Asociacion de Gaiteiros Galegos

Gaiteiros galegos
Inicio / Novas / Varios

Varios

I Xornadas Zanfonas Abertas (Lérez - Pontevedra)

22.10.18

xornada zanfonas lerezOs vindeiros día 2 e 3 de novembro terán lugar as I Xornadas Zanfonas Abertas organizadas pola Agrupación Gaiteiros das Rías Baixas. Terán lugar na Casa da Cultura de Lérez (Rúa Leandro del Río 12 - Pontevedra) e contarán co seguinte programa:

Día 2

-19.30 horas: Charla coloquio (entrada libre) "A zanfona. Pasado e presente"- Participan: Anxo Pintos, Luciano Pérez e Carlos do Viso.

Día 3

-De 9.30 a 20.00 horas: Xornada de Zanfonas Abertas a cargo de Carlos do Viso

  • Iniciación co instrumento
  • Repertorio tradicional e ornamentación.

Inscrición xornada día 3: 10 € (facilitarase instrumento para prácticas)

Prazas limitadas. Info e reservas no tlf: 639908788

   

XXX Xuntanza de Gaiteir@s organizada pola Banda de Gaitas Tradicional “Airiños de Fene” no vindeiro Recuncho da Palleta

19.10.18

lumepalleiraO vindeiro domingo a Asociacion de Gaiteir@s Galeg@s estará con tod@s vosoutr@s no "Recuncho da palleta" dentro do programa "Lume na Palleira" conducido por Emilio Españadero. Nesta ocasión contaremos con Ramón Dopico que nos falará da XXX Xuntanza de Gaiteir@s, organizada pola Banda de Gaitas Tradicional “Airiños de Fene” que terá lugar o vindeiro sábado día 27 de outubro de 2018 a partir das 19.30 horas na S.C.R.D. Agarimo de Sillobre (Fene), e na que homenaxearán a Xabier Díaz.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

E lembra que nas madrugadas de luns a martes (de 01:00h a 02:00h), na Radio Galega, tes unha cita coas "Escolmas Musicais" de Lume Na Palleira.

   

XXX Xuntanza de Gaiteir@s 2018 - Homenaxe a Xabier Díaz.

17.10.18

cartaz 2018O sábado día 27 de outubro de 2018 a partir das 19.30 horas na S.C.R.D. Agarimo de Sillobre (Fene), a Banda de Gaitas Tradicional “Airiños de Fene” celebrará a XXX Xuntanza de Gaiteir@s, actividade que organiza tódolos anos dende o 1988. Nestas xuntanzas, ademais da participación de distintas bandas, grupos ou músicos, aproveitan a ocasión para realizar unha homenaxe a algunha persoa, grupo ou entidade que se caracterizou por gardar, recoller, recuperar e dar a coñecer a nosa música tradicional.

Nesta XXX Xuntanza homenaxearán a Xabier Díaz

Xabier Díaz compaxina a súas facetas de músico e compositor cunha laboriosa actividade como investigador e compilador do noso folclore tradicional.

Dos primeiros sopros de Xabier nunha gaita de fol ate hoxe pasaron máis de 30 anos. Ao longo de todos este anos a actividade de Xabier é incesante tendo sempre a música popular no horizonte.

Dende as súas primeiras experiencias até hoxe, foron moitas as entidades, grupos e proxectos nos que participou e colaborou: Xacarandaina, Rumbadeira, Nova Galega de Danza, Berrogüeto, aCadaCanto.... .

Nesta XXX Xuntanza de Gaiteiros contarase tamén coa participación de: Guadi Galego, Guillerme Fernández, Fernando Barroso, Alfonso Merino, os grupos de cantareiras “Xerfa”, e “Xirifeiras”, a Banda de Gaitas Tradicional Airiños de Fene e Xabier Díaz. A Xuntanza será presentada por Ana Santiago. Non faltes!!

   

X Xornadas de Cultura Popular Galega. Raparigos no seu tempo. San Sadurniño, 20 de outubro

16.10.18

x xornada berros do castroA Asociación folclórica Berros do Castro e mailo Concello de San Sadurniño volven colaborar na organización dun día dedicado á nosa cultura musical.

Será vindeiro sábado 20 de outubro e, de novo, o encontro estará estruturado en tres partes: unha expositiva, outra formativa e, a final, centrada en actuacións abertas ao público de grupos que son referentes na interpretación tradicional.

A epígrafe da X Xornada de Cultura popular galega é “Raparigos no seu tempo”, xa que nela se lle rende tributo ao grupo ferrolán xusto no ano en que fai o seu 50º aniversario. Eles serán protagonistas dunha mostra situada na Casa da Cultura que xuntará imaxes, documentos e instrumentos.

Do obradoiro desta edición -arredor das técnicas da gaita- ocuparase o mestre Xaquín Xesteira “Xocas”, gaiteiro en Treixadura e tamén n’Os Faíscas de Solobeira, que actuarán a partir das 20.00h. xunto coa agrupación folclórica Donaire, procedente da Coruña.

Tanto a exposición como os concertos da tarde son gratuítos. Porén, para o curso impartido por Xesteira fai falla inscrición previa a través do correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou dos teléfonos 669 795 418 e 626 140 798. O prezo son 15€ e ofértanse 20 prazas das que xa faltan poucas por cubrir.

   

A Xornada do Baile Comunal no Barrio do Ceo - Mondariz no vindeiro Recuncho da Palleta.

11.10.18

lumepalleiraO vindeiro domingo a Asociacion de Gaiteir@s Galeg@s estará con tod@s vosoutr@s no "Recuncho da palleta" dentro do programa "Lume na Palleira" conducido por Emilio Españadero. Nesta ocasión contaremos con Guillerme Ignacio falándonos sobre a Xornada do Baile Comunal no Barrio do Ceo - Mondariz.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

E lembra que nas madrugadas de luns a martes (de 01:00h a 02:00h), na Radio Galega, tes unha cita coas "Escolmas Musicais" de Lume Na Palleira.

   

Actuación do coro "Aires da Terra: o legado de Feijóo" (última) e espectáculo "De tradición con Suso Vaamonde"

04.10.18

coro aires da terraO sábado día 13 de outubro terá lugar no Museo de Pontevedra (Sexto Edificio) a última actuación do coro "Aires da Terra: o legado de Feijóo". Catro anos despois de resucitar o coro, enterrámolo de novo no mesmo lugar onde renaceu.
Esta actuación, presentada por Xurxo Souto, entra dentro das actividades do Festival Cantos na maré.

E o domingo día 14, ás 12:30 h, nas ruinas de San Domingos, tamén en Pontevedra, levaremos a cabo o espectáculo "De tradición con Suso Vaamonde", coa colaboración, nesta ocasión, da Banda de Pontevedra.

   

XX edición da Mostra de Música Tradicional do Domingo das Mozas

02.10.18

domingomozas2018 webA Asociación de Gaiteir@s Galeg@s organiza a XX edición da Mostra de Música Tradicional do Domingo das Mozas, mostra que contará coas actuacións de 13 grupos de música tradicional galega, que encherán da nosa música o casco vello da cidade de Lugo no día máis emblemático das festas do San Froilán.

Os grupos participantes na mostra actuarán en horario de mañá e de tarde en distintas portas da muralla, prazas e rúas, de tal maneira que toda a xente que entre na cidade, sexa recibido co son da nosa musica tradicional.Os grupos participantes son os seguintes:

A Volta do Agro (Lugo), Abertal (A Rúa), Arume (Boiro), Banda de gaitas Sons da Chaira (Terra Cha), Caivanca (Lugo), Cántigas e Frores (Lugo), Folquiada (Lugo), Lagharteiras (Mos), Os Campantes da Baña (A Baña), Os de Algures ( Pontevedra),  Raparigos ( Ferrol), Reviravolta (Lugo)  e  Xaora (Lugo.

Pola mañá os 13 grupos sairán dende a Praza Maior ás 11.30 horas facendo un pasarrúas polas distintas rúas do centro urbán amurallado, ata as 14:00h.Pola tarde repetiranse as actuacións a partir das 17.30 horas, para logo rematar ás 19.00 horas.

Esta mostra, na que a Asociación de Gaiteir@s Galeg@s  xunta ano tras ano aos mellores grupos de gaitas de Galicia, ten como finalidade a exaltación da música tradicional galega servindo como medio de difusión para que a nosa música chegue ao maior número de xente posible. É a única mostra deste tipo que se fai nunhas festas patronais e consegue que Lugo sexa referencia en toda Galicia, pois demostra que a nosa música tradicional pode ser a protagonista da festa na rúa.

Esperámoste en Lugo o vindeiro domingo para desfrutar coa nosa música tradicional !!!!

 

   

No vindeiro Recuncho da Palleta falaremos da homenaxe que a AGG, en colaboración co Concello de Vilagarcía lle renderán ao histórico grupo de gaitas, Os Campaneiros, o vindeiro 6 de outubro.

28.09.18

nota de prensa - outra postalanos 70 pqO vindeiro domingo a Asociacion de Gaiteir@s Galeg@s estará con tod@s vosout@s no "Recuncho da palleta" dentro do programa "Lume na Palleira" conducido por Emilio Españadero. Nesta ocasión contaremos con Gustavo Couto que nos falará da homenaxe que a AGG, en colaboración co Concello de Vilagarcía lle renderán ao histórico grupo de gaitas, Os Campaneiros o vindeiro 6 de outubro.

Tamén contaremos coa música en directo do grupo Os mecos de Ogrobe, interpretando pezas do repertorio dos Campaneiros.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

E lembra que nas madrugadas de luns a martes (de 01:00h a 02:00h), na Radio Galega, tes unha cita coas "Escolmas Musicais" de Lume Na Palleira.

   

O vindeiro sábado 29 o Obradoiro de Cultura Tradicional A Volta do Agro celebra a súa III Foliada solidaria

28.09.18

recolleita 2018O sábado 29 de setembro ás 23:30 horas, no marco da XXI Recolleita organizada polo Clavicembalo de Lugo,  o Obradoiro de Cultura Tradicional A Volta do Agro celebrará a súa III Foliada solidaria.

Nesta ocasión contará co grupo convidado Trevellos, e a entrada doarase á Asociación Síndrome de Williams.

Non te perdas este concerto solidario!!!!


   

Ultimos días para anotarse no V CURSO DE MÚSICA E BAILE GALEGO DE SALCEDA DE CASELAS

21.09.18

 

cartaz cursosalceda_web pqLembrade que os vindeiros dias 29 e 30 de setembro, o Concello de Salceda de Caselas acollerá o V CURSO DE MÚSICA E BAILE GALEGO!!!

Esta edición, organizada pola Asociación de Gaiteir@s Galeg@s en colaboración co concello, contará con catro especialidades impartidas por mestres de recoñecido prestixio no mundo da música e o baile tradicional!!!

- Percusión tradicional -Imparte: FRANCISCO ESTÉVEZ “CHUCO”

- Gaita -Imparte:  SUSO VAAMONDE

- Canto e pandeireta - Imparte: MARÍA VIDAL

- Baile tradicional - Imparte :FRANCISCO FEIJOÓ “XISCO”

Queres ter mais información sobre os distintos cursos? queres saber como inscribirte? Preme nos seguintes enlaces e terás toda a información!!!

https://www.facebook.com/events/321022351966655/

https://www.facebook.com/gaiteirosgalegos/

 

http://gaiteirosgalegos.gal/index.php?option=com_content&;view=article&id=4016:2018-08-30-09-47-29&catid=27:varios&Itemid=18

 

http://gaiteirosgalegos.gal/images/stories/files/fichainscricioncurso-rxpd_web.pdf

Bulide que as prazas voan!!!

   

Páxina 2 de 230