Toda a programación, artesáns e artesás na 30 Mostra de Instrumentos de Música Tradicional de Pardiñas

21.07.23

O universo dos instrumentos de música tradicional galega é amplo e excepcional: gaitas, si, pero tamén zanfonas, pandeiretas, pandeiros, birimbaos e frautas, tambores, cordas e ventos, etc. Sábeno ben na Mostra de Instrumentos de Música Tradicional de Pardiñas que festexa en 2023 o seu trinta aniversario. Estamos ante unha das mostras de luthería máis antigas da península ibérica na que participan milleiros de persoas cada ano e que se celebra no marco do Festival de Pardiñas (Guitiriz). Desde a directiva da Asociación de Gaiteiras e Gaiteiros Galegos (AGG), promotora da Mostra, falan dun momento excepcional na lutheria tradicional de Galicia. O programa do 30ª aniversario da Mostra foi presentado o venres 21 no Museo do Pobo Galego, en Santiago de Compostela, nunha rolda de prensa na que interviron os artesáns Xaneco Tubío, Oli Xiráldez e Xosé Tunhas -presidente, vicepresidente e vogal da AGG- e, tamén, Alfonso Blanco Torrado, coordinador da Asociación Xermolos, organizadora do Festival de Pardiñas. Máis de trinta artesáns reservaron o seu stand para a 30ª Mostra de Instrumentos de Música Tradicional.

Na presentación do 30 aniversario da Mostra de Instrumentos de Música Tradicional de Pardiñas, no Museo do Pobo, presentouse o trailer do documental “Labrando músicas”. Este é un traballo producido polos cineastas Olaia Tubío e Alejandro Gándara que, ademais, é o director artístico do mesmo; un filme documental que se suma á conmemoración de AGG, que narra a historia e intrahistoria da Mostra apoiándose en gravacións de arquivo pero, ademais, configura unha panorámica do traballo dos artesáns da música tradicional aquí e agora.

PROGRAMACIÓN 30ª MOSTRA DE INSTRUMENTOS DE MÚSICA TRADICIONAL

Sábado 5 agosto

11.30 Apertura da mostra

13.00 Sesión vermú: Concerto Xirolarrua, as gaitas de fol na costa vasca - Juan Mari Beltrán Argiñena, Fernando Jalón Jadraque.

14.00 Xantar

17.00 Pregón: Xaneco Tubío

18.00 Obradoiro de txalaparta: Juan Mari Beltrán Argiñena.

19.30 Concerto: Pandereteiras de Brincadeira

21:30. Peche da Mostra

Domingo 6 agosto

11.30 Apertura da mostra

12.00 Obradoiro de xogos bailados: Luis Prego

13.00 Sesión vermú: Concerto Cançons de Festa Major - Xavi Macaya i Jordi Aixalà

14.00 Xantar

17.00 Obradoiro de baile: Montse Rivera

18.00 Concerto: Os Carunchos

20.00 Sorteo (bases)

21.30 Peche da mostra.

*Durante a mostra haberá demostracións de construción de palletas e pallóns a cargo de Jaime Pena.

ARTESÁNS E ARTESÁS NA 30ª MOSTRA DE INSTRUMENTOS DE MÚSICA TRADICIONAL

• AGG / Asociación do baile e a música de tradición galega
• Adrián Pereiro / Luthier de corda frotada violín, viola e violonchelo / Cambre
• Alberto Pires / Gaitas / Pontesampaio
• Alfonso García-Oliva / Instrumentos musicais históricos e tradicionais / Navajeda - Cantabria
• Aragón y Parrado / Gaita irlandesa - Uilleann pipe / Guadarrama – Madrid
• Artesanía JMR / Instrumentos de percusión e accesorios musicais / O Pino
• Che Vázquez / Birimbaos, Trompas, Frautas e Instrumentos tradicionais / Brión
• DJB e Filla / Instrumentos de corda / Soutomaior
• Earan / Luthier / Pontevedra
• Fernando Meireles /Corda portuguesa e zanfonas /Coimbra
• Ferreiros de Mazonovo / Birimbaos e instrumentos de metal tradicionais / Santa Eulalia de Oscos
• Iago Salgado / Instrumentos tradicionais / Teo
• Jaime Pena / Artesán Palleteiro / As Pontes
• Jordi Aixalà Basora / Artesà d'instruments de música tradicional de catalunya / Tarragona
• José Catoira / Luthier / A Coruña
• Kepa Rubio / Luthier / Álava
• Lorena Reinaldo /Instrumentos de corda / Soutomaior
• Luís Martíns / Arpas / Soutomaior
• Manels Percusión / Percusión tradicional / Ordes
• Nebra / Gaitas e zanfonas / Porto do Son
• O Reberete / Vento e percusión tradicional / San Cristovo de Cea - Ourense
• Obradoiro Barciela /Gaitas/Carballal - Vigo
• Ocarinas Paparolo / Fabricación artesanal de ocarinas e asubios / Santiago de Compostela
• Oli Xiráldez / Gaitas e requintas / Calo - Teo
• Pablo Sánchez Otero / Construtor de Guitarras e outros Instrumentos de Corda pulsada / A Coruña
• Queima / Instrumentos tradicionais de vento e percusión / Redondela
• Serán Luthier / Luthier de zanfonas / Ferrol
• Suso Gestal / Instrumentos de vento / Abellá
• Tunhas / Percusión / Ames
• Txun-Txun / Instrumentos na música tradicional vasca / Euskal Herria
• V. Martín González / Luthier - Construción e restauración de instrumentos de corda / Vilaboa
• Xaneco / Percusión e zanfonas / Outeiro de Rei
• Xermán Arias / Luthería e zanfonas / Sarria

Gaiteiras que abren camiño

09.05.23

A Asociación de Gaiteiras Galegas (AGG) ven de publicar un novo traballo que leva por título “As que dormen entre o centeo”, un proxecto pioneiro que busca dar pulo e visibilidade á creatividade das mulleres do ámbito da gaita galega, tradicionalmente moi masculinizado. O libro reúne trinta e dúas composicións inéditas de dezaseis autoras, entre as que atopamos dende nomes consagrados á representación das xeracións máis novas do instrumento e nel mestúranse diferentes estilos e linguaxes en pezas tanto para gaita sola como conxunto de gaitas. Ás partituras engádese un disco que recompila doce dos temas compostos, e un limiar obra de Pilar Rego.

Coa edición de “As que dormen entre o centeo”, levada a cabo pola Asociación de Gaiteiras Galegas e subvencionado pola Deputación da Coruña, buscamos poñer chanzos cara a normalización das gaiteiras e compositoras para gaita, promovendo un libro-disco protagonizado por músicas unicamente femininas, engadindo outro grao de area na consecución de paliar a falla de publicacións con composicións feitas por mulleres. Aínda que este libro reúne só unha pequena mostra das gaiteiras do país, agardamos que sirva tanto para visualizar o seu potencial creativo como para iniciar un camiño que outras autoras se animen a percorrer, mulleres que loitaron e loitan por facer da gaita un instrumento para todas.

Queremos convidarte a coñecer esta publicación no acto de presentación que organizamos o vindeiro domingo 18 de xuño no Auditorio da Casa de Rosalía e no cal participarán algunhas das autoras, así como as coordinadoras da obra. A entrada é gratuita e libre ata completar aforo.

Máis información nos teléfonos 986 84 70 74 / 982 22 99 66 ou a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Aturuxo 20

17.08.22

Un ano máis traémosvos unha nova edición do Aturuxo "O Voceiro da AGG", xa podedes disfrutar del na súa publicación en dixital no enlace: https://issuu.com/agg./docs/aturuxo_20

Os contidos desta edición son os seguintes:

Editorial

A AGG: Actividades 2020

Tradescola. Curso 2019-2020

REPORTAXES:

Torneados, eskeuromorfismo e determinismo xeográfico nas gaitas de fol do noroeste peninsular. Pablo Carpintero

Anotaciones acerca del uso de la tronpa o mosuguitarra en el País Vasco Juan Mari Beltrán

O tambor: pasado, presente e futuro. Andrés Vilán

Recursos de improvisación para acompañamento con pandeireta. Alejandra Montero

O xeito de bailar en Zobra. Luís Prego

O xeito de bailar en S. Pedro de Carcacía. Unha ollada á paisaxe cultural do lugar. Julia Pozo

A Danza de Espadas de Redondela. Apuntamentos sobre a música e os músicos. Oli Xiráldez

Mulleres que contan… ou da importancia do traballo de campo na posta en valor da música de tradición oral. Xulia Feixoo

Introito: ás notacións das técnicas estendidas na gaita de fol do século XXI. Erick Feles

Non é a frecha… É o indio. Os límites da gaita. Cristian Silva

Da memoria xenética á técnica de gaita. David Bellas

A frauta travesa na música tradicional e folk da Galiza. Uxía García Conde

A fabricación aditiva nos instrumentos de vento madeira. Suso Gestal

ENTREVISTA: Xoán Manuel Tubío Fernández

HOMENAXE: Lola da Coruñesa

PARTITURAS: Tocando a Xosé Marentes

Esperamos que desfrutes da súa lectura e aprendizaxe.

2º encontro Celme de Zanfona en Lugo

27.05.22

Os vindeiros días 3,4 e 5 de xuño terá lugar en Lugo o 2º encontro Celme de Zanfona, que traerá á cidade das Murallas tres días de concertos, clases maxistrais e mesas redondas ao redor deste instrumento milenario  

Durante a fin de semana haberá concertos, mesas redondas, conferencias e clases maxistrais de balde (para asistir ás clases maxistrais é preciso inscribirse a través do correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ) As prazas son limitadas (15 persoas), a inscrición será por rigurosa orde de chegada das solicitudes e a data límite de inscrición é o 30 de maio!!!

Xornadas de frauta (EN LIÑA)

07.11.20

A Asociación de Gaiteiras Galegas (AGG) organiza o vindeiro sábado 14 de novembro, unhas novas xornadas, nesta ocasión centradas na frauta e as cales se poderán ver en liña.

Nelas contaremos con relatorios de investigación que abordarán aspectos como “A frauta travesa na música tradicional e folk da Galiza” da man de Uxía García ou “A requinta de Avelino Figueroa” con Sabela Galbán, e nas que para o peche contaremos co concerto “O cantar dos frautares” con Xosé Liz.

Con estas “Xornadas de Frauta” (en liña), levadas a cabo ao abeiro das axudas para actividades culturais da Deputación de A Coruña, e coa participación da Fundación Rosalía de Castro, dende a AGG buscamos amosar a riqueza existente na cultura tradicional galega e incidir na gran importancia que teñen os traballos de investigación para poder coñecer, preservar e transmitir as nosas tradicións.

PROGRAMA:

11.00 - Relatorio I: “A frauta travesa na música tradicional e folk da Galiza. Tipoloxías e utilizacións”. Uxía García

12.15 - Relatorio II: “A REQUINTA DE AVELINO FIGUEROA. Catalogación, ficha técnica e proceso de construción”. Sabela Galbán

16.00 – Concerto: “O cantar dos frautares”. Xosé Liz

LUGAR: EN LIÑA
DATA: Sábado 14 de novembro de 2020

Máis información: 986 84 70 74 - 982 22 99 66 Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo  

Centenario do nacemento de Ricardo Portela, O Gaiteiro de Viascón

04.11.20

Tal día coma hoxe, 4 de novembro de 1920, estaba a nacer en Viascón (Pontevedra) o que sería un dos gaiteiros máis senlleiros da segunda metade do século XX. Un cento xusto de anos despois, está a punto de ver a luz, tamén en Viascón, na súa “Casa da Gaita”, a segunda edición da biografía de Ricardo Portela, escrita por José Luís Calle e actualizada por el mesmo para esta efeméride. Como non podía ser de outro xeito, a Asociación de Gaiteirxs Galegxs, da que Ricardo foi fundador e primeiro presidente, pon o seu grao de area coa edición deste volume para manter viva a esencia da súa filosofía como home e como gaiteiro.

De seguro que esta Asociación non sería o mesmo ou, mesmo, non existiría de non ter nacido Portela. Tampouco sería igual a música tradicional. Ricardo foi o primeiro en sacar á luz, da man tamén de J. L. Calle, músicas de vellos gaiteiros que durmían nos arquivos do Museo de Pontevedra. Músicas que, logo de pasar polas súas mans, polo seu filtro, empapáronse da súa esencia e saíron convertidas en pezas de arte, de culto, como adoita a dicirse hoxe.

Aquel 4 de novembro naceu un mestre, un guía, un líder e un exemplo a seguir para xeracións de gaiteiros e gaiteiras que hoxe tocan e senten a gaita ao xeito de Portela. Neste 4 de novembro de 2020, os que tivemos a sorte de coñecelo, de falar con el e de sentilo tocar, non podemos máis que felicitarnos da conxunción astral que permitiu o nacemento de tan insigne gaiteiro.

Sirvan, pois, estas liñas para lembrar o aniversario das dúas palabras verbo da gaita galega: Ricardo Portela.

Tradición en Feminino

08.11.19

A AGG organiza o vindeiro sábado 23 de Novembro en Arcos, ao abeiro das axudas para actividades culturais da Deputación de A Coruña, a actividade Tradición en Feminino, coa que queremos reivindicar o enorme e imprescindible papel que tivo e ten a muller para a preservación e transmisión da nosa riqueza cultural. Unha xornada lúdica onde compartiremos tradición tocando, cantando e bailando a través de obradoiros prácticos, unha charla e unha mesa de debate.

PROGRAMA:
10.15 - Apertura e entrega de documentación
10.30 - Obradoiro I
“Pandeirada en Liñares. Repertorio vocal acompañado de percusión de man nos anos 1993 e 1995”. Carme López
12.15 - Obradoiro II
“Fouleada en Arcos coas informantes”. José Codesido
14.15 – Xantar
17.00 - Relatorio
“A pegada da violencia contra as mulleres nas cantigas da montaña”. Branca Villares
18.00 – Mesa debate
“Mulleres e roles de xénero na transmisión oral”. Branca Villares, Carme López, Nuria Gesteira. Modera Marina F. Vigo.

LUGAR: Casa da Cultura de Mazaricos (Castelao, 1 - A Picota)

DATA: Sábado 23 de novembro

INFORMACIÓN E INSCRICIÓNS: Deberán facerse nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo indicando nome, apelidos, un teléfono de contacto e mail.
Os obradoiros son de balde e as prazas limitadas, tendo preferencia @s soci@s da, que disporán ata o martes día 19 para inscribirse, e partir desa data as prazas dispoñibles cubriranse por orde de inscrición.

Animádevos a participar!!! Esperámosvos!!!

O Serán desta aldea: "Cernadela"

18.10.19

O vindeiro domingo 3 de novembro organizamos, coa colaboración do Concello de Mondariz e a Deputación de Pontevedra a segunda edición de O SERÁN DESTA ALDEA. Xornada do Baile Comunal, unha xornada lúdica onde compartiremos tradición, tocando, cantando, bailando e homenaxeando ás tocadoras e beilladoras da aldea protagonista, de xeito que poidamos reivindicar ás nosas grandes mestras da tradición e colaborar a consolidalas como o referente vivo que teñen que ser. 

Esta edición estará adicada a Cernadela (Riofrío, Mondariz), e nela teremos a ocasión de asistir a un obradoiro de pandeireta impartido por Leni Pérez, "A pandeireta en Cernadela"; o relatorio “Máis alá dos grupos, o fenómeno das ‘Nueches en danza’ en Asturies” da man do etnomusicólogo Llorián García; e ao obradoiro de baile que impartirá Pichi Abollado "O baile en Cernadela". Ademais poderemos desfrutar das propias protagonistas que nos contarán as súas experiencias.

Programa 

10.45h. Inauguración

11.00h. Obradoiro “A pandeireta en Cernadela”.

13.15h. Relatorio “Mais alá dos grupos, o fenómeno das ‘Nueches en danza’ en Asturies”.

14.30h. Xantar de confraternización. 

16.30h. Obradoiro “O baile en Cernadela”.  

18.30h. Descanso

18.45h. Conversa e homenaxe ás pandeireteiras de Cernadela (Riofrío, Mondariz).

20.00h. Serán 

Aforo limitado. A asistencia é de balde previa inscrición. Asimesmo, o xantar de confraternización terá un custo de 15€ /persoa e é preciso inscribirse antes do día 1 de novembro para asistir ao mesmo.

Podedes realizar as inscricións a través do correo electrónico  Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo " ou a través de teléfono nos números 986 847 074 – 982 229 966

A frauta de 3 furados e o tambor protagonistas dunhas novas xornadas organizadas pola AGG.

10.10.19

A AGG, en colaboración coa Deputación de A Coruña e a Casa de Rosalía, organiza durante a última fin de semana de outubro o monográfico “CON 3 DEDOS E 1 PAU”, xornadas teórico-prácticas sobre frauta e tambor.

Será os días 26 e 27 de outubro, sendo o sábado para a parte práctica, cun obradoiro de frauta e tambor repartido en 3 horas de maña e 3 horas de tarde impartido por Luis Mondelo. E o domingo para a parte teórica, con 1 charla-concerto na que Alberto Jambrina, Luis Mondelo e Pablo Carpintero nos farán un percorrido sobre a frauta de 3 furados e o tamboril na Península e Baleares, achegándonos a súa historia, evolución e relación coa gaita de fol.

PROGRAMA

SÁBADO 26

10.30 – 13.30  Obradoiro de frauta e tambor. Luis Mondelo

13.30 - Xantar

16.00 – 19.00  Obradoiro de frauta e tambor. Luis Mondelo

DOMINGO 27

10.30 – 13.30  “A frauta de 3 furados e o tamboril na Península e Baleares: Historia, evolución e relación coa gaita de fol”. Alberto Jambrina, Luis Mondelo e Pablo Carpintero

DATA: Sábado 26 e domingo 27 de outubro

LUGAR: Casa de Rosalía (Padrón)

De balde previa inscrición (*). Prazas limitadas

(*) @s soci@s da AGG terán un prazo preferente ata o venres 18 para inscribirse, e partir desa data si quedan prazas dispoñibles, cubriranse co resto de solicitudes de inscrición, por orde de chegada.

INSCRICIÓNS (*): Nos teléfonos 986 84 70 74 ou 982 22 99 66 ou enviando un correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo  indicando nome, apelidos, un teléfono de contacto e mail.

"Parrafeos e outras hestorias" no Recuncho da Palleta

20.09.19

Este domingo, no "Recuncho da Palleta" do programa "Lume na Palleira" conducido por Emilio Españadero, Guillerme Ignacio aportarános algúns parrafeos e romances do seu arquivo persoal.

Non te perdas, esta nova emisión do Recuncho da Palleta dentro do programa Lume na Palleira, o domingo as 17:00 horas.