Xa está preparada unha nova edición da Mostra de cuartetos tradicionais, que a Asociación de Gaiteiros Galegos organiza en Marín coa colaboración do Concello, a AC Picuiña e a Dirección xeral de creación e difusión cultural.

Este ano o grupo homenaxeado, e que centrará os contidos da actividade, será "OS PERUCHOS" de Castrelos. O día 14 de Novembro, data na que se inaugurará a exposición no museo Manuel Torres de Marín, poderemos asistir a unha mesa de debate e concerto do cuarteto "Luvas Verdes". O día 29 do mesmo mes, en que se pechará a mostra, tocaralle o turno as charlas sobre o catálogo de músicas da Limia e o propio grupo "Os Peruchos".

En breve recibiredes máis información acerca da V Mostra de cuartetos tradicionais.