Asociacion de Gaiteiros Galegos

Gaiteiros galegos
Inicio / Novas / AGG

AGG

A Asociación de Gaiteiros Galegos organiza as I Xornadas sobre o Serán

10.11.15

 cartaz peqOs seráns son o reflexo da identidade social e cultural do noso pobo, un dos mellores exemplos do Patrimonio Cultural Inmaterial que temos en Galicia, e dende a AGG  consideramos unha labor indispensable poñer en valor esta riqueza que nos identifica.
Por iso, o vindeiro 28 de novembro dende a Asociación de Gaiteiros Galegos organizamos a I Xornada sobre o Serán, no que desfrutar non só da música e do baile senón tamén como escenario de charlas, coloquios, mesas redondas e conferencias sobre a súa temática. Será en Pazos de Borbén, berce dos seráns do pasado século e xermolador do seu rexurdimento.
Nos vindeiros días iremos contando mais detalles, pero anota a cita na túa axenda, pois sen dúbida é unha cita que non querrás perderte!!!

   

Mañá abre as súas portas a 22 Mostra de instrumentos de música tradicional

31.07.15

cartel pardinhas webUn ano máis dende a Asociación de Gaiteiros Galegos (AGG), achegámonos ata o Festival de Pardiñas para organizar a que será a "XXII Mostra de Instrumentos de Música Tradicional".

Abrimos de novo a fiestra da máis antiga e importante mostra de instrumentos de música tradicional da Península Ibérica, para amosar durante a fin de semana o traballo e o bo facer dos 29 artesáns participantes, que nos agasallan en cada un dos seus instrumentos cun traballo meticuloso, preciso e necesario para que a nosa música goce da boa saúde que ten na actualidade.

Un traballo que por unha banda bebe da sabedoría e das inquedanzas dos nosos músicos e por outra, da experiencia, dos estudos e da esixencia dos mestres artesáns que traballan día a día para mellorar as súas técnicas. Unha relación que fai que a artesanía dos nosos instrumentos tradicionais sexa recoñecida e valorada no mundo enteiro.

(Prema no título para ler a nova completa)

   

Consigue un magnifico instrumento de música tradicional por tan só 2€

20.07.15

 

instrumentos sorteo pardinhas2015-a-01

Ainda non tes a túa rifa para o sorteo de instrumentos de música tradicional que se celebrará na "22 Mostra de Instrumentos de Música Tradicional" de Pardiñas???

Non pérdala túa oportunidade!!! Por tan só 2€ podes levar un instrumento tradicional, feito a man por algún dos mellores artesáns e dunha calidade impecable.

E ademais de gañar un fabuloso instrumento, estarás contribuindo co teu donativo a que esta mostra tan importante para a nosa cultura se siga celebrando cada ano.

(Prema no título para ler a nova completa)

   

22 Mostra de Instrumentos de Música Tradicional de Pardiñas

16.07.15

cartel pardinhas webXa non queda nada para unha das citas máis esperadas do ano dos amantes da música tradicional galega, a 22 Mostra de Instrumentos de Música Tradicional, que dentro do marco do Festival de Pardiñas, nos permitirá disfrutar do bo facer dunha treintena de artesáns, que a través da súa paixón, dedicación e coñecemento contribuen notoriamente a manter viva a nosa música a través do tempo.
E por suposto contaremos tamén con música, que este ano correrá a cargo das actuacións de "Pelepau" e "As Lagharteiras".
Ademais, tamén están dispoñibles as rifas para o sorteo de instrumentos de música tradicional, no que poderás gañar un dos 5 instrumentos que se sortean e que este ano serán: 1 pandeiro, 1 pandeira, 1 pandeireta, 1 castañolas e 1 tarrañolas.
Anímate a participar, ademáis da oportunidadade de gañar un fantástico instrumento, terás a oportunidade de colaborar coa mostra.

Bases

   

XVI Memorial Ricardo Portela

03.07.15

xvi memorialrpA Ferrería acollerá os próximos 10 e 11 de xullo o XVI Memorial Ricardo Portela, que este ano celebra a súa 16 edición e que está consolidado como unha cita de referencia da nosa cultura, froito, un ano mais, da colaboración entre a Asociación de Gaiteiros Galegos e o Concello de Pontevedra.

Nesta décimo sexta edición contaremos novamente coa mostra de instrumentos tradicionais, na que participarán 12 prestixiosos artesáns de todo o país como son:

(Prema no título para ler a nova completa)

   

Sorteo de instrumentos de percusión tradicional

25.06.15

instrumentos sorteo pardinhas2015-a-01Xa a venda as rifas para o sorteo de instrumentos tradicionais AGG - XXII Motra de intrumentos de música tradicional Pardiñas 2015.

Os instrumentos que se sortearán este ano son: Un pandeiro, unha pandeira, unha pandeireta, unhas castañolas e unhas tarrañolas!!

Non pérdala túa oportunidade de facerte con algún deles!!!

Para adquirir a túa rifa podes poñerte en contacto con nós nos teléfonos 986.847.074 / 982.229.966 / 661.637.696 ou a través do mail Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Proximamente poremos a relación dos talleres de artesanía onde tamén poderedes mercar as vosas rifas.

Bases do sorteo

   

Dezaseis anos de mostra da artesanía e a música tradicional de Galicia

25.06.15

rolda prensa 16memorialrpA Ferrería acollerá os próximos 10 e 11 de xullo o XVI Memorial Ricardo Portela

O pasado venres, foi presentado en rolda de prensa a 16 edición do Memorial Ricardo Portela, que se celebrará como é costume na praza da Ferrería de Pontevedra. Como acompañamento á presentación do Memorial por parte do Concello e da Asociación de Gaiteiros Galegos, Alberto Pires e Álvaro Novegil interpretaron a Foliada de Paderne do repertorio de Ricardo Portela.

O Memorial Ricardo Portela chega ao súa 16 edición consolidado como unha cita de referencia da nosa cultura, como recordaban a concelleira de Festas, Carme da Silva, e o artesán Alberto Pires, membro da xunta directiva da Asociación de Gaiteiros Galegos.

(Prema no título para ler a nova completa)

   

Xa podes ver algunhas das fotos do Concerto de Fin de Curso da Tradescola

17.06.15

concerto fin curso"Grande éxito do concerto de fin de curso da Tradescola".

Como sabedes, onte celebrouse o fin de curso da Tradescola cun gran concerto na Praza de Anxo Fernández Gómez, na cidade de Lugo onde alumnos e profesores da escola puxeron o peche a este curso 2014-2015.

No seguinte enlace podes ver algunhas fotiños!!! E se queres participar no do ano que ven, ¡¡XA ESTÁ ABERTO O PRAZO DE MATRICULA PARA O CURSO 2015-2016!!! Anímate a aprender a darlle vida aos nosos instrumentos de música tradicional galega.

https://www.facebook.com/

https://www.facebook.com

   

Celebración da Asamblea Xeral Ordinaria da Asociación de Gaiteiros Galegos

16.04.15

asamblea2015O pasado domingo 12 de abril de 2015 tivo lugar a Asemblea Xeral Ordinaria da Asociación de Gaiteiros Galegos, que este ano se celebrou no Museso do Pobo Galego, na cidade de Santiago de Compostela. O horario de celebración foi ás 11:00h. en primeira convocatoria, e ás 11:30h. en segunda convocatoria.

A orde do día foi a seguinte:

1. Lectura e aprobación, se procede, da acta anterior.

2. Informe das actividades realizadas no ano 2014.

3. Aprobación do estado de contas do ano 2014.

4. Planificación de actividades para o 2015.

5. Elección da Xunta Directiva.

6. Rogos e preguntas.

Nesta Asamblea elixiuse nova Xunta Directiva da Asociación de Gaiteiros Galegos,

(Prema no título para ler a nova completa)

   

"A música tradicional galega é unha referencia en Europa"

03.02.15

xaneco sermosQuen non berrou aquilo de "quero ser gaiteiro"? Galiza ri e chora ao son da gaita, dicía Manuel María. De  música tradicional fálanos Xaneco Tubío, coordenador do A Fondo, que conxuntamente co Sermos Galiza estará nos quiosques esta quinta feira.

-Cal é a importancia dun A Fondo sobre a música tradicional e, en especial, sobre o mundo da gaita, tendo en conta o contexto mediático actual?

-A música tradicional, aínda estando presente no cotián da vida da maioría das bisbarras galegas, ocupa moi pouco espazo mediático en relación á importancia que ten na vida cotiá d@s galeg@s.

-A que cres que é debido?

-As grandes empresas de comunicación aínda seguen a ver a música tradicional, en moitos aspectos, con esa pequenez do toque folclórico das provincias do estado. Os cánones do que se considera a cultura importante non cambiaron practicamente dende o franquismo. A música tradicional por excelencia no estado é o flamenco. O resto  non existe. Se morre un artista flamenco, magnifícase pero se falece un gaiteiro dos que leva 50 ou 60 anos facendo festas e tocando a nosa musica tradicional, en Madrid non se fai mención e aquí a repercusión é moi pouquiña. Á música tradicional galega e á gaita, nos estándares dos grandes grupos de comunicación e nos circuítos oficiais culturais, non se lle dá a categoría artística que ten.

-Como decidistes enfocar este A Fondo?

-Por unha banda, aproveitando que a Asociación de Gaiteiros Galegos viña de facer os 25 anos, vimos que era unha oportunidade para ver as achegas da entidade no grande universo da música tradicional. Por outra, puxémonos en contacto con xente de diversos ámbitos nos que a música tradicional está presente, algúns con moi boa saúde e outros, con non tanta. Tal é o caso do ensino regrado, no que a música tradicional non ten a presenza que debera ter, malia a que calquera estudo etnomusicolóxico serio indica que o primeiro contacto do alumnado coa música na escola debera ser a través da súa propia música tradicional. Pouca xente sabe, por exemplo, que pode obter o título profesional de gaita no conservatorio de Vigo. Reparamos tamén en aspectos como o traballo das asociacións e a historia da gaita, que se descoñece.

    "En calquera cultura normalizada, os estudos de investigación etnográfica ou musicolóxica fainos a universidade. Aquí carecemos de departamentos que se dediquen a iso."

   

Páxina 6 de 22