No vindeiro programa da Rumboia, en openradio.es falaremos do grupo Leña Verde

23.03.18

No vindeiro programa da Rumboia, en openradio.es falaremos do grupo Leña Verde. Lembra escoitalo todos os sábados ás 13.00 horas en http://www.openradio.es/rumboia

A Contratempo é o traballo que, no ano 2010, foi producido polo grupo Leña Verde no concello de Pol (Lugo). Un traballo colectivo de veciñas e veciños unidos polo amor á música e á terra que materializaron tres discos ate o de agora. Leña Verde de Pol (1998); Lares (2003) e A contratempo (2010). Leña Verde retomou, no ano 1994, o nome e a actividade dunha agrupación que mantivera a actividade cultural neste Concello lucense nas décadas dos 50 e 60. Daquela formación orixinal seguen no grupo actual José A. Brañanova, como percusionista; e Maruja Rielo desenvolvendo tarefas de produción.

1º Encontro de Música Tradicional Galega en Betanzos

23.03.18

Mañá, 24 de marzo, terá lugar o 1º Encontro de Música Tradicional Galega AsMuBe, organizado pola Asociación de Músicos de Betanzos, que reunirá nunha actuación conxunta, a mais de 100 músicos chegados de diferentes puntos de Galicia.
Actuarán:
Escola de Instrumentos Populares Galegos "Suso Vaamonde" , de Arcas da Condesa, Concello de Caldas de Reis
Escola Municipal de Música Tradicional, do COncello de Outes.
Escola de Instrumentos Populares Galegos AsMuBe, actuando como anfitrións, do COncello de Betanzos.
Lugar: Praza da Constitución, en Betanzos, inda que en caso de mal tempo, trasladarase ao Antigo Matadoiro, na Ribeira, tamén en Betanzos.
Horario:
18:00 Pasarrúas.
18:30 Actuación conxunta.
Interpretarán temas populares acompañados de gaitas, zanfonas, acordeóns, percusión diversa, frautíns, ocarinas e contará coa participación de máis de cen músicos, todos eles alumnos das tres escolas mencionadas.
A actuación será precedida por un breve pasarrúas ás 18:00 h, que percorrerá as principais rúas do casco vello da cidade. Seguidamente, a actuación conxunta das tres escolas será ás 18:30 h.
Entrada de balde !!

Obradoiro de xoguetes sonoros (AGG) no mercado de primavera de Ferreira do Valadouro

23.03.18

Mañá sábado a AGG estará no Mercado de Primavera de Ferreira do Valadouro a través dun obradoiro de xoguetes sonoros que impartirá Xaneco. Este obradoiro, que terá lugar ás 17.00 horas na Praza de santa María, ten o obxectivo de aprenderle aos nenos do século XXI, unha serie de xoguetes sonoros que os nenos galegos, de ata mediados do século XX, facían aproveitando os elementos que a natureza lles proporcionaba.
Trátase dunha serie de tres xoguetes recollidos da tradición popular galega, que ata hai ben pouco se transmitiron dunha xeración a outra, normalmente eran os avós, os que lles aprendían aos netos a fecelos. Non podedes perdelo!!! pasaremos lista!!!

I encontro de Musica é Baile tradicional na Pontenova

19.03.18

O vindeiro sábado 24 de marzo terá lugar o I encontro de Musica é Baile tradicional na Pontenova
Participarán os seguintes grupos
Corxa airiños galegos Doce Albor (Santurtzi)

O feitizo. (Foz)

Eco das minas é a esmupo( escola de musica) A pontenova

É como invitados especiais contaremos cos gaiteiros Nela, Desiderio,.........

E haberá obradoiros de:

Baile tradicional. 11h a 13h con Ruth Lopez

Canto e pandeireta. 16:30h a 18:30h. Con Noemi Basanta.

Para os socios de eco das minas sera gratuito. 
Para o resto que se queira apuntar. Precio será de 5€
Para apuntarse:
610947738 Feli

As actuacions darán comenzo as 19:30h. Despois das 23h Foliada para todos.

ANIMADEVOS A PASAR O SABADO NA PONTENOVA!!

A TRADESCOLA ORGANIZA NOVOS CONCERTOS DIDÁCTICOS DE MÚSICA TRADICIONAL PARA ESCOLARES DE FRIOL

19.03.18

A Tradescola achegarase ata Friol, concretamente ao CPI Dr. López Suarez para impartir unha nova xornada de música tradicional que terá lugar o mércores 21 de marzo. Con estas xornadas, que contan coa axuda da área de Cultura da Deputación de Lugo, a Tradescola pretende achegar á comunidade escolar a nosa música e a nosa cultura tradicional, dun xeito ameno e didáctico a través dos concertos impartidos nos distintos centros.

Nesta ocasión realizaranse tres sesións de concertos a partir das 11.00 horas, para os alumnos de infantil, primaria e secundaria, e estarán impartidos polos mestres da Tradescola Jose Manuel López “Josele” Miguel Anxo López “Chino”, Roberto Rodríguez e Bruno Villamor. En todos os concertos amosaránselles aos alumn@s distintos instrumentos, ritmos, bailes e melodías protagonistas da música tradicional e popular galega.

Un dos obxectivos da Tradescola é incrementar a presenza da música e do baile tradicional galego nos distintos ámbitos da sociedade, e a través de actividades como esta, pretendemos non só difundir a cultura tradicional, senón que ademais queremos amosar esta riqueza cultural dunha maneira aberta, chea de contidos e na que todos e todas as escolares poden participar de xeito activo con preguntas e aportacións, contribuíndo e potenciando deste xeito a divulgación da cultura e a súa conservación.

No vindeio programa da Rumboia, en openradio.es falaremos do grupo Chouteira

16.03.18

No vindeio programa da Rumboia, en openradio.es falaremos do grupo Chouteira. Lembra escoitalo todos os sábados ás 13.00 horas en http://www.openradio.es/rumboia

Chouteira : A principios dos anos noventa apareceou Chouteira, un grupo que comezou sendo un quinteto tradicional ate evolucionar á formación máis ampla, sección de metais incluída, coa que rematarían a súa carreira. A súa primeira gravación foi un disco compartido que puideron gravar logo de vencer no IV Certame de música folk de Vilagarcía. Despois chegarían Chouteira, (Do Fol, 1995), Ghuaue, (Do Fol, 1997) e Folla de lata, (Do Fol, 2000), A formación de Chouteira sufriu algunha modificación dende os seus comezos, e na gravación do seu derradeiro traballo o grupo estaba integrado por: Ugia Pedreira, voz e pandeireta, Olga Nogueira, acordeón, Olimpio Xiráldez, gaitas, requinta, e bombo, Anxo Graña, saxo e zanfona, David Rodriguez, trompeta e fliscorno, Manuel Villar, Tuba, Francisco Estévez, percusións, Alfredo Moldes, percusións.

A Asociación A Xesteira de Couso no vindeiro Recuncho da Palleta

16.03.18

No vindeiro Recuncho Da Palleta Gustavo Couto contará coa visita da asociación A Xesteira de Couso.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

Pesar polo pasamento de Amado Domingo "Cubero"

14.03.18

Hoxe temos que informar dunha triste nova, esta noite deixounos o facedor da voz de milleiros de gaitas galegas dos últimos case 20 anos, Amado Domingo “Cubero”. Burgalés de nacemento, sentía a gaita galega como algo propio e dedicou parte da súa vida a facer as que moitos consideran as mellores palletas.

A capela ardente permanecerá no Tanatorio Nuevo de la Encina de Ponferrada ata mañá as 17h., cando recibirá sepultura.

Dende a AGG lamentamos fondamente a súa perda.

Que a terra che sexa leve.

Derradeiros días para anotarse ao 23 Xantar Gaiteiro

12.03.18

Lembra!!! o vindeiro domingo día 18 de marzo no 23 Xantar Gaiteiro achegarémonos ata a Fonsagrada e aproveitaremos a celebración para render unha merecida homenaxe a tocadores da comarca da Fonsagrada, compartindo xantar e festa con eles!!!!

Estaremos con
-Manuel Enriquez Fernández ( Nela de Bres ) -Taramundi
-Constante Fernández Castelao ( Constante de Valiña ) Carballido 
-Otilio Fernández García ( Otilio da Burela ) Carballido 
-César Fernández Fernández (César de Montixo ) Leituego 
-Desiderio Sampaio Rico ( Siderio de Vilarmide ) A Pontenova 
-Modesto Arias López ( Modesto de Murias ) Fonsagrada 
-Hilario Lombardia Rodil - Taramundi 
-Antonio Arias ( Corredoira ) Xestoso 
-Manuel Fernández Diaz ( Juano ) San Martín de Suarna 
-Antonio Fernández (Paradiñas ) Pobra de Burón
-Dositeo López Fernández (Dositeo do Fito ) San Martín de Suarna 

Ainda estás a tempo de vir !!!Data límite para a reserva: 14 de marzo.
Mais información e reservas nos teléfonos 986 84 70 74 / 982 22 99 66 ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Non faltes!!!!!Esperámoste!!!

O 23 Xantar Gaiteiro no vindeiro Recuncho da Palleta

09.03.18

No vindeiro Recuncho Da Palleta, Vítor Otero, acompañado de por algúns convidados, falaranos do 23º Xantar Gaiteiro e da máis que merecida homenaxe que a AGG renderá ese día a tocadores da comarca da Fonsagrada.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.