CANTANTES TRADICIONAIS NA DISCOGRAFÍA ACTUAL
Venres, 26 Outubro 2007 12:53
O sábado 27 de outubro, Pablo Díaz será o encargado de guiar un novo espazo do Recuncho da Palleta, dentro do programa da Radio Galega “Lume na Palleira”.Nesta ocasión, falaranos sobre as insercións de cantantes tradicionais (os que viviron a cadea de transmisión oral directamente) en discos actuais. Deste xeito, escoitaremos gravacións de cantantes dalgún xeito “anónimos” e de outros máis coñecidos como Faustino Santalices. Esto supón un acercamento ao mundo do canto tradicional para todos os públicos e unha maneira de actualizar ese son hoxe en día. Servirá de punto de partida para outros programas monográficos, que tratarán, a través de recollas de campo propias, o canto nas catro provincias galegas.
Lume na Palleira emítese os sábados de 16:00 a 18:00 h. en "RADIO GALEGA MÚSICA", con emisión conxunta de 16:05 a 17:00 na "RADIO GALEGA".