Asociacion de Gaiteiros Galegos

Gaiteiros galegos
Inicio / Novas / Varios / Encontros de Música Tradicional no Carboeiro (4 de xuño de 2005)

Encontros de Música Tradicional no Carboeiro (4 de xuño de 2005)

Varios

Os Encontros anuais de música tradicional no entorno do mosteiro de Carboeiro, son Encontros para moitos e para os máis, reencontros. Isto tén mérito, calquera entende que esta continuidade é garantía de interés e participación.

Se as conversas amables, alegres, intelixentes, pícaras, etc. se pagaran no que valen, non chegaría o presuposto municipal de varios anos de tódolos Concellos da Comarca do Deza para pagar a festa dun só ano en Carboeiro. E se alguén non o cre, que veña e se fixe, e calcule.

Unha copla, por favor:
Dame un traguiño de viño
Para mollala garganta:
Cantaréiche como a rula,
Verás como a rula canta.

Outra máis:
Debaixo da túa ventana
Hei sementar un pemento
E halle chegala rama
Onde teño o pensamento.

Outra:
Carboeiro tén a sona
Carboeiro a sona tén
Carboeiro tén a sona
De adivertir a quen vén.

Veña outra:
De Carboeiro
Sae a xente
Cun pé bailando
E outro contente.

Iúuuujujuuuuuu…!:
Canta rula, canta rula
Canta rula naquel souto;
Coitadiño do que agarda
Polo que está nas maus doutro.

Epa!...
Ailá!:
Cantemos, deixemos iso,
Botemos todo na lama;
E despois da despedida
Nos vexamos con máis gañas.

Sacudideira, sacudideira,
Abrázame
Que vén a
Sacudideira.
Sacudideira, sacudideira,…


Pola socialización da intelixencia e a paixón: Vivan os Encontros 2005, etc., etc., etc…!