ACTIVIDADES DE TEMPO LIBRE DA ASOCIACIÓN CULTURAL XACARANDAINA
Luns, 19 Outubro 2009 10:09
Con motivo da apertura da matrícula das Actividades de Tempo Libre da Asociación Cultural Xacarandaina, informamo vos de que dita matrícula comezou o 1 de setembro e continúa aberta ate alcanzar o número máximo de alumnos nas clases. O horario para matricularse é de 10:30 h a 12:30 h pola mañá e de 18:00 h a 22:30 h pola tarde, de luns a venres, e os sábados de 10:00 h a 14:00 h.Este ano cóntase con actividades de todo tipo e para todas as idades: folclore galego -impartindo clases de baile tradicional galego-, gaita, pandeireta e canto, acordeón, percusión, clarinete, artes plásticas -impartindo clases de debuxo-, pastel, óleo e acuarela, bailes latinos e de salón, ximnasia de mantemento, encaixe de bolillos e guitarra.
Tamén cabe mencionar que, durante o ano, se realizarán cursos monográficos de folclore galego, roteiros de sendeirismo, excursións, visitas a museos, campamentos, ludoteca de Nadal, visita dos Reis Magos á Asociación, festa de Antroido etc.
As actividades son para todos os públicos, desde os 3 anos en adiante. Para nenas e nenos de 3 a 6 anos, a Asociación conta cun programa lúdico-educativo que leva por nome “Gorechos”, que toma como base a cultura galega e que presenta dous obxectivos principais: iniciar a aprendizaxe do folclore galego e das artes plásticas e escénicas e favorecer o desenvolvemento integral da nena ou neno, nos ámbitos motor, afectivo, cognitivo e social. Este programa componse de 4 áreas: motricidade con soporte musical (iniciación ao baile e á danza), música activa (iniciación á música), reciclarte (iniciación ás belas artes) e cantocontocanto (iniciación á lectura, interpretación...)
As actividades comezaron o 1 de outubro e rematarán a finais de xuño e as clases se cubrirán por rigurosa orde de inscrición. A matrícula realizarse no local da Asociación: Rúa Historiador Vedía 3 – soto / 15004, A Coruña.
Contacto:
Javier Herva Míguez (Director do Círculo de Actv.).................. 646 377 888
Asociación Cultural Xacarandaina ........................................... 981 277 315
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Máis información e Horarios