Asociacion de Gaiteiros Galegos

Gaiteiros galegos
Inicio / Novas / Varios

Varios

LI (51) EDICIÓN DO CONCURSO DE GAITAS DO PAÍS - PONTEAREAS

23.08.18

39910361 789194847917365_4328261289773105152_oO Concello de Ponteareas, no seu afán por promover e difundir a música tradicional galega, convoca para o vindeiro sábado 22 de setembro de 2018 a LI (51) EDICIÓN DO CONCURSO DE GAITAS DO PAÍS, consolidándose coma a festa musical da súa especialidade máis antiga de Galiza e colocando Ponteareas como referente no panorama da música tradicional galega.
INSCRIPCIÓNS ABERTAS ATA O 10 SETEMBRO.

Mais info e bases: https://ponteareas.gal/publicadas-as-bases-para-a-li-edicion-do-festival-de-gaitas-do-pais/

   

O Concello de Ponteareas amplia o prazo de inscrición para o Concurso de Gaitas do País ata o día 17

23.08.18

39910361 789194847917365_4328261289773105152_oO Concello de Ponteareas, amplia o prazo para a inscrición na LI (51) EDICIÓN DO CONCURSO DE GAITAS DO PAÍS, ata o vindeiro día 17 por falta de inscritos.

Poderán participar no concurso todos os grupos de gaitas que toquen con instrumentos tradicionais galegos, sen modificación de ningún tipo. O concurso, que se celebrará o día 22 de setembro contará cos seguintes premios:
1º  PREMIO  .......   1.800,00  euros
2º  PREMIO  .......   1.200,00  euros
3º  PREMIO  .......      900,00  euros
4º  PREMIO  .......      600,00  euros
O primeiro premio tamén obterá unha gaita de Gaitas Gil e un tamboril de Sarín Percusión doados por Artesanía de Galicia.
O Concello de Ponteareas outorgará unha gratificación de 200,00 euros aos grupos en concepto de participación, agás o 1º premio, o 2º premio, o 3º premio e o 4º premio, conforme a base 41ª das Bases de Execución do Orzamento Municipal.

Mais info e bases: https://ponteareas.gal/publicadas-as-bases-para-a-li-edicion-do-festival-de-gaitas-do-pais/

   

Foliada do Demo - Pontevedra

23.08.18

cartaz foliada do demo 2018O día 23 de agosto terá lugar a Foliada do Demo na Praza de Curros Enríquez de Pontevedra a partir das 21.30 horas. Participarán os grupos: Os Chichisos e Vacaloura Vermella. Non faltedes!!

   

Romaría de Santa Margarida -A Coruña.

23.08.18

santa margarida 2018Esta semana, o baile e música tradicionais enchen A Coruña cunha Romaría de Santa Margarida que pecha as festas maríapita18.

Actividades previas que van dende unha exposición de traxes da Asociación Etnográfica Sete Espadelas en comercios, a presentación de "Mulleres de Gargamala" con Arredor da Tradición en Bar-Ambigú (Tempo Novo-Relámpago), singladura tabernaria e unha interesante xornada con Brincadeira sobre o traxe.

Obradoiros e actuacións nas prazas o sábado 25!

- PRAZA DE VIGO (BAILE):
Actuacións da A. C. Donaire e Af Aturuxo.
Obradoiros con Carminha Campo e Chus Caramés, Montse Rivera e Pablo Díaz! (non hai que inscribirse!)

- PRAZA DE GALICIA (MÚSICA):
Actuacións da A.C. Donaire e A.F. Aturuxo.
Obradoiros con Oli Xiráldez, Xulia Feixoo e Tanxugueiras.  (non hai que inscribirse!)

- PRAZA DE LUGO (MIÚDA): 
Obradoiro de brinquedos sonoros con Miudiño S Coop Galega, de mariquiñas con traxe tradicional e de danza de paus e fitas con Marta Otero e intervención de Dúbidadúo.

Concertos no parque de Santa Margarida!
- Sábado: Dúbidadúo Trío Band, Os Melidaos, Xabier Díaz e Adufeiras de Salitre e Tanxugueiras.
- Domingo: Banda Municipal de A Coruña, A. C. Xacarandaina, Samarúas e SondeSeu Orquestra Folk + convidados.

   

I Concurso Infantil de Gaitas Memorial Mingos de Pita

20.08.18

 

mingos pqA Asociación Cultural Terra de Melide convoca o sábado 15 de setembro de 2018 o 1º Concurso infantil de Gaita e Percusión Galega, co obxectivo de manter viva a figura de Mingos de Pita, fundador e último presidente desta asociación e, por riba de todo, galego bo e xeneroso de nacencia e corazón; así como promover e difundir a música tradicional galega, o que foi unha das súas constantes vitais.

Esta primeira edición rexerase polas seguintes bases:

1-Poderán participar no concurso todos aqueles grupos de gaitas cuxos compoñentes teñan unha idade inferior aos 14 anos e toquen instrumentos tradicionais galegos sen modificacións de ningún tipo.

2- A solicitude de inscrición seguirá o modelo facilitado. Entregarase copia en Cas Parrado en Melide ou no enderezo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou no seguinte enderezo postal:

IMAXINA

Florentino Cuevillas 4 BX

15800 Melide

A inscrición é de balde e realizarase nos enderezos arriba indicados ata o día 30 de agosto de 2018. A organización comunicará a admisión aos grupos antes do día 10 de setembro.

3- O número máximo de grupos participantes será de 10 elexidos pola orde de inscrición. A selección para a orde de participación realizarase por sorteo no cantón de san Roque unha hora antes do inicio do concurso. Os compoñentes dos grupos non poderán participar con outro grupo na mesma edición.

4- Os instrumentos obrigatorios para concursar serán dúas gaitas, bombo e tamboril. Non se admitirán nin mais nin menos instrumentos dos citados. Os participantes deberán vestir o traxe tradicional.

5- Os grupos participantes estarán ás 16.00 horas no Cantón de San Roque onde se celebrará o sorteo. Unha vez rematado este, os grupos dirixiranse en pasarrúas ata a Praza do Convento ou, no caso de chuvia, á casa da Cultura. A partir das 16.30 horas dará comezo o I Concurso de Gaitas Memorial Mingos de Pita.

6- Os grupos participantes interpretarán dúas pezas: a primeira será de libre elección, a segunda, obrigada, a Muiñeira de Garceiras. O tempo total das dúas pezas non poderá superar os oito minutos e non se admitirán popurrís.

7- Permitirase a afinación no escenario. Rematadas as actuacións o xurado resolverá a clasificación dos grupos participantes. O xurado será quen de declarar deserto algún dos premios.

8- O xurado deste I Concurso de Gaitas Memorial Mingos de Pita estará composto por:

Ramón Martinez Pedreira (Froito Novo)

Xosé María Blanco López (Os Melidaos)

Manuel Parrado Garea (AC Terra de Melide)

Miguel Varela Puga (Herba Grileira)

Manuel Varela Vázquez (AC Terra de Melide)

Román Varela Varela (Bico da Balouta)

Manuel Carregal López ( O pozo pequeno)

Xaneco Tubío Fdez. (Asoc. Gaiteir@s Galeg@s)

9- Na recollida dos premios subirán ao escenario todos os compoñentes dos grupos clasificados nos tres primeiros postos vestindo o traxe tradicional galego.

10- O I Concurso Memorial Mingos de Pita estará dotado dos seguintes premios:

1º clasificado 400€

2º clasificado 200€

3º clasificado 100€

Así mesmo, a organización convidará a todos os participantes a unha pequena merenda na Casa Reitoral.

O grupo gañador abrirá o concerto do grupo invitado neste I Memorial Mingos de Pita, que comezará ás 21.00 horas no lugar onde se teña celebrado o concurso.

11- A participación neste concurso supón a plena aceptación das presentes bases e a conformidade coas decisión da organización e do xurado, sen dereito a reclamación ou recurso.

mingos 2

   

Xornadas Etnográficas do Morrazo: música, baile e traxe tradicionais galegos

09.08.18

xem pqAs Xornadas Etnográficas do Morrazo: música, baile e traxe tradicionais galegos terán lugar do 28 de agosto ao 2 de setembro no Morrazo, organizadas pola asociación cultural Peis d’hos.

Trátase dun proxecto promovido pola Mancomunidade do Morrazo (conxuntamente entre os concellos de Bueu, Cangas e Moaña) e consta de:

-       exposición permanente do traxe tradicional galego e de instrumentos musicais tradicionais do 28 de agosto ao 2 de setembro en Bueu e Moaña.

-       obradoiros, charlas, conferencias nos días 29, 30, 31 de agosto e 1 de setembro (repartidos nos concellos de Bueu e Moaña).

-       Mostra Etnográfica do Morrazo (MEM) o domingo 2 de setembro en Cangas, con pasarrúas, Desfile do Traxe en escenario con pasarela a cargo de Sete Espadelas de Pontevedra e actuacións dos grupos Cántigas e Frores de Lugo, Trébede do Morrazo e Xacarandaina da Coruña.

Non podedes faltar!!

   

XVI edición da Noite Folk de Negreira

09.08.18

negreira folkXVI edición da Noite Folk de Negreira. As músicas de Xabier Díaz, Caxade e Malvela, serán as protagonistas desta edición. Así, o vindeiro sábado 18 de agosto o Refuxio de Pescadores de Covas encherase de música folk a partir das 22:00h cuns concertos que serán completamente de balde. Non faltes!!

   

Peitieiros celebra a VI Semana Cultural e o XXV Festival Folclórico Internacional

09.08.18

cartel 25 festival 2018O Centro Cultural de Peitieiros celebra do 20 ao 25 de agosto a VI Semana Cultural e o XXV Festival Folclórico Internacional, que terá lugar o vindeiro sábado 25 de agosto, ás 19:30 horas.

O luns 20 de agosto, na sede do Centro Cultural en Peitieiros, comza a VI Semana Cultural e o XXV Festival Folclórico.

O programa da V Semana Cultural é o seguinte:

Os días 20 e 21 ensaios abertos do grupo Ecos e Agarimos, ás 20 horas.

Mércores 22, xeira coorganizada co IEM sobre a toponimia do monte de Peitieiros: Polos cumes de Peitieiros. A paisaxe nomeada, guiada por Xosé Lois Vilar. O punto de encontro é ás 19 horas no alto de San Antoniño.

Xoves 23 ás 21:00 h. inauguración da exposición de Xistra: “30 anos de ghaitada”.

Xoves 23 ás 22:00 h. teatro: Trasluz teatro representará Piollosos no ador de Peitieiros.

Venres 24 ás 22:00 h.: Canto de taberna co Grupo de canto tradicional do CCV de Peitieiros e o Grupo Mistura de Vigo.

O sábado 25 de agosto celebraremos o XXV Festival Folclórico Internacional, por tanto, o vixésimo quinto aniversario deste evento que naceu vinculado á creación do grupo Ecos e Agarimos que, desde entón, formou xeracións de músicos e bailadores. A eles e elas está dedicado este Festival que este ano ten o seguinte programa:

12:00h Clausura da exposición: “30 anos de ghaitada” coa presenza de Xistra.

19:30h Ecos e Agarimos de Peitieiros, grupo anfitrión, Danças e cantares de Vitorino dos Piães, (Ponte de Lima), e Os Chavellos (Mos).

O XXV Festival Folclórico conta coa colaboración da Deputación de Pontevedra, do Concello de Gondomar, do IEM, de Xistra e da Comunidade de Montes de Peitieiros.

   

VII edición do Festival 27373 de música en Galego de Begonte

09.08.18

poster 27373_2018_web 2pqA Asociación Cultural Castiñeiro Milenario de Begonte vai organizar a Sétima edición do Festival 27373 que terá lugar o sábado 11 de agosto no Club Fluvial de Begonte que presta as súas instalacións para a celebración deste festival. A VII edición do Festival 27373 de música en Galego de Begonte, reúne nun mesmo día, un festival para nenos e nenas durante a mañá e a tarde e concertos para os mozos e mozas pola noite.

O Festival está dividido en dúas partes. Polo día, a programación vai dirixida aos máis pequen@s e ás familias. A partires das 12:00 comezamos coas actividades deportivas que estarán a cargo da empresa de Begonte Non Estreses, que vai ofrecer paseos en canoa pola marabillosa contorna do río Ladra, esta actividade prolongarase ata ben entrada a tarde.

A partires da unha a Asociación Cultural Bolboreta Fiandeira comezará a demostración de fiado de lá e liño, ademais da demostración de canto e música tradicional. A festa estará garantida durante a sesión vermú grazas ao grupo de música tradicional Río Miño, gracias ao programa Musiqueando pola Provincia de Lugo da Área de Cultura da Deputación de Lugo. Ademais faremos a presentación da cervexa oficial do festival, a 27373, unha cervexa de trigo, laranxa e coriandro, elaborada por membros da asociación en colaboración con Alberto Curiel nas instalacións de cervexas Aloumiña. Xa pola tarde, ademais dos paseos en canoa e as demostracións de fiado, a partir das cinco, comezará o VII Aberto de Billarda

e tamén, a partir das cinco a Asociación Colorín Colorado de Vilalba terá dúas actividades dirixidas ao público máis pequeno, un obradoiro de xogos populares y un obradoiro de arxila.

Agardemos que sexa un bo día para pasar ao carón do río, xantando e compartindo sobremesa nunha zona que conta con tódolos servizos, nun entorno de ribeira perfectamente acondicionado e coidado, onde se pode gozar dun baño, xantar nalgunha das mesas ou mesmo no campo e pasear á beira do río ao tempo que participamos nas distintas actividades.

Pola tarde, a partir das sete e media, abrirán o festival o grupo de teatro Migallas desde Pontevedra coa obra “Merenda con Pan de millo unha obra musical dirixida ao público infantil e familiar que chega ao festival grazas ao Concello de Begonte. Despois subirán ao escenario, desde a comarca de Ortegal, o grupo de música tradicional, Os Carecos, cinco pandeireteiros que van poñer o torreiro patas arriba. Cuarta Xusta desde Melide, serán as encargadas de poñer notas de rock combativo e feminino. Para rematar, Berta Franklin, desde Lugo e Begonte un dos grupos revelación da escena lucense que van dar moito que falar nos vindeiros tempos, rock, blues e soul para rematar este sétima edición.

Máis información da Asociación en http://castinheiromilenario.wordpress.com/.

Toda a información sobre o Festival 27373 en http://festival27373.wordpress.com

Asociación Cultural Castiñeiro Milenario

Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

   

A ASOCIACIÓN DE GAITEIR@S GALEG@S CELEBRA ESTE ANO A XXV EDICIÓN DA MOSTRA DE INSTRUMENTOS DE MÚSICA TRADICIONAL - PARDIÑAS - GUITIRIZ

03.08.18

cartel 25mostra_2018_webUn ano máis a Asociación de Gaiteir@s Galeg@s (AGG), a través da comisión de artesáns, achégase ata o Festival de Pardiñas para organizar a que será a "XXV Mostra de Instrumentos de Música Tradicional"; unha edición moi especial, xa que se cumpre o seu 25 aniversario.

Esta mostra, consagrada como a máis antiga e importante da Península Ibérica, é hoxe un referente indispensable da música tradicional galega. Un lugar de encontro onde tod@s @s amantes da nosa cultura poden gozar de dous días cheos de festa e ademais coñecer de preto o gran traballo de mais de 30 artesáns e artesás que nos traen unha amplísima variedade de instrumentos tradicionais como gaitas, requintas, zanfonas, tambores, bombos, pandeiretas, trompas, violíns,...

Nesta nova edición volvemos a poñer o acento no recoñecemento d@s artesáns que co seu traballo minucioso e preciso fan posible que a artesanía dos nosos instrumentos tradicionais sexa recoñecida e valorada no mundo enteiro.

Como nas pasadas edicións, na mostra non faltará ademais a música e o baile tradicional, que estarán presentes durante a fin de semana a través de actuacións en directo e obradoiros.

"XXV Mostra de Instrumentos de Música Tradicional".

             A apertura da Mostra comezará co pregón a cargo de Xan Silvar, o sábado ás 17:00 h. en compaña do grupo Raparigos. Xan Silvar (Ferrol, 1953). Biólogo, profesor e, sobre todo, gaiteiro. Fundador con Carlos Cabrera de RAPARIGOS. Ten gravado coa Polifónica da Bazán, o Orfeón Terra a Nosa e con Emilio Cao. O grupo Raparigos xurde con Cabrera e Silvar, alumnos de Constantino Bellón que encetaron o grupo na Ascensión de 1968. Virían logo 1º premios no San Froilán, Lugo (1968 e 1974), en Santiago (1969, 1974), onde tamén levaron un 2º (1972) e un 5º (1973) con Ángel Muñoz no tambor. En 1977 Xavier R. Fariñas e Rafa Victoria substitúen a Cabrera e Trillo, bombo. Levan en Ponteareas un 1º (1977) e un 2º (1980).

Os concursos foron tan importantes como as romarías para a formación do grupo. Asiduos nos festivais (Ortigueira 1979, 81, 87; Pontevedra, Castrelos 1979) encetan unha longa lista. En 1992 representan a Galicia na Expo de Sevilla. A partir do 1983 RAPARIGOS xiran, por Francia e Gran Bretaña, percorrendo boa parte do seu circuíto folk. Tamén tocan en España e Portugal. Nesta época incorpórase Antón Varela. Ramón Dopico tomas as baquetas en 2011. Gravaron en 1981 coa Ed. RUADA Gaiteiros Galegos Vol.1 e con SONS GALICIA Tempero entre amigos en 1991.

             Unha vez rematado o pregón continuamos a festa co concerto de Maraghotas as 18.00 horas, un cuarteto resultado de xuntar diferentes experiencias musicais cunha única vontade: crear música galega. O seu proxecto busca transformar en enerxía todo o que está ó seu alcance: gaitas, percusións, clarinete… Non cren nas fronteiras, e por iso mesturan ritmos, timbres e texturas, ó tempo que parten daquelas melodías de tradición oral que chegaron ata nós. Mulleres con ganas de transmitir o que é para elas a música: iso é o que son Maraghotas.

             As 19.30 horas, será o momento de coñecer @ afortunad@ co boleto gañador do sorteo do tambor, xenerosidade do artesán Manels Percusión, quen doará o instrumento.

             A xornada do domingo iniciarase ás 11:30 horas coa apertura da mostra, seguido ás 12:30 horas dun Obradoiro de Treboada da man do artesán e gaiteiro Oli Xiráldez, no que teremos a oportunidade de desfrutar e coñecer mais sobre esta formación instrumental típica da comarca do Baixo Miño, formada orixinariamente por unha gaita de barquín, un tambor e un ou dous bombos de grandes dimensións, e que se foi modificando, aumentando o número de bombos, e substituíndo a gaita de barquín pola de sopro directo.

             Xa pola tarde, ás 18.00 horas terá lugar o Obradoiro de Baile Tradicional, con Gustavo Couto (Compostela, 1983), membro do grupo de baile do OCT Ultreia dende 1996, sección que dirixiu dende o 2009 ata 2017. Mestre de baile tradicional dende 2003 de distintos grupos e escolas, é tamén coautor dun Libro-DVD de autoaprendizaxe do baile tradicional chamado Bailabén, editado por Edicións do Cumio.

             E xa para rematar a xornada da tarde, ás 19.30 horas realizaremos o sorteo dunha gaita de buxo feita e doada por "Os Canallas". Un traballo colaborativo de Alberto Pires, Oli Xiráldez, Queima, Afonso Castro e Patricia González.

             Ademais das actividades previstas disporemos dun escenario libre durante os dous días para músicos que desexen tocar ou artesáns que queiran facer algunha demostración.

             A mostra permanecerá aberta ao público durante toda a fin de semana, cun horario de 17.00 a 21.30 o sábado, mentras que o domingo será de 11.30 a 14.00 e de 17.00 a 21.30 horas.

             Todas as actividades, terán lugar no recinto do Festival de Pardiñas que organiza a A.C. Xermolos de Guitiriz.

PROGRAMA

Sábado día 4

17.00 horas - Apertura da mostra.
17.00 horas - Pregón – Xan Silvar e Raparigos
18.00 horas - Concerto - Maraghotas
19.30 horas - Sorteo

Domingo día 5

11.30 horas - Apertura da mostra.
12.30 horas - Obradoiro de Treboada - Oli Xiráldez.
18.00 horas - Obradoiro de baile tradicional – Gustavo Couto
19.30 horas - Sorteo

LISTADO DE ARTESANS PARTICIPANTES NA MOSTRA

Asociación de Gaiteir@s Galeg@s - Organización                                   

Xaneco - Percusión e Zanfonas - Outeiro de Rei

Oli Xiráldez - Gaitas e Requintas - Calo-Teo

Tunhas - Percusión tradicional - Ames

Alberto Pires - Gaitas - Pontesampaio

Queima - Instrumentos tradicionais de Vento e Percusión - Redondela

Foliqueiras - Percusión tradicional - Vigo

Gaitas Marcos - Percusión e Gaitas - Ferrol

Nebra - Gaitas e Zanfonas - Porto do Son

Julio Fernández - Instrumentos de Vento - Quintela de Leirado - Ourense

Pablo Carpintero - Reprodución de Instrumentos antigos, Percusión, Gaitas e       Requintas - Compostela

Miguel Rivas - Percusión e Vento - Vigo

Che Vázquez - Birimbaos, Trompas, Frautas e Instrumentos tradicionais - Brión

Obradoiro de Gaitas Seivane - Construción de Gaitas - Cambre

Ocarinas Paparolo - Fabricación artesanal de Ocarinas e Asubíos - Santiago de Compostela

Pablo Sánchez Otero - Construtor de Guitarras e outros Instrumentos de Corda pulsada – Amberes

Manels Percusión - Percusión tradicional - Ordes

Jaime Pena - Artesán Palleteiro - As Pontes

O Chilro - Percusión e Gaitas - Cambados

Master Gaita - Gaita electrónica - Sada

Dacorla Artesanía - Percusión tradicional - Fornelos de Montes

Carlos Fandiño - Gaitas - Teixeiro

Diego Langarika - Artesán de Instrumentos de Corda e Percusión – Mondariz

Iago Salgado - Instrumentos tradicionais - Teo

Jaime Rebollo – Zanfonas - Beluso

Afonso Castro - Gaitas - O Rosal

Miguel Mosquera - Gaitas, Frautas e Pito Pastoril - Sarria

Xermán Arias - Luthería e Zanfonas - Sarria

O Reberete - Vento e Percusión tradicional - Amoeiro

César Loureiro - Construtor de Zanfonas – Marín

Xaime Rivas – Zanfoñas - Vigo

Palletas Carrera – Palletas - Vigo

 

   

Páxina 4 de 230