Asociacion de Gaiteiros Galegos

Gaiteiros galegos
Inicio / Novas / Varios

Varios

25 Xantar Gaiteiro AGG - Homenaxe a Erminda Miramontes - 29 marzo - Santiago de Compostela

28.02.20

 

25xantargaiteiro web - copia

 

!!! CANCELADO!!!

A Asociación de Gaiteir@s Galeg@s ten o pracer de convidarte ao tradicional Xantar Gaiteiro, que nesta 25ª edición terá lugar no Concello de Santiago o vindeiro 29 de marzo.

Como xa sabes, esta xuntanza ten como finalidade principal a de pasar un día agradable en compaña dos que gustamos da música tradicional, creando así un punto de encontro, de intercambio e de festa. Ademais, queremos aproveitar a celebración para render unha emotiva homenaxe a Erminda Miramontes.

O programa será o seguinte:

12:30h. Homenaxe a Erminda Miramontes no Centro Sociocultural de Santa Marta. (R/Antonio Rama Seoane – 6 – Santiago de Compostela)

14:30h. XV Xantar Gaiteiro no restaurante Nave de Vidán (Av. Da Mestra Victoria Míguez – 44 - Santiago de Compostela )

MENÚ: Sopa, cacheira, lacón, costela, garavanzos, patacas, grelos e chourizos, pan, bebida: ribeiro granel tinto e branco, auga, cervexa, refrescos. De sobremesa: queixo con marmelo, cafés e licores.

PREZO: 24 euros por persoa (que serán entregados ao entrar).

Prazas limitadas polo aforo do local. Para poder asistir ao xantar é necesario a previa inscrición. Data límite para a reserva: 18 de marzo.

Mais información e reservas nos teléfonos 986 84 70 74 / 982 22 99 66 ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Reservade a data!!! Esperámosvos!!!

   

Luar das Augas no vindeiro Recuncho da Palleta

28.02.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, contaremos con Vítor Otero e a visita de Luar das Augas!!

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas

   

Gala dos Premios Mestras e Mestres da Memoria 2020

21.02.20

emilioespanhaderopazA Sección de Literatura de Tradición Oral da AELG, previa deliberación do Grupo de Traballo composto por Ana Acuña, Félix Castro Vicente, Carme Pernas Bermúdez, Calros Solla, Xurxo Souto, X. Manuel Varela, Lois Pérez e Antonio Reigosa, propuxo ao Consello Directivo da Asociación de Escritoras e Escritores en Lingua Galega para someter á consideración da Asemblea Xeral recoñecer como Mestras e Mestre da Memoria 2020 respectivamente a  Batuko Tabanka e a Emilio Españadero. A Asemblea aprobou as propostas, e a entrega destas distincións terá lugar na V Gala dos Premios Mestras e Mestres da Memoria a celebrar en Lugo co apoio do Concello de Lugo o 30 de maio.

Parabéns a Batuko Tabanka e por suposto ao noso compañeiro Emilio Españadero por tan merecido premio!!!!

Fotografía: CRTVG

   

O entroido da Ulla no vindeiro Recuncho da Palleta

21.02.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Gustavo Couto falaranos do Entroido da Ulla.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Variantes da muiñeira no Recuncho da Palleta

14.02.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Gustavo Couto nos traerá unha nova entrega coas variantes da muiñeira en Galicia.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

No vindeiro Recuncho da Palleta falaremos sobre a música da mariña e do papel das mulleres nela.

07.02.20

 

 

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Carme López falaranos sobre a música da mariña e do papel das mulleres nela. Contaremos cunhas compañairas da Asociación Amigos da Gaita Galega de Ribadeo que nos falarán do traballo que están a levar a cabo na vila e falaremos tamén do grupo Saudade. 

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Chega o Entroido á Tradescola!!!!

07.02.20

cartaz trad_entroido2020_web - copiaXa temos ganas de Entroido e na Tradescola, escola de música e baile tradicional galego que xestiona a Asociación de Gaiteir@s Galeg@s na cidade de Lugo, queremos celebralo cunha nova actividade de difusión e promoción da cultura tradicional propia destas datas!!

O vindeiro martes día 18 de febreiro darémoslle a benvida ao entroido coñecendo un pouco mais  do Entroido Ribeirao da man dos nosos compañeiros da Asociación Amigos do Entroido Ribeirao que nos ofrecerán unha charla sobre o seu Entroido para que todos os asistentes coñezamos un pouco máis desta parte do noso patrimonio inmaterial. Será no salón de actos da Tradescola (Centro Lug 2 - Rúa Pintor Corredoira 4 - Lugo) a partir das 16.30 horas.(entrada de balde ata completar aforo)

Ao remate da charla, acompañarannos polas rúas de Lugo no Folión que partirá da Tradescola ás 18.00 h. e onde todos os alumnos e alumnas que queiran participar irán marcando os ritmos característicos do Folión. Faranse paradas en distintas rúas e prazas da cidade ata chegar á Praza Maior e realizaranse pequenas intervencións con bailes e cantos típicos do entroido.

Quen queira participar no Folión pode traer bombos, chocas, ou “ferramenta” (sachos, cunchas, latas… o que faga ruido) e acompañar cos toques no Folión. Animádevos a acompañarnos!!!

   

A TRADESCOLA ACHEGARÁ A MÚSICA TRADICIONAL ÁS NENAS E NENOS DE CASTRO DE REI E CASTRO DE RIBEIRAS DO LEA

07.02.20

cartaz cdtrad_castro_web - pqA Tradescola,  xestionada pola Asociación de Gaiteir@s Galeg@s en Lugo, achegarase o vindeiro mércores 12 de febreiro ata Castro de Rei e Castro Ribeiras do Lea para realizar dúas novas xornadas didácticas de música tradicional para escolares.

Estos concertos terán lugar concretamente para os alumn@s dos CEIP Ramón Falcón e CEIP Veleiro Docampo e neles farase un percorrido polos distintos instrumentos e formacións musicais que protagonizaron a historia da música galega nos últimos séculos. Nestes concertos amosaranse os distintos ritmos, formacións e instrumentos protagonistas da música tradicional e popular galega, como gaita, zanfona, acordeón, tambor, bombo, pandeireta.....etc, dun xeito ameno e didáctico para achegar á comunidade escolar á nosa música e ás nosas tradicións

 

Estes concertos didácticos estarán guiados polos mestres da Tradescola, Xabier Iglesias, Paula Fernández, Carme López e Germán Díaz.

 

   

A evolución da zanfona na música galega no vindeiro Recuncho da Pallleta

31.01.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Vítor Otero falaranos da evolución da zanfona na música galega desde a súa recuperación por Faustino Santalices ata a actualidade, con exemplos musicais a cargo do propio Santalices, Miro Casabella, Milladoiro, Berrogüetto, Muxicas e Os Cempés.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.


   

O "Pasodoble do Berbés" no vindeiro Recuncho da Palleta

24.01.20

lumepalleiraEste domingo, no "Recuncho da Palleta" do programa "Lume na Palleira" conducido por Emilio Españadero, Xaime Estévez amosaranos unha escolma de distintas interpertacións do popular "Pasodoble do Berbés".

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.

   

Páxina 2 de 242