Asociacion de Gaiteiros Galegos

Gaiteiros galegos
Inicio / Novas / Varios

Varios

III Xuntanza Folc Follas de Olivar

05.06.17

xuntanza folkO Sabado 10 de Xuño, terá lugar unha nova edicion da Xuntanza Folc Follas de Olivar, na Insua, Ponte Caldelas. Os Xeitosos da Insua organizan esta III edición na que haberá un xantar popular, feira de artesanía e a actuación de numerosos grupos como: Nos tamén Imos, Calcetín furado, Sobre Rodas, Peter Punk, Trouleada, Os Xeitosos, Carapaus e Ardentía. Non faltedes!

   

Obradoiros de verán para nen@s na Tradescola

03.06.17

 

cartaz campamento-01 - pqA TRADESCOLA organiza para os vindeiros meses de verán OBRADOIROS DE MÚSICA, BAILE E XOGOS TRADICIONAIS PARA NEN@S.

Se tes entre 4 e 12 anos e queres pasalo ben este verán, non te perdas os talleres que se impartirán dende o día 26 DE XUÑO na Tradescola!!!

Duración dos talleres: do 26 de xuño ao 8 de setembro. (Posibilidades de matrícula por semana)

Horario de 9.00 a 14.00 horas (*consulta o plan madruga se tes que chegar antes)

Lugar:Tradescola (Rúa Pintor Corredoira Nº4 - Lugo)

Grupos:

De 4 a 7 anos (máximo 10 prazas)

De 8 a 12 anos (máximo 10 prazas)

(mínimo 5 prazas/grupo)

Prezo por semana 45€!!!!!-

Podes solicitar máis información e facer a túa matrícula durante o mes de xuño nos locais da Tradescola (Centro Lug 2 - Rúa Pintor Corredoira Nº4 - Lugo ) en horario de 9.00 a 14.00 horas, chamando ó teléfono 982229966 ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Prazas limitadas por orde de matrícula ¡!

Esperámoste!!!!!!!!

 

   

A TRADESCOLA IMPARTIRÁ DOUS NOVOS OBRADOIROS DE ZANFONA E DE PROGRAMAS INFORMÁTICOS APLICADOS Á MÚSICA TRADICIONAL (en Ribadeo e Lugo respectivamente))

01.06.17

cartazobradoiro zanfona2017-01cartazobradoiro proginfor2017-01

Daniel Carballo e Mª Carmen Saborido serán os encargados de impartir estos obradoiros que terán lugar os vindeiros días 10 e 11 de xuño en Ribadeo e Lugo respectivamente.

A Tradescola, escola de música tradicional galega que xestiona a Asociación de Gaiteiros Galegos na cidade de Lugo, impartirá dous novos obradoiros de zanfona e de programas informáticos aplicados á música tradicional os vindeiros días 10 e 11 de xuño de 2017. Estos obradoiros, que serán de balde para os asistentes previa inscrición, contan coa axuda da área de Cultura da Deputación de Lugo, e pretenden achegar a nosa música e a nosa cultura tradicional a toda a poboación interesada tanto na cidade de Lugo como no resto de comarcas da provincia.

Daniel Carballo (Maka) será o encargado de guiar o obradoiro de zanfona, que terá lugar en Ribadeo o sábado día 10 de xuño en horario de 11.00 a 14.00 horas e de 16.00 a 18.00 horas e que conta coa colaboración da Asociación Amigos da Gaita de Ribadeo. Neste obradoiro amosarase a historia da zanfona tradicional en Galicia, veranse distintos aspectos de afinación, regraxe e dixitación e traballaranse distintas escalas musicais que se porán en práctica con repertorio como cantos de cego e romances tradicionais.

Ao día seguinte, en horario de mañá, de 11.00 a 14.00 horas, será Mª Carmen Saborido (Menchu) a encargada de impartir un obradorio sobre programas informáticos aplicados á música tradicional (Musescore Software libre)

Este obradoiro está dirixido a tod@s aqueles que desexen iniciarse na edición de partituras mediante o uso dun programa de software libre como é o Musescore.

Tratarase:
Descarga e instalación do programa Musescore.
Coñecemento xeral do programa.
Creación de partituras.
Modificación de partituras.
O midi e o pdf.

Para inscribirse nos obradoiros ou para recibir mais información pódese contactar coa Tradescola chamando ao tlf 982229966 ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo (as prazas son limitadas).

   

Abrente Folk "I Mostra de Música Galega"

29.05.17

abrente folkO vindeiro 4 de xuño ás 18.00 horas, no centro dotacional do medio rural de Torroso (Mos - Pontevedra) terá lugar o Abrente Folk "I Mostra de Música Galega" no que participarán os seguintes grupos:

Os Terribles de Donas

Coro Galego CC Abrente

Banda de Gaitas " Raigames" (Vigo)

Grupo de gaitas "O Son do Abrente"

Grupo de baile "Tangaraño"

Grupo de zanfonas "Os Chavellos"

Grupo "Novos Galiños de Belesar"

A entrada será de balde, non faltedes!!!

   

A TRADESCOLA IMPARTIRÁ OBRADOIROS DE PANDEIRA E DE INICIACIÓN A TÉCNICAS DE TAMBOR E BOMBO

26.05.17

cartazobradoiros percusion2017-01 - pqBranca Villares e Miguel Anxo López (Chino) serán os encargados de impartir estos obradoiros que terán lugar na Tradescola (Rúa Pintor Corredoira 4- Lugo) os vindeiros días 3 e 4 de xuño.

A Tradescola, escola de música tradicional galega que xestiona a Asociación de Gaiteiros Galegos na cidade de Lugo, impartirá dous novos obradoiros de percusión tradicional os vindeiros días 3 e 4 de xuño de 2017. Estos obradoiros, que serán de balde para os asistentes previa inscrición, contan coa axuda da área de Cultura da Deputación de Lugo, e pretenden achegar a nosa música e a nosa cultura tradicional a toda a poboación interesada.

Branca Villares será a encargada de guiar o obradoiro de pandeira, que terá lugar o sábado día 3 de xuño en horario de 16.30 a 19.30 horas e no que se amosarán distintas técnicas e posibilidades deste instrumento de percusión.

Ao día seguinte, en horario de mañá, de 11.00 a 14.00 horas, será Miguel Anxo López Buján o encargado de impartir un obradoiro de iniciación a técnicas de tambor e bombo.

Para inscribirse nos obradoiros ou para recibir mais información pódese contactar coa Tradescola chamando ao tlf 982229966 ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo (as prazas son limitadas).

   

Este domingo falaremos da comparsa de Cabezudos do Concello de Santiago no Recuncho da Palleta

26.05.17

lume na palleiraEste domingo, acompañaranos Gustavo Couto no Recuncho da Palleta e falaremos dunha das tradicións máis arraigadas nas festas de Compostela. A comparsa de Cabezudos do Concello de Santiago.

Non te perdas o domingo as 17:00 horas Lume na Palleira

   

A TRADESCOLA IMPARTIRÁ OBRADOIROS DE MÚSICA E BAILE TRADICIONAIS NO C.P.I. DR. LÓPEZ SUAREZ DO SAVIÑAO.

24.05.17

cartazobradoiroxogosbailadossaviao2016-01 - pqA Tradescola, escola de música tradicional galega que xestiona a Asociación de Gaiteiros Galegos na cidade de Lugo, achegarase mañá xoves 25 de maio ao C.P.I. Dr. López Suarez Do Saviñao para impartir obradoiros de música e baile tradicionais para os escolares de primaria, e que estarán guiados polos mestres da Tradescola Xabier Iglesias e Cristina de Castro.

 

Con estas xornadas, que contan coa axuda da área de Cultura da Deputación de Lugo, a Tradescola pretende achegar á comunidade escolar a nosa música e a nosa cultura tradicional, dun xeito ameno e didáctico a través dos concertos e actividades impartidas polos mestres da Tradescola.

Nestos obradoiros, que van dirixidos a todos os/as alumnos/as de primaria do centro, os/as asistentes aprenderán xogos danzados así como as súas cantigas de acompañamento dun xeito divertido e ameno.

Un dos obxectivos da Tradescola é incrementar a presenza da música e do baile tradicional galego na sociedade actual, e para conseguilo, realiza asiduamente numerosos actos como charlas, exposicións, concertos, ou xornadas que achegan a numeroso público a coñecer de preto o traballo que está a realizar esta escola, ofrecendo formación a todas as persoas interesadas na música e no baile tradicional tanto na cidade de Lugo, onde imparte aulas diariamente na rúa Pintor Corredoira nº 4, como no resto de comarcas da provincia a través da realización de diversas accións formativas relacionadas co ensino da música e baile tradicionais.

   

Pablo Díaz e a banda TIC TAC TOC

19.05.17

tic tac tocPablo Díaz e a banda TIC TAC TOC pechan o vindeiro sábado ás 18.30 horas a súa xira no ‘FalaRedes 2017’ cunha grande festa da lingua no Auditorio de Galicia. Se queredes pasar unha tarde de lecer en familia, podedes retirar convites (ata catro por persoa) no despacho de billetes do Teatro Principal (aberto de martes a sábado, entre as 18:00 e as 21:00 horas)

 

Podedes recoller os convites tamén o propio día unha hora antes no Auditorio de Galicia.

   

Aí ven o Maio…! Concertos da Tradescola na Praza Maior de Lugo

19.05.17

maios trade  pqAgora sí que ven o maio!!!!! a vindeira semana dende a Tradescola temos previsto celebrar os Maios cunha serie de actividades e concertos na rúa (na Praza Maior de Lugo (ao carón do templete)).

O programa será o seguinte:

Aí ven o Maio…!

Martes día 23

17.00 horas: Elaboración dun maio figurado.

18.00 horas: Actuacións a cargo dos grupos infantiles e dos grupos de canto e pandeireta e baile tradicional da Tradescola.

Mércores día 24

19.30 horas: Actuacións a cargo de grupos de gaita, percusión e acordeóns da Tradescola.

Xoves día 25

18.30 horas: Actuacións a cargo dos grupos de requinta e zanfonas da Tradescola

Esperámoste!!!!!

   

O domingo, no Recuncho da Palleta, presentación do DVD "Irei a Darbo"

12.05.17

lume na palleiraO vindeiro domingo, no Recuncho Da Palleta, Gustavo Couto e Emilio Españadero estarán acompañados por Miguel Sotelo para presentar o DVD "Irei A Darbo", unha curtametraxe na que se recrea unha romería de principios de século XX, partindo dun cadro do pintor Carlos Sobrino.

Non te perdas o domingo as 17:00 horas Lume na Palleira

   

Páxina 4 de 211