAMALA!!

18.04.18

mulleres de gharghamalaO vindeiro 22 de abril ás 12.30 horas no Var con Uve de Moaña, terá lugar a charla - concerto MULLERES DE GHARGHAMALA!!! Coa participación de Xulia Feixoo, Guillerme Ignacio e Andrea Cabanelas. Non faltedes!!!

   

2º Curso de Cultura Tradicional Galega (Gaita e Percusión) na Villa da Orotava (Tenerife)

18.04.18

cartel curso 2018 gaita y percusin 3Compartimos a información que nos chega referente aos cursos e concerto que se celebrarán na Villa de La Orotava, Tenerife, Islas Canarias, os días 4, 5 e 6 de xuño, organizados pola Asociación Cultural “Os Fillos Da Terra”!!! Toda a información sobre os cursos e o concerto no seguinte enlace: https://www.facebook.com/gaiteirosgalegos/posts/1680102932077830

Animádevos a difundir e a asistir!!

   

Páxina 8 de 230