Asociacion de Gaiteiros Galegos

Gaiteiros galegos
Inicio / Novas / AGG

AGG

Obradoiros tradicionais para @s mais pequen@s na Feira Franca de Pontevedra

31.08.16

 dsc0291A Asociación de Gaiteir@s Galeg@s, en colaboración co Concello de Pontevedra, organiza esta fin de semana, dentro das actividades da Feira Franca, dous obradoiros para os mais cativos, nos que @s nen@s poderán desfrutar de crear e tocar sinxelos instrumentos, así como aprender xogos bailados, conxugando a tradición, a música e o baile a través da diversión.

Estes obradoiros terán lugar o sábado 3 na AVDA. DE SANTA MARIA (detrás do CITA).

11:00 a 12:30 e de 17:00 a 18:30 - Obradoiro de xoguetes musicais. Onde nen@s e adult@s aprenderán a confeccionar e tocar sinxelos instrumentos vinculados á cultura popular galega. Con materiais tan comúns como noces, avelás ou canas, poderánse confeccionar instrumentos sonoros como, o asubío de avelá, o carrizo de noz e de caña, o reque-reque, a castañola de caña, a gaita de cana,…

12:30 a 14:00 e de 18:30 a 20:00 - Obradoiro de xogos bailados. Os nenos e nenas desfrutarán de xogos tradicionais que parten da música e do baile. Son xogos para facer en grupo, aptos para todo tipo de idades. Son moi variados, habendo algún só de cantar e dar palmas e outros que introducen no baile tradicional, sendo todos eles moi divertidos.

   

A AGG estará esta fin de semana no 18 Oenach Atlántico

27.07.16

cartel-oenach-2016 3A parroquia de Sedes, en Narón, acolle esta fin de semana o Oenach Atlántico 2016, que centrará a súa programación arredor do teatro, a música tradicional galega e varios obradoiros. Ademais, a Asociación de Gaiteiros Galegos estará presente cun posto informativo e de venda de publicacións, onde tamén poderedes mercar as rifas da gaita que se sorteará no Festival de Pardiñas. Tamén, organizada pola comisión de artesáns da AGG, poderedes desfrutar dunha mostra de instrumentos tradicionais galegos, na que 10 artesáns nos amosarán o seu bo facer.

http://www.turnaron.es/paxinas/espanol/ocio/oenach.php

   

XXIII Mostra de Instrumentos de Música Tradicional

19.07.16

pardias2016 peqOs vindeiros días 6 e 7 de agosto a Asociación de Gaiteir@s Galeg@s organiza a que será a 23 edición da Mostra de Instrumentos de Música Tradicional.

Consagrada xa como a máis antiga e importante da Península Ibérica, servirá un ano mais, para amosar durante dous días o traballo e o bo facer de algúns dos artesáns mais recoñecidos no eido dos instrumentos tradicionais, e que contribúen, co seu traballo, á posta en valor e a recuperación do gran patrimonio cultural da nosa música.

Estes artesáns traballan día a día no desenvolvemento de novas liñas de investigación destinadas a especializar e perfeccionar técnicas de elaboración que permitan mellorar a calidade dos seus produtos, contribuíndo deste xeito a que a artesanía dos nosos instrumentos tradicionais sexa recoñecida e valorada no mundo enteiro.

Con esta mostra queremos non só resaltar a inmensa riqueza dos nosos instrumentos tradicionais, senón tamén recoñecer o gran traballo do colectivo artesán, que tanto e tan ben contribúen a manter viva a nosa cultura.

Como nas pasadas edicións non faltará a música e o baile tradicional, que estarán presentes durante toda a fin de semana a través de actuacións en directo e obradoiros.

Enmarcada dentro do Festival de Pardiñas (Guitiriz – Lugo), queremos convidarte a desfrutar deste lugar de encontro coa nosa cultura tradicional.

Páxina da Mostra de Instrumentos de Música Tradicional

   

A Tradescola impartirá un obradoiro sobre programas informáticos aplicados á música tradicional

27.05.16

 cartazobradoiroprogramasinformaticos trad.2016- webA Tradescola, escola de música tradicional galega que xestiona a Asociación de Gaiteir@s Galeg@s na cidade de Lugo, organiza o domingo 5 de xuño de 11:00 a 14:00 horas, no 1º andar do Centro Lug2, un obradorio sobre programas informáticos aplicados á música tradicional (Musescore Software libre) guiado pola músico e mestra da Tradescola Mª Carmen Saborido (Menchu)

Este obradoiro está dirixido a tod@s aqueles que desexen iniciarse na edición de partituras mediante o uso dun programa de software libre como é o Musescore.

Tratarase:
Descarga e instalación do programa Musescore.
Coñecemento xeral do programa.
Creación de partituras.
Modificación de partituras.
O midi e o pdf.

¡Aberto prazo de inscrición!

A inscripción é gratuíta e as prazas son limitadas (asignaránse por rigurosa orde de matrícula). Podes anotarte chamando ao teléfono 982 229 966, enviando un correo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou mesmo achegandose ata a Tradescola, na rúa Pintor Corredoira, 4 de Lugo.

É necesario que cada quen leve o seu seu ordenador portátil xunto cuns auriculares.

   

O recuncho da palleta recorda a Manuel Viqueira Vieites "O gaiteiro de Vilaverde"

01.04.16

foto1 a 540x425No recuncho deste domingo falaremos dun dos gaiteiros maiores de máis sona do noso país, o gran Manuel Viqueira Vieites "O gaiteiro de Vilaverde". Da man de Gustavo Couto, faremos unha homenaxe a súa persoa e o seu xeito de tocar e transmitir a súa música. O percorrido da súa obra musical levaranos a escoitar dende as súas pezas tocadas por el mesmo, ata o xeito que lle deron diferentes grupos a esas mesmas pezas.

Escoita este domingo de 17:00 a 19:00 horas, Lume na Palleira.

   

Axeigo preséntanos a súa primeira maqueta no Recuncho da Palleta

26.02.16

 lumenapalleiraEsta semana, o son da ondas do "Recuncho da palleta" dentro do programa "Lume na palleira" conducido por Emilio Españadero estará protagonizado por Axeigo, coa presentación da súa primeira maqueta.

Ao xeito galego... Axeigo é un grupo de cinco rapaces de 2º da ESO do Colexio Fingoi de Lugo, e que pertencen tamén ao Centro de Música Fingoi. Dirixidos polo seu mestre Pepe Vaamonde, realizan este seu primeiro traballo discográfico abordando un repertorio diverso e pensado esencialmente para gaitas e percusións, mais tamén enriquecido con outros intrumentos como os pitos (frautas de bico), oboe, voz, acordeón, violín... O resultado é un disco rico en timbres e con moita frescura e naturalidade, tamén por ser gravado "ao vivo", e que entronca perfectamente coa filosofía da música tradicional galega de sempre, verdadeira e directa.

Para saber quen son, escoita este domingo de 17:00 a 19:00 horas, Lume na Palleira.

   

O Entroido, a festa máis laica do ano.

05.02.16

lumenapalleiraEste domingo 7 de febreiro, a Asociación de Gaiteiros Galegos voltará ao programa Lume na palleira de CRTVG conducido por Emilio Españadero.

O espazo O Recuncho da Palleta contará coa presenza de Gustavo Couto, quen falará dun tema tan presente hoxe como é:

O Entroido, a festa máis laica do ano. Vivas, atranques, enfarruxadas, tisnadas, todo está permitido nestas datas festivas. Centrarémonos en diferentes tradicións e costumes que rodean esta celebración, que enche o noso país de ironía e diversión.

 

   

O recuncho da palleta

22.01.16

lumenapalleiraComo ven sendo habitual, o domingo a Asociacion de Gaiteiros voltará a CRTVG, ao espazo o "Recuncho da palleta" dentro do programa "Lume na palleira" conducido por Emilio Españadero. Nesta ocasión será a través das verbas de Xaime Estévez, que falará dun tema tan importante como é "as mulleres gaiteiras na música galega", a interesante evolución na participación da muller como instrumentista gaiteira en Galicia. Aínda habendo precedentes coñecidos non houbo ningunha gravación editada de gaiteiras solistas ata os anos noventa do século pasado, vinte anos hai pois nos que a muller consegue ter algún un papel tan importante como o dos homes no que se refire á interpretación do noso instrumento. Escoitaremos pois seguindo nunha orde cronolóxica, varios exemplos importantes das distintas edicións discográficas que teñen a distintas gaiteiras como artistas principais : Susana Seivane, Cristina Pato, Magoia Bodega ou Mercedes Peón entre outras.

   

O Nadal chega á TRADESCOLA

14.12.15

 nadal tradXa estamos chegando ao Nadal e na Tradescola estamos organizando actividades para celebralo!!

•    O vindeiro luns día 21 de decembro no salón de actos da Tradescola teremos dúas actividades de balde e abertas para todos os públicos!!

-    Ás 18.00 horas: Obradoiro Baile para nen@s e maiores con Pesdelán mini: Pesdelán é moito máis que un grupo de música. Mediante a música en vivo e o ensino de bailes e xogos sinxelos ao público, pretende recuperar o espírito participativo das festas e integrar a todas as persoas sen importar a súa idade, condición física ou experiencia. Unha das integrantes do grupo animaranos a seguir os seus pasos, que nos explicará de forma sinxela e amena, para que todos e todas poidamos aprendelos cómodamente. Acompáñana varios músicos e músicas que interpretarán as melodías para podelas bailar. O tempo pasará sen darnos conta mentres gozamos, rimos, bailamos e coñecemos as e os nosos novos compañeiros de baile.

-    Ás 19.30 horas: Obradoiro de Cantos de Nadal a cargo da nosa profesora de canto tradicional Branca Villares, e posterior saída dos participantes a cantar panxoliñas polo centro da cidade.

•    E o día 22 de decembro ás 20.30 horas tamén no salón de actos da Tradescola contaremos cun Ensaio Aberto con Xabier Díaz & Adufeiras de Salitre + sinatura de discos (The Tambourine Man)

Ven a celebrar con nós a chegada do NADAL!!!!!!

Entrada de balde ata completar aforo!!!

   

VI Xornadas de baile tradicional en Santiago de Compostela

25.11.15

 cartaz x.baile stgo peqA Asociación de Gaiteiros Galegos organiza unha nova xornadas para tod@s os amantes do baile tradicional. Será a VI edición das Xornadas de Baile Tradicional, e terán lugar o vindeiro sábado 05 de decembro en Santiago de Compostela.

Estas xornadas, que naceron coa intención de cubrir a demanda existente por parte d@s nos@s asociad@s e dun gran público interesado neste aspecto da tradición galega, desenvolveranse no Centro Sociocultural do Castiñeiriño (Virxe de Fátima, 1 – Santiago de Compostela).

Haberá dous obradoiros:

Ás 10.00 horas: Manolo Cobas

"O baile na zona de Tabeirós e o Deza"                

Ás 12.00 horas : Xabier Iglesias

"O baile na Chaira"

Prazas limitadas!!!!

As inscricións e reservas de praza poderán facerse a través dos teléfonos 986 847 074 ou 982 229 966 ou enviándo un mail a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo .

Estas xornadas serán gratuítas para @s soci@s da Asociación de Gaiteiros Galegos e terán un custe de 15€ para non soci@s.

Animádevos a participar!!!

   

Páxina 3 de 20