Polavila en Donís !!! No vindeiro Recuncho da Palleta

28.05.21

Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Guillerme Inácio que nos achegará ata terras de Lugo cun espazo titulado "Polavila En Donís". Neste espazo falaranos de Inés de Piornedo e doutras tocadoras da parroquia de Donís, no concello de Cervantes.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

33 anos de traballo en prol da nosa cultura tradicional

28.05.21

Tal día coma hoxe hai 33 anos celebrábase no Museo da Terra de Melide, unha reunión da Comisión Xestora previa á creación da AGG coa finalidade de constituír legalmente a Asociación de Gaiteiros Galegos.

Neste encontro elixiuse por unanimidade a Ricardo Portela como Presidente Provisional e a Xosé Domingos Fuciños "Mingos" como Secretario.

Os puntos da orde do día da xuntanza foron a constitución da AGG e a aprobación dos Estatutos.

Foi nesta reunión onde se levantou a Acta Fundacional, que será presentada, xunto cos estatutos aprobados, no Ministerio do Interior o 23 de xuño dese mesmo ano por Ricardo Portela, formalizando así a constitución da AGG.

Estamos de celebración e sentímonos moi fachedosos de poder seguir, 33 anos despois, traballando pola nosa música e o noso baile tradicionais, con toda a ilusión e a mesma determinación dos que impulsaron este proxecto.

Xornadas de frauta

25.05.21

O vindeiro sábado 5 de xuño organizamos unha nova edición das “Xornadas de frauta” nas que contaremos con relatorios de investigación que abordarán aspectos como "A frauta traveseira de madeira en Asturies" da man de Pepín de Muñalén, acharémonos á historia dos Barreiros de Albín no relatorio-concerto "Herdeiros dos Barreiros. Homenaxe ós de Albín" a cargo dos Gaiteiros do Ulla e tamén faremos unha achega á frauta dos tres furados no relatorio "Tamboril por gaita. A figura do tamborileiro salmantino" con José Ramón Cid Cebrián.

Con estas xornadas, que se levarán a cabo en dúas modalidades, presencial e en liña, dende a AGG buscamos amosar a riqueza existente na cultura tradicional e incidir na gran importancia que teñen os traballos de investigación para poder coñecer, preservar e transmitir as tradicións.

PROGRAMA:

11.00 h. - "A frauta traveseira de madeira en Asturies". Pepín de Muñalén

12.00 h. - Descanso

12.30 h. - "Herdeiros dos Barreiros. Homenaxe ós de Albín". Gaiteiros do Ulla

13.30 h. - Parada para xantar

16.00 h. - “Tamboril por gaita. A figura do tamborileiro salmantino”. José Ramón Cid Cebrián

LUGAR:

      * MODALIDADE EN LIÑA: CANLE DE FACEBOOK DA AGG (www.facebook.com/aggtradiciongalega)

      * MODALIDADE PRESENCIAL: CASA DE ROSALÍA (imprescindible a inscrición previa. Aforo limitado)

DATA: Sábado 5 de xuño de 2021

INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo  indicando nome, apelidos, un teléfono de contacto e mail.

A asistencia é de balde, previa inscrición no caso da modalidade presencial, tendo preferencia @s soci@s da AGG, que disporán ata o domingo 30 de maio para inscribirse. A partir desa data se quedan prazas dispoñibles, cubriranse coas solicitudes de inscrición de soci@s e non soci@s, por orde de chegada.

A celebración das xornadas está suxeita á situación sanitaria do momento, e levaranse a cabo cumprindo todas a medidas de seguridade necesarias por mor da COVID-19.

Máis información: 986 84 70 74 - 982 22 99 66 -  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Sons da Tradescola para Xela Arias

21.05.21

Hoxe iniciamos o ciclo “Sons da Tradescola para Xela Arias” cunha actuación diante da Deputación de Lugo dun dos grupos de gaitas e percusión tradicional da Tradescola. Aproveitando a celebración das Letras Galegas adicadas a Xela Arias, a Tradescola ofrecerá distintas audicións na praza de San Marcos (Lugo) nas vindeiras semanas. Esta nova actividade de difusión e promoción da nosa música, o noso canto e o noso baile tradicional conta coa colaboración da área de Cultura da Deputación de Lugo.

Con estos concertos, a Tradescola quere sumarse ós distintos actos en homenaxe a Xela Arias no día das nosas letras, e nos mesmos, poderemos gozar de numeroso repertorio tradicional, interpretado pol@s alumn@s e mestres da Tradescola onde non faltarán gaitas, zanfonas, percusións, acordeóns, cantareir@s e por suposto bailadores e bailadoras.

Dúas muiñeiras de concerto no vindeiro Recuncho da Palleta

21.05.21

Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Xaime Estévez, que nos falará sobre dúas muiñeiras representativas doutros lugares galegos como Baiona e Lugo. No primeiro caso da muiñeira Lembranzas compostas por Angel Rodulfo alá polo 1910 parte dunha zarzuela para recaudar fondos para o monumento de "A Virxe de A Roca". Poremos unha versión inédita do grupo de saxofóns "Litore Quartet" e outra versión folk. No segundo caso pasaremos a popular Muiñeira de Lugo e buscaremos as súas raices escoitando a rapsodia galega Festa na Tolda de Gustavo Freire e outros exemplos da música tradicional e clásica que poden sorprendernos.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

A TRADESCOLA CELEBRA HOXE OS MAIOS COS SEUS ALUMN@S NO CENTRAD

18.05.21

Hoxe martes, 18 de maio, celebraremos os maios cos nenos e nenas da Tradescola e darémoslle a benvida á primavera cunha nova actividade de difusión e promoción da nosa música, o noso canto e o noso baile tradicional.

A partir das 16.00 horas terá lugar a elaboración dos maios figurados a cargo das/os nenas /os que se recubrirá con fiuncho, herbas e frores silvestres (No Centrad).

A continuación, alumnas/os e mestres da Tradescola ofrecerán distintas actuacións nas que disfrutaremos de numeroso repertorio tradicional cantado e bailado ao redor dos maios.

*(nesta ocasión, a celebración non pode ser aberta ao público por mor da Covid 19)

Os Maios no vindeiro Recuncho da Palleta

14.05.21

Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto, que nos falará e nos achegará á celebración dos Maios.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

VIII edición das Xornadas de Baile tradicional

11.05.21

O vindeiro domingo 23 de maio a AGG organiza a VIII edición das  Xornadas de Baile tradicional que terán lugar no Centro de Artesanía e Deseño (CENTRAD) en Lugo. Nestas xornadas, patrocinadas pola Xunta de Galicia, e que contan coa colaboración do Centrad (dependente da  Área de Deportes, Artesanía e Deseño, Memoria Histórica da Deputación de Lugo), contaremos con relatorios - obradoiros guiados por profesionais no mundo do baile tradicional como Montse Rivera, Olga Kirk e Xabier Iglesias.

Os obradoiros destas xornadas (non son de iniciación) están pensadas tanto para os profesionais do mundo da danza, como para todos aqueles interesados no baile galego, para que poidan completar os seus coñecementos e participar de xeito activo na mellora e dinamización da nosa tradición.

PROGRAMA:  VIII XORNADAS DE BAILE TRADICIONAL

• 11.00 - Apertura
• 11.00 - Relatorio-obradoiro I

                               “A Regueifa como baile de voda”. Montse Rivera

                               11.45 obradoiro parte I

                               12.45 obradoiro parte II

• 14.00 – Xantar
• 16.30 - Relatorio-obradoiro II

                               “O Baile en Tordoia”. Olga Kirk

• 18.00 – Descanso
• 18.15 - Relatorio-obradoiro III

                               “O Bailar na Terra Chá”. Xabier Iglesias

DATA: Domingo 23 de maio

LUGAR: Centrad (Rúa Chantada S/N - Lugo)

INSCRICIÓNS (*): Deberán facerse nos teléfonos 986 84 70 74 ou 982 22 99 66 ou enviando un correo electrónico a  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.

* Os obradoiros son de balde e as prazas limitadas, tendo preferencia @s soci@s da AGG, que disporán ata o domingo 16 de maio para inscribirse, e a partir desa data se quedan prazas dispoñibles, cubriranse coas solicitudes de inscrición de non soci@s, por orde de chegada.

* A celebración das xornadas está suxeita á situación sanitaria do momento, e levaranse a cabo cumprindo todas a medidas de seguridade necesarias por mor da COVID-19.

Estas xornadas, organizadas pola AGG en colaboración coa Xunta de Galicia, constitúen sen dúbida unha cita ineludible, non so para todas aquelas persoas que traballan no entorno da baile tradicional, senón tamén para todos e todas aquelas que queiran saber máis das nosas tradicións. 

VIII Certame de debuxo sobre o baile tradicional e os Instrumentos da música tradicional galega organizado pola Tradescola

07.05.21

Dende a Tradescola, (escola de música e baile tradicional xestionada pola Asociación de Gaiteir@s Galeg@s na cidade de Lugo) en colaboración coa Área de Cultura da Deputación de Lugo, presentamos o VIII Certame de debuxo sobre o baile tradicional e os Instrumentos da música tradicional galega. A finalidade desta actividade, dirixida ás nenas e nenos de primeiro, segundo e terceiro curso de primaria dos centros de ensino da provincia de Lugo, é potenciar e difundir entre os máis pequenos a nosa música e o noso baile tradicional, axudar a que coñezan os nosos instrumentos, a nosa historia e costumes dun xeito natural dende os primeiros anos, para garantir a conservación das nosas tradicións e, en definitiva, do noso patrimonio cultural.

Aquí tedes as bases e o folio para facer o debuxo para que participedes. Podedes imprimir o axunto, facer o debuxo, e enviárnolo por mail á Tradescola* ( Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ) ata o día 31 de maio de 2021.  *o debuxo deberá vir asinado pola nai, pai ou titor@ legal, en proba de autorización para a participación no certame

Animádevos a participar, entre outros agasallos, poderedes conseguir un concerto didáctico de música tradicional para o voso cole, e o gañador do certame terá a posibilidade de asistir á Tradescola o vindeiro curso de balde !! (Tedes toda a información nas bases)!!.

Calquera dúbida, podedes poñervos en contacto con nós no tlf. 982 229 966.

Esperamos os vosos debuxos!!

Fran Sieira, Compañía de Danza presentará o seu novo espectáculo "Demente" no vindeiro Recuncho da Palleta

07.05.21

Este domingo, no "Recuncho da Palleta" do programa "Lume na Palleira" conducido por Emilio Españadero, contaremos con Gustavo Couto, que conversará con Fran Sieira, Compañía de Danza, para presentarnos o seu novo espectáculo "Demente".

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.