Asociacion de Gaiteiros Galegos

Gaiteiros galegos
Inicio / Novas / AGG

AGG

Noites máxicas e Vigo, as noites dos Iluminados.

22.08.06

Noites máxicas e Vigo, as noites dos Iluminados.

240.000 euros das arcas públicas van ser, de novo, dilapidados nun espectáculo pretencioso e carente de todo sentido que pretende, pero non ten nada ten que ver coa cultura da nosa terra. Segundo o Sr. Hipólito Cabezas, representante da empresa produtora e triste artífice do atentado á cultura galega da Asociación de Bandas de Gaitas de la Provincia de Pontevedra, este será un espectáculo feito en Galicia para a súa exportación. Como sempre, a mediocridade deste elemento intenta disimular, no seu discurso fatuo e grandilocuente, a súa completa carencia de imaxinación para crear algo orixinal. Tanto é así, que non lle chega con copiar o formato, senón tamén o nome das coñecidísimas 'Noites Máxicas' que se celebran tódolos anos durante o Festival Intercéltico de Lorient (Francia). O máis triste do caso é que a corporación municipal de Vigo se deixe enganar e trague esas rodas de muiño que, a prezo de ouro, lle serve o Sr. Cabezas.

Como o lector recordará, hai algúns meses, a Excma. Deputación de Pontevedra concedía ao Sr. Cabezas 100.000 euros para a creación de cinco escolas de gaitas coa oposición de tódolos colectivos dedicados á música tradicional da Provincia. Máis de 12500 sinaturas foron presentadas no rexistro do organismo provincial sin que surtiran efecto algún. Nun espectáculo celebrado no teatro García Barbón no que se presentaba a Agrupación de Gaitas 'Moxenas', a Sra. alcaldesa, Dona Corina Porro, prometeu que Vigo non se prestaría ao xogo da suplantación das nosas tradicións por formas e músicas alleas. Pois ben, velaquí temos o resultado: a celebración nestas 'Noites Máxicas' dun campeonato de Bandas de Gaitas con formato Escocés, formacións e círculos concéntricos incluídos.

A Asociación de Gaiteiros Galegos quere denunciar e deixar patente a súa disconformidade e repulsa polo apoio do Concello de Vigo e a Deputación a este tipo de manifestacións que non fan outra cousa máis que asasinar a nosa música tradicional e importar instrumentos, técnicas e formas que non teñen nada que ver con Galicia. Os iluminados e acomplexados que as defenden deberían de pulsar opinións neses paises aos que tratan de imitar e que están a valorar, cada vez máis, a nosa música de raiz tal como sempre foi. As adulteracións só serven para provocar un sorriso de condescendencia tando dentro como fóra de Galicia.
   

Horario de Verán

30.06.06

A partir do vindeiro 1 de xullo o horario de atención aos socios e ao público nas nosas oficinas da Rúa Afonso XIII, número 7, de Pontevedra e no teléfono 986 847 074 será de 8.30 a 14.30. Desculpade as molestias que este cambio puidera ocasionar.
   

Música tradicional en actos institucionais

29.05.06



Pepe Vaamonde e Xosé Manuel Sánchez Rei acudiron a Arzúa, o pasado venres 26 de maio, para participar no acto de inauguración do Centro de Maiores da vila coruñesa. Anxo Quintana, directivos de San Rosendo; o arcebispo de Santiago, Julián Barrio; e o alcalde de Arzúa, Xaquín García foron os encargados de presidir o acto.

Esta actuación pretende ser o inicio da colaboración que a Asociación de Gaiteiros Galegos e a Vicepresidencia da Igualdade e do Benestar desenvolverán co fin de normalizar a presenza da música tradicional nos actos institucionais.
   

Artigo publicado en A Nosa Terra

07.05.06

Coa autorización de "A Nosa Terra" (http://www.anosaterra.com/)
publicamos en formato pdf o artigo titulado

A Asociación de Gaiteiros Galegos e as memorias dun conflicto.

redactado por Santiago Caneiro.

Este traballo saiu publicado no caderno nº 20 da colección Cadernos A Nosa Terra. (Dec. 1995).

A comezos da década dos 70 teñen lugar na vila de Ortigueira as primeiras xuntanzas de gaiteiros e artesáns coa común preocupación de unificar criterios deste gremio de profesionais e torno o seu peculiar mundo.
Xiraban, por aquel entón, as discusións sobre o prezo a estipular das actuación en alboradas e romarías que lles cobrarían ás comisións de festas e o establecemento duns mínimos cachés.

Para o texto completo en formato pdf escolle a seguinte ligazón

http://www.gaiteirosgalegos.com/xoops/uploads/agg-memorias-conflicto.pdf
   

Problema informático

28.04.06

Prezados usuarios,

Debido a un problema informático cómpre introducir de novo aos usuarios rexistrados. Prégase que enviedes un correo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo suxerindo un novo contrasinal.

Pedindo desculpas polas molestias que poida ocasionar.

Cordiais saúdos
   

Contacto coa Asociación de Gaiteiros Galegos

02.04.06

Para calquera consulta relacionada coa Asociación de Gaiteiros Galegos, podes contactar:
- Por telefone no 986847074
- Por correo electrónico enviando un e-mail a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
- Por correo postal no seguinte enderezo:
Asociación de Gaiteiros Galegos
Afonso XIII, 2º andar
36002 Pontevedra
Pontevedra
   

Facerte socio ou modificar datos

02.04.06

Se desexas facerte socio ou sendo socio desexas modificar os teus datos, podes descargar o boletín de inscrición de

http://www.gaiteirosgalegos.com/socio-agg.pdf

e remitilo por correo ordinario a:

Asociación de Gaiteiros Galegos
Afonso XIII, 2º andar
36002 Pontevedra
Pontevedra
   

Participar no Portal

02.04.06

Se desexas participar no Portal da Asociación de Gaiteiros Galegos só tes que enviar un correo a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando o teu nome completo, dni e unha foto para publicar no Portal.
   

Carnés de socio

23.03.06

Comprácenos enormemente que os socios da AGG xa esteades en posesión dos carnés. Confiamos en que todos os recibirades correctamente, de non ser así, por favor, facédenolo saber.

Os carnés de socio representan a vosa afiliación e colaboración coa Asociación de Gaiteiros Galegos e o compromiso en prol da defensa dos valores da cultura e, en especial, da música tradicional galega.

No documento inclúese un número simbólico, número de socio, que resultará de gran utilidade á hora de facer consultas e dirixirse á nosa secretaría.

Na parte traseira poñemos á vosa disposición o contacto de algúns dos artesáns que, neste momento, están a traballar no eido da construción de instrumentos tradicionais galegos e contribuíron a financiar estes carnés.
   

Fins e usos do Portal

17.03.06




Ante certas peticións de algúns asociados para a publicación, na sección de novas deste portal, de eventos que non teñen nada que ver coa música tracidional galega, a comisión encargada da edición do mesmo co respaldo da Xunta Directiva da Asociación de Gaiteiros Galegos, quere manifestar o seguinte:

1º O portal da AGG nace como un vehículo de comunicación da AGG cara aos seus asociados e cara ao mundo.

2º O fin que persegue a AGG e que está reflexado, entre outros, nos seus estatutos é a defensa e divulgación da música tradicional galega.

3º A comisión encargada da edición de Portal e a Xunta Directiva da AGG teñen en conta e respectan calquera manifestación cultural non galega ao tempo que entenden que estas teñen que ter outras canles de difusión.

Por todo o dito anteriormente, a comisión de edición e a Xunta Directiva da AGG rogan aos usuarios do portal que remitan novas que se cingan exclusivamente ao contido do portal.

Asi mesmo aproveitan para agradecer a tódolos usuarios a súa colaboración que mantén viva esta sección e o portal enteiro.
   

Páxina 19 de 21