Asociacion de Gaiteiros Galegos

Inicio / Novas / Varios

Varios

"Historia da nada", un artigo de Marina Fdez. Vigo para Nós Diario

20.05.20

marina f. vigoA Asociación de Gaiteir@s Galeg@s segue a colaborar con Nós Diario abordando distintas temáticas relacionadas coa música, o baile e a cultura tradicional galega a través de artigos mensuais realizados por membros da Xunta Directiva. Nesta ocasión queremos compartir con vos o artigo de Marina Fernández Vigo "Historia da nada", onde fala da AGG e de como a realidade ás veces supera a ficción.

Podedes ver o artigo no seguinte enlace: https://www.nosdiario.gal/opinion/marina-fernandez-vigo/historia-da-nada/20200513063718097500.html

 

   

A Marcha do antiguo Reino de Galicia no vindeiro Recuncho da Palleta

15.05.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Xaime Estévez falaranos e amosaranos unha escolma de distintas interpertacións dun dos temas referentes do repertorio da Gaita Galega, A Marcha do antiguo Reino de Galicia.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas

   

A escola virtual de música e baile tradicional galego, "Tradi na Rede" no vindeiro Recuncho da Palleta.

08.05.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto que nos falará sobre a nova web, Tradi Na Rede, unha escola virtual de música e baile tradicional galego.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas

 

   

A AGG traballa nun documento para a creación de medidas específicas para o sector fronte a crise do COVID19.

30.04.20

A AGG TRABALLA NUN DOCUMENTO ABERTO PARA SUMAR AO ASOCIACIONISMO E A TODO O COLECTIVO DA MÚSICA E O BAILE TRADICIONAIS E FAI UN CHAMAMENTO Á CULTURA DE BASE CO OBXECTIVO DE PEDIR A CREACIÓN DE MEDIDAS ESPECÍFICAS PARA O SECTOR.

A situación de illamento social e inestabilidade económica provocada pola pandemia do COVID-19 está tendo como consecuencia unha gran crise no ámbito da cultura do noso país. Para tentar paliar esta situación, están xurdindo moitas iniciativas nos diferentes sectores culturais.

Na Asociación de Gaiteir@s Galeg@s (AGG) concordamos coa preocupación e apoiamos as medidas que están a xurdir, sen dúbida necesarias; pero queremos manifestar e aportar algunhas máis que reflictan as particularidades do noso sector, cuxa base e sustento son as Asociacións dedicadas á promoción e difusión da música e baile de Galiza, unha labor que se concreta nunha oferta permanente de innumerábeis actividades como clases de gaita, percusión, canto e pandeireta, baile, etc... e a realización de concertos, festivais, foliadas, seráns, feiras de artesáns, etc., que contribúen á conservación e transmisión da nosa identidade e do noso patrimonio cultural inmaterial transmitido a través da oralidade, peza fundamental no armazón socioeconómico do sector cultural galego.
É por isto que é importante ter unhas medidas específicas para o noso sector, diferente neste aspecto da cultura comunmente chamada profesional, facendo fincapé en que a paralización da actividade no seo das asociacións culturais, folclóricas e escolas de música e baile tradicional, vai a supoñer un parón na actividade económica moi considerable, que dificilmente poderá recuperar a súa normalidade sen axuda económica da administración e de toda a sociedade galega.

Por iso propoñemos unha serie de medidas específicas expostas no documento (que podes descargar aquí), un documento aberto á incorporación de novas aportacións que nos poidades facer chegar, co fin de traballar man a man con todos e todas as distintas persoas e entidades que engloba o noso sector. Un documento base, que ten o obxectivo de sumar a cantas mais asociacións, colectivos e persoas do eido da música e o baile tradicional, polo que si apoias as medidas que recolle o documento ponte en contacto con nos a través do enderezo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou nos teléfonos 986 847 074 – 982 229 966. Cantos mais asinemos mais peso e mais forza imos ter para que as administracións teñan en conta as medidas que propoñemos.

Tamén, para ter un coñecemento mais profundo das consecuencias reais da situación, é fundamental coñecer o estado actual de como está afectando a tod@s e cada un d@s que conformamos este sector, por iso che pedimos que respondas a unha enquisa anónima, cuxo obxectivo é o estudo das consecuencias socioeconómicas desta crise provocada polo COVID19, para poder concretar con máis acerto as distintas medidas a reclamar fronte a administración. Pedímosche ademais, que si sabes de alguén, tanto persoa física como asociación, agrupación ou colectivo, que pertenza ao sector e que non recibira a enquisa nin o documento coas medidas, llo fagas chegar, ben reenviándolle este correo ou ben falándolle da súa existencia, dispoñible na nosa páxina web, para así poder ter unha análise das consecuencias o mais extensa posible. Podes acceder a enquisa no seguinte enlace https://forms.gle/eXncYBdcN9sknbQx6
Grazas pola túa colaboración.

Esta crise superarémola tod@s xunt@s.

   

Mostra ASÍ CANTA GALICIA : 30 LPs dos Coros Galegos elaborada por Xaime Estévez

29.04.20

20200425 130718Hoxe queremos amosarvos a mostra  ASÍ CANTA GALICIA : 30 LPs dos Coros Galegos elaborada por Xaime Estévez. A importancia dos Coros en Galicia para manter e difundir a canción galega é absolutamente imprescindible. Esta mostra é só unha escolma de parte do seu arquivo para deixar constancia da súa importancia no patrimonio cultural galego. Preme no enlace para ver a mostra: http://educafolk.blogspot.com/2020/04/asi-canta-galicia-30-lps-dos-coros.html

   

Máis músicas de #tradicióncontraovirus no vindeiro Recuncho da Palleta

24.04.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto que continuará amosarando as músicas de #tradicióncontraovirus compartidas nas redes.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas

   

Mostra didáctica virtual sobre sobre 40 discos LP de gaita galega elaborada por Xaime Estévez

22.04.20

20200411 115205Hoxe queremos amosarvos unha mostra didáctica virtual sobre sobre 40 discos LP de gaita galega elaborada por Xaime Estévez. Unha selección de 40 LPs de vinilo que recollen outras tantas edicións discográficas importantes para a discografía da gaita galega. Preme no enlace para ver a mostra:

https://educafolk.blogspot.com/2020/04/ii-mostra-didactica-40-lps-gaiteiros.html


   

Pesar polo falecemento de José Cortizo, de Barro de Arén

22.04.20

 

4 jos da fonteDende a Asociación de Gaiteir@s Galeg@s manifestamos o noso pesar polo pasamento de José “da Fonte” Cortizo (1926), membro das pandeireteiras de Barro de Arén (Cerdedo-PO) e veciño desta aldea.

Con elas participa en moi diversas actuacións en festas, ruadas e mesmo en programas da TVG coma o Luar. 

No 2005 José participa xunto coas súas compañeiras na gravación do Cd “Cerdediño p’rós amores”, e no 2006 na gravación do Alalá adicado ás Pandeireteiras de Barro de Arén. En ambas canta composicións súas feitas sobre músicas tradicionais, entre as que se inclúe o “Himno de Barro”, coa música do popular “trun trun”.

Home de grande amabilidade, recibe sempre con grande aprezo as visitas dos diversos grupos de compiladores e compiladoras que se achegan pola aldea de Barro aprender deles.

En xuño do pasado ano 2019 colabora coa Asociación de Gaiteir@s Galeg@s durante o roteiro adicado aos Gaiteiros de Soutelo de Montes, falando sobre a súa relación persoal con Avelino Cachafeiro.

Podédelo escoitar a el e ás outras compoñentes das pandeireteiras de Barro de Arén na rede nos seguintes ligazóns:

https://soundcloud.com/arquivostradicionais/jose-cortizo

https://youtu.be/oZzNBytbm_0

https://youtu.be/8B15-EAtYcc

Fotografía do "Arquivo de Guillerme Inácio"


 

 

   

A AGG colabora con Nós Diario abordando distintas temáticas relacionadas coa música, o baile e a cultura tradicional galega

17.04.20

01. xaneco. serans ruadas polavilas e foliadas 3A Asociación de Gaiteir@s Galeg@s está a colaborar con Nós Diario abordando distintas temáticas relacionadas coa música, o baile e a cultura tradicional galega a través de artigos mensuais realizados por membros da Xunta Directiva, dende a perspectiva da xente do baile e da música tradicional.

Dende a AGG queremos compartir con vos estos artigos, onde compartimos as nosas inquedanzas, análises e relatos que coidamos sexan do interés de tod@s vos.

O primeiro dos artigos (preme no título da nova para velo) foi realizado por Xaneco Tubío, presidente da AGG e leva por título "Seráns, ruadas, polavilas e foliadas". Un artigo onde se fala do nacemento de coros e grupos folclóricos no século XX, que logo na dictadura foron ridiculizados, pero que afortunadamente nos últimos tempos estamos a vivir o seu rexurdir mantendo viva a nosa música, o noso canto e o noso baile.

O segundo dos artigos (preme no seguinte enlace para ver o artigo completo) foi realizado por Daniel Fernández e leva por título "Historia dunha melodía", A Alborada que Rosalía publicara en 1863 nos seus Cantares desencadeou a comezos do século XX unha historia de pesquisas e rivalidades.

https://www.nosdiario.gal/opinion/daniel-fernandez-lopez/historia-dunha-melodia/20200206105551090868.html

O terceiro dos artigos (preme no seguinte enlace para ver o artigo completo) foi realizado por Gustavo Couto e nel quixemos "homenaxear a Erminda Miramontes", muller pandereiteira e bailadora, natural de Ponte Grixoa

https://www.nosdiario.gal/opinion/gustavo-couto/homenaxe-erminda-miramontes/20200305131742092513.html

E o derradeiro artigo que compartimos hoxe (preme no seguinte enlace para ver o artigo completo) foi realizado por Xaime Estévez, e leva por título "O gaiteiro do Fragoso (Vigo 1930-2013): memorial virtual ou a virtude da memoria", un artigo realizado cando se cumpren 7 anos do pasamento do mestre Henrique Otero Covelo, un símbolo histórico do ensino oficial da gaita en Galicia e do músico gaiteiro na nosa historia máis recente

Neste artigo quere agradecer unha vez máis a colaboración de tódolas institucións, músicos  e danzantes da tradición que pasaron polos seis memoriais feitos e deben ser incluidas ademáis das agrupacións que se nomean "A Seneira e a Escola de Danzas Vila de Baiona" e o grupo "O Son do Río de Mondariz".

https://www.nosdiario.gal/opinion/xaime-estevez/gaiteiro-do-fragoso-vigo-1930-2013-memorial-virtual-virtude-da-memoria/20200413132324095108.html

   

"Mestras da tradición: A Illa de Ons" no vindeiro Recuncho da Palleta

17.04.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Guillerme Inácio que abordará o canto de tradición oral na Illa de Ons a través de diversas gravacións realizadas entre os anos 60 e a actualidade.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas

   

Páxina 5 de 247