Rubén González recibe a Insignia de Ouro de O Incio
Xoves, 24 Setembro 2009 13:28
Rubén González López, gaiteiro e fabricante de palletas de O Incio recibiu a Insignia de Ouro do Concello, o pasado día 6 de setembro de 2009, insignia coa que se recoñece a dilatada traxectoria deste profesional.
Rubén González dedicase dende fai 40 anos á fabricación de palletas, moitas das cales foron exportadas a outros países. O seu traballo a favor da música tradicional valeulle varios premios, como o ‘Constatino Bellón, Gaita de Ouro’.
Rubén González foi ferreiro, zoqueiro, traballador en Magnesitas durante 24 anos e mesmo enterrador, e compaxinou todos estes traballos coa defensa permanente da cultura galega. Foi neto dun membro da banda de Noceda (O Incio) de principios do século XIX, e iniciouse moi novo no mundo da música. Foi gaiteiro en Entrimo (Ourense), en Noceda e co grupo ‘Os Agarimos’.
Agora, preto de cumprir os 85, non renuncia a seguir tocando e preparando as mesmas palletas que alcanzaron sona mundial.
