PRESENTACIÓN DE "MÉTODO DE GAITA GALEGA I"

06.06.07

O sábado día 9 de xuño ás 20:30 horas no auditorio municipal A Xuventude, en Cambados, tivo lugar a presentación do libro "Método de Gaita Galega I" de Xaquín Xesteira, publicado por Edicións do Cumio.

O Curriculum de Xaquín Xesteira, natural de Cambados, é un dos mais impresionantes da música galega, polo que é moi complicado tratar de resumilo nunhas cantas liñas. So mencionar que a súa actividade laboral aséntase como mestre de gaita e percusión no Departamento de Música Tradicional da Escola Municipal de Artes e Oficios de Vigo (antes Universidade Popular) dende o ano 1996 do que é profesor na actualidade.

Ademais no ano 1990 funda xunto con Xan López, Antón López e Xabier Martínez o grupo, amais de Os Faíscas, no que é compoñente na actualidade: TREIXADURA GAITEIROS. Neste ano funda xunto con Paulo Nogueira, o grupo Ansuíña de Vilanova de Arousa.

Patrono da Fundación Sondeseu, que alberga no seu seo a única Orquestra Folk de Galicia que leva o seu nome, sendo Director das Seccións de Gaita e Percusión.

Tamén colabora na Banda de Música de Castrelo de Cambados como Oboísta dende o 2003.

"Método de Gaita Galega I" é unha das obras mais esperadas por aqueles que disfrutan da música tradicional porque teremos a oportunidade de aprender dun dos mestres mais importantes da nosa terra.

Libro Branco do Ensino da Música Tradicional en Galicia

13.01.07

Recentemente, a Fundación Sondeseu vén de publicar na Rede o Libro Branco da Educación en Música Tradicional en Galicia.

O estudo deixa ver un perfil dos docentes sen contrato, 70%; con máis de dez anos de experiencia; maioritariamente homes, 59%; menores de 33 anos, 60,5%; e con formación académica universitaria, 38,5%. As asociacións culturais acaparan o ensino das músicas tradicionais no 58,5 dos casos. Esta docencia move máis de tres millóns de euros, cifra que segundo Rodrigo Romaní, presidente da dita Fundación, “é moito máis grande na realidade” e que forma parte dunha “economía somerxida” á que tamén habería que sumar a venda de traxes e instrumentos musicais.

Conta con 20.000 estudantes, organizan arredor dunhas 1.350 actividades, ten 640 profesores en 700 centros de ensino espallados por toda Galicia e este ano saen os primeiros titulados superiores da única especialidade que existe no país. Son algunhas das cifras do panorama actual da educación da música tradicional.

Se queres descargar o arquivo, arquivo pdf de 2,27 mb,
pulsa aquí.

**ESTUDIOS PARA GAITA GALEGA** - VOL I - Nivel Iniciación

02.09.06

A editorial Dos Acordes vén de publicar o primeiro volume dunha serie de obras da autoría de Xosé Lois Miguélez Saínza.

Eis a publicidade da propia editora:

Comeza o curso cunha nova publicación que che axudará na aprendizaxe do instrumento dun xeito ameno e progresivo.

Dispoñible nas librerías, tendas de música ou directamente na web www.dosacordes.com na sección -publicaciones- dentro da serie "Cadernos de Gaita Galega".

Podes elixir o teu sistema de escritura máis familiar Do ou Re, actualizar os estudios e descargarte gravacións dos mesmos na web do autor www.xlmiguelez.com (a partires de outubro 06)

O mestre de Gaita atopará neste libro unha útil ferramenta para complementar as súas aulas.

MERCAO XA!!

**O VOLUME II - Nivel medio, estará á venta a partires do mes de novembro de 2006**

Atentamente, Editorial Dos Acordes www.dosacordes.com

OS MONTES DE LUGO - Ensaios e concursos

26.07.06

Xa está a venda o novo volume da colección A Tiracolo de Ouvirmos.

Sen dúbida os gaiteiros de Lugo son Os Montes. Durante medio século XX actuaron en romarías por toda Galiza e conseguiron importantes premios nos certames de gaitas. Por vez primeira podemos deleitarnos coas súas gravacións inéditas de ensaios e concursos realizadas nos anos 70.

Investigación documental e textos: Oscar Ibáñez

Máis información e mercar en: http://www.ouvirmos.com/es/index.php?activo=3

Etno-folk nº5 ¡Imprescindible para gaiteir@s!

20.07.06

O número 5 da revista etno-fok, ademáis de outros contidos, ven nesta edición con dous interesantísimos artigos dos gaiteiros Juanjo Fernández e Pablo Carpintero, imprescindibles para a biblioteca de calquera gaiteiro.

ARTIGOS
Galiza na obra impressa de Eduardo Martínez Torner, por José Luís d.P. Orjais.

Recursos de interpretación da gaita do fol, por Juanjo Fernández.

La actividad coral en la música popular latinoamericana, por Eduardo Correa.

Gaitas e gaitas de fol galegas con cantores tipo óboe, por Pablo Carpintero.


RECENSIÓN DE LIBROS, PARTITURAS E GRAVACIÓNS

Para comprar Etno-folk ou suscribirse a ela visita www.dosacordes.com ou librerías especializadas.

Caderno 5. Empezares

23.05.06

Emilio Mesías Farías ven de publicar un interesantísimo traballo, ncluído na colección Cadernos de Gaita Galega, que edita Dos Acordes, no que se recollen pezas escritas para gaita e piano. Non é habitual atopar este tipo de composicións na música galega pero é ndubidable que constitúen unha valiosísima fonte para intérpretes e studantes.
"EMPEZARES" é o nº 5 da colección de "Cadernos para Gaita Galega"
que publica a editorial "Dos Acordes" de Baiona, có fin de difundir raballos pensados para o noso instrumento, cunha fonda finalidade divulgadora, didáctica e de formación.

O Acto de presentación celebrarase o Venres 26 de Maio ás 20.15 no Conservatorio de Música "Xan Viaño" de Ferrol. Presentará Marcos Galán (xefe de estudos do cmus xan viaño) e falará o autor do caderno, o aresán, Emilio Mesías Farías. O gaiteiro Suso Vaamonde e máis a pinista Iria Hevia, estrearán dúas pezas incluídas no caderno.

Mais información.

ESTUDIOS PARA GAITA GALEGA: Un novo xeito de aprendizaxe para a gaita

20.03.06

O Gaitero Xosé Luís Miguélez presenta o libro "Estudios. Volume I: Nivel Iniciación", dentro dos "Cadernos de Gaita Galega" da editorial Dos Acordes.

O "Estudio" é o paso intermedio entre o exercicio técnico e a peza. Con estas publicacións preténdese aportar unha ferramenta máis, fundamental no estudio de calquera outro instrumento musical, ao ensino da gaita.

Os contidos deste primeiro volume son adecuados para iniciarse, dunha forma amena e progresiva, na aprendizaxe do instrumento, así como para o seu posterior perfeccionamento; dividido en catro niveis, correspóndese cos catro cursos oficiais do Grao Elemental de Gaita Galega que se imparten nos conservatorios públicos de Galicia. Cada nivel consta de dez estudios e unha peza, o que conforma corenta estudios e catro obras en total. Cada estudio está comentado polo autor para sacarlle o máximo partido.

Dirixido ao gaiteiro que se achega por primeira vez ó instrumento e aos que, coñecéndoo, queren perfeccionar a súa técnica. Pretende tamén, ser de axuda para os mestres e profesionais do ensino da gaita.

O libro, en tamaño A4, flexible e cunha extensión de 65 páxinas, ten un prezo de 10 euros. Están dispoñibles dúas edicións, en notación de DO e notación de RE para facilitar ó máximo a súa comprensión.



Mais información.

100 novas partituras na sección de descargas para todos os nosos socios

05.03.06

O traballo que veñen a facer os compañeiros da Comisión de Partituras da Asociación de Gaiteiros Galegos, liderado desta volta por Eduardo Méndez Baamonde (Dubi) e Ricardo Santos, ven de dar como resultado a revisión exhaustiva dun cento de partituras que estarán ao dispór de todos os nosos socios na sección de descargas (apartado partituras, subapartado pdfs).

Co obxecto de facilitar a súa lectura foron publicadas tanto para en "dó" como en "re". Polo de agora están incluídas todas as partituras de "re" e nos vindeiros días irán aparecendo as partituras de "dó".

Trátase dun traballo que vai moito máis alá da concienzuda transcrición de todas estas melodías. Inclúense en todas elas notas e referencias históricas e, de ser o caso, as correspondentes letras.

Como mostra do excelente traballo coordinado por estes dous compañeiros, inclúese para descarga de calquera internauta a partitura (tanto en "dó" como en "re") da "Danza de Santa María de Torás" do repertorio da Sección Femenina, recompilada en Laracha, por Pedro Echevarría o 1 de Decembro 1954.

Deste xeito, unha vez subidas as partituras de dó teremos máis de 600 descargas para os nosos socios.


Mais información.

Nova publicación para gaita galega

23.02.06

O Gaitero Xosé Luís Miguélez acaba de sacar ó mercado o libro “Estudios Volume I: Nivel Iniciación”, dentro dos “Cadernos de Gaita Galega” da editorial Dos Acordes.

O “Estudio” é o paso intermedio entre o exercicio técnico e a peza, unha especie de exercicio con forma musical. Con estas publicacións preténdese aportar unha ferramenta máis, fundamental no estudio de calquera outro instrumento musical, ó ensino da gaita.

Os contidos deste primeiro volume son adecuados para iniciarse, dunha forma amena e progresiva, na aprendizaxe do instrumento, así como para o seu posterior perfeccionamento; dividido en catro niveis, correspóndese cos catro cursos oficiais do Grao Elemental de Gaita Galega que se imparte nos conservatorios públicos de Galicia. Cada nivel consta de dez estudios e unha peza, o que conforma corenta estudios e catro obras en total.


Mais información.

Á venta o número tres de Etno-Folk

09.01.06

Xa está no mercado o terceiro número da revista Etno-Folk, revista galega de etnomusicoloxía que se consolida no mercado tras un ano de existencia, coa intención de proporcionar, a todas as persoas interesadas polos aspectos etnomusicolóxicos, unha plataforma onde poidan publicar os seus traballos de investigación, coñecer as liñas de investigación abertas, traballos de campo... sempre baixo o criterio da publicación que é, ante todo, musical, étnico e investigador.


LIMIAR
ARTIGOS

* “Cántigas e Frores”, por Bruno Villamor
* Breve introducción a la música Andalusí – Marroquí, por Luis Delgado
* A organización sistemática do ensino da gaita galega (e II), por Xosé Luís Miguélez
* El ‘cant d’estil’ valenciano, por Josép Vicent Frechina
* El alalá. Estudio de un género, por Diego Mariño
* Etnomusicoloxía: a importancia dunha definición da disciplina, por Pablo Ruibal Armesto
* O Festival do Mundo Celta de Ortigueira, por Juan Barcón Peña
* A recuperación do patrimonio musical galego: “Ouvirmos” e a colección “A Tiracolo”, por Xaime Estévez Vila

NOTICIAS
RECENSIÓN DE LIBROS, PARTITURAS E GRAVACIÓNS