Asociacion de Gaiteiros Galegos

Gaiteiros galegos
Inicio / Novas / AGG / PRESENTACIÓN DO IV CONGRESO DE ENSINANTES DE MÚSICA TRADICIONAL GALEGA

PRESENTACIÓN DO IV CONGRESO DE ENSINANTES DE MÚSICA TRADICIONAL GALEGA

AGG

O día 21 de Outubro tivo lugar no salón de Actos da Deputación de Lugo a presentación da IV edición do Congreso de ensinantes de música tradicional galega que contou coa presenza de Antón Bao Abelleira, vicepresidente da Deputación de Lugo, Xoán Manuel Tubío Fernández, secretario Asociación Gaiteiros Galegos, Antón Castro, representate da CIG Ensino e Xoán Costa, presidente da Asociación Socio-pedagóxica Galega (ASPG).

A Asociación de Gaiteiros Galegos organiza a IV edición do Congreso de ensinantes de música tradicional galega co patrocinio da Vicepresidencia primeira da Deputación de Lugo e a AS-PG, e a colaboración de CIG-Ensino. Será durante os días 30, 31 de outubro e 1 de Novembro no Auditorio da Facultade de Veterinaria da cidade de Lugo.

Este IV Congreso pretende ofrecer aos asistentes coñecementos e recursos para o ensino da música tradicional nos diferentes ámbitos educativos, pero sobre todo, pretende concienciar da importancia que ten utilizalos. Porque nos máis novos está o futuro e haberemos de saber como achegarlles tan importante legado para que o recoñezan come seu.