Curso de Interpretación de Instrumentos Populares Galegos

01.02.16

Suso Vaamonde impartirá nos próximos meses un obradoiro de interpretación de instrumentos Populares Galegos no Campus de A Xunqueira de Pontevedra, Facultade de Enxeñaría Forestal.

Con este curso composto de 30 horas de duración e dous niveis de dificultade, podes aprender a tocar diferentes instrumentos populares galegos:

Iniciación: destinado todo o alumnado interesado en coñecer calquera dos instrumentos que se ofertan e non teña ningún tipo de coñecementos, nin teórico nin práctico, dos mesmo.

Perfecionamento: Destinado ao alumnado que xa tivera contacto con calquera tipo de instrumento popular.

Horarios: 22 de febreiro; 7,14 e 28 de marzo; 4,11,18, e 25 de abril e 2 e 9 de maio de 2016. De 16:00h. a 19:00h.

Prezo: 40 euros para os non universitarios e 26 euros para os universitarios (Recoñecido con 2 créditos L.E./ 1 crédito ECTS.)

¡Reserva a túa praza!

Mais información en Universidade de Vigo.

Curso de arranxo e montaxe de temas para formato gaitas e percusión

10.12.15

O vindeiro sábado 19 de decembro do 2015 en Godos terá lugar un curso de ARRANXO E MONTAXE DE TEMAS PARA FORMATO GAITAS E PERCUSIÓN, impartido por SUSO VAAMONDE.

Obxectivos:

    Interpretar tres temas con gaitas e percusión galegas nun formato “agrupación”.

_{(Prema no título para ler a nova completa)}

III Xornada Feroz de Música Galega

06.10.15

Acaba de ser presentada a terceira edición da Xornada Feroz de Música Galega, organizada pola agrupación pontesa Os Feroces da Galgueira, e que este ano abarcará un obradoiro de construcción de pandeiros cadrados, outro de gaita e un terceiro de baile galego. Xose Maceda, David Bellas e Ismael García será os respectivos monitores de cada un destes obradoiros.

_{Prema no título para ler a nova completa)}

Percusión de man e canto tradicional

19.03.15

No curso, impartido por Xabier Díaz, farase un percorrido pola xeografía sonora das músicas tradicionais de Galicia e lugares lindantes a través dos instrumentos de percusión tradicional, o xeito de tocalos, a súa localización, pervivencia, morfoloxía, contexto histórico, etc.

Ao longo do taller veranse as técnicas de pandeireta; técnicas de pandeiro cadrado e técnicas de pandeira así como a relación entre as melodías tradicionais e os modos antigos.

XABIER DIAZ

Compaxina as súas facetas de músico e compositor cunha laboriosa actividade como investigador e compilador do folclore tradicional galego. Froito deste traballo é o álbum Coplas para Icía (2007) no que contou coa participación de Pedro Lamas e Suso Iglesias.
Foi cantante titular da compañía Nova Galega de Danza, formou parte do grupo Berrogüeto. Premio da Academia da Música á mellor canción en galego (2011), así como o premio ao mellor grupo de música folk na primeira edición dos Premios Galegos dá Música Martín Codax (2013) e o galardón á mellor banda sonora nos Premios Mestre Mateo (2014) coa película Inevitable.

Numerosas colaboracións en discos e concertos con diversos artistas e formacións, tales como Luar na Lubre, Amancio Prada, Os Cempés, Marful, Nordestinas, Kepa Junquera, Uxía, Xosé Manuel Budiño, etc.

Destinatarios do taller

Maiores de 18 anos

Prazas: 20

http://www.malaga.es/culturama

XXXIII Curso de Cultura Tradicional - Cántigas e Frores - Lugo

16.03.15

Aberto o prazo de inscrición para o XXXIII Curso de Cultura Tradicional que organiza a Asociación Cultural  ‘Cántigas e Frores’ de Lugo.

O curso terá lugar os días 2, 3 e 4 de abril en Lugo. Este ano contarán con:

 -Javier Feijoo 'Chisco' para a especialidade de baile tradicional.

 -Miguel Anxo Lòpez 'Chino' para a especialidade de percusión tradicional.

 -Pedro D. Lamas para a especialidade de gaita galega.

 -Xela Conde para a especialidade de canto tradicional.

O prezo a matrícula é de 30€ para soci@s de ‘Cántigas e Frores’ e da Asociación de Gaiteiros Galegos; e de 40€ para o resto (os gastos de estadía en Lugo serán a cargo dos asistentes ao curso). Esta cantidade ingresarase na conta de ABANCA ES43-2080-0152-69-3040026419.

1 Convívio Música e Danza do Carballiño

11.03.15

 Obradoiros, debate, foliada e aloxamento, neste 1 CONVÍVIO que pretende ser un encontro de músicos e bailadores que queiran seguir aprendendo con grandes mestres e desfrutar de dous días intensos en torno a música e a danza.

Estas Xornadas, que se realizarán os días 25 e 26 de Abril, farán do Carballiño un lugar onde compartir visións sobre o noso patrimonio musical e a súa evolución, e onde mostrar as diferentes interpretacións na actualidade.

Os cinco obradoiros que se ofertan son:

- Recursos Ornamentais para a Interpretación coa Gaita Galega. XAQUÍN XESTEIRA (12 horas).

- Canto e Percusións Tradicionais. FELISA SEGADE (12 horas).

- Técnica Vocal e Interpretación no Canto Tradicional. DAVIDE SALVADO (12 horas).

- Multipercusión Tradicional Galega. XOSÉ LOIS ROMERO (12 horas).

- Técnica para a Colocación Corporal do Baile Tradicional de Galiza. QUIQUE PEÓN (9 horas).

Xornada de Percusión Tradicional - AAVV Oza-Gaiteira-Os Castros

10.03.15

O vindeiro domingo 15 de marzo a AAVV Oza-Gaiteira-Os Castros (rúa da Merced, 56 da Coruña) organiza unha Xornada de Percusión Tradicional de 10:30 a 14:00 h e de 16:00 a 19:30 h  impartido por Miguel Anxo López Buján "Chino", o custo é de 25 € para os non socios e 20 € para non socios da AAVV.

Máis información e inscricións no teléfono: 670872388

IV Curso de Construción de Palletas e Pallóns

04.02.15

O vindeiro 28 de febreiro a Asociación de Gaiteiros Galegos a través da Tradescola, organizará unha nova edición do Obradoiro de Construción de Palletas e Pallóns.

Este obradoiro, que impartirá o artesán Pontés Xaime Pena, e que terá lugar na Casa da Cultura do Concello de Pantón, é imprescindible para todas aquelas persoas amantes da  música tradicional e particularmente para os alumnos que se están formando na aprendizaxe da gaita, xa que nesta xornada, poderanse adquirir unhas nocións básicas sobre a construción e a manipulación de palletas e pallóns, as peculiaridades dos materiais cos que se realizan, o trato que se lles debe dar, etc...

A Asociación de Gaiteiros Galegos, a través deste curso pretende facer fincapé no coñecemento das palletas e pallóns e a estreita relación que esta actividade ten coa interpretación do instrumento. Pretendemos que este curso sirva de ferramenta para iniciar aos asistentes nun tema que é fundamental para a perpetuación dun dos instrumentos máis emblemáticos da nosa cultura.

Datos do obradoiro:

Data: 28 de febreiro 2015

Lugar: Casa da Cultura do Concello de Pantón (Lugo)

Horario: de 10.00 a 14.00 horas e de 16.00 a 19.00 horas.

Inscricións: No tlf: 982229966 ou no correo electrónico Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

Prezo: 20 € (Socios da AGG/ alumnos Tradescola)

            25 € Público xeral.

Curso de regraxe de zanfonas na Tradescola

10.12.14

O vindeiro venres, día 12 de decembro terá lugar na Tradescola un curso de regraxe de zanfona impartido por Xaneco Tubío.

Se estás interesado en asistir podes anotarte contestando a este correo electrónico ou chamando ao 982229966 .

CURSO DE REGRAXE DE ZANFONAS

DATA: 12 DE DECEMBRO 2014

IMPARTE: XANECO TUBÍO

HORARIO. DE 16.00 A 20.00 HORAS

LUGAR :  TRADESCOLA ( Rúa Pintor Corredoira nº 4 - Lugo)

PRAZAS LIMITADAS

PREZO:

5€ (ALUMNOS TRADESCOLA /SOCIOS DA AGG)

15€ (Público en xeral)