Xornadas de baile tradicional galego organizadas pola AGG en Teo
Martes, 05 Decembro 2017 08:41
Que mellor que rematar o ano bailando!! Dende a AGG animámosvos a participar nestas xornadas de baile o vindeiro día 16 de decembro en Teo!!
O vindeiro sabado 16 de decembro a AGG organiza unha nova edición das Xornadas de Baile tradicional galego para tod@s os amantes do noso baile que terán lugar na Casa Común de Oza, no concello de Teo, A Coruña.
Estas xornadas, patrocinadas pola Deputación da Coruña e que contan coa colaboración do Concello de Teo, naceron coa intención de cubrir a demanda existente por parte d@s nos@s asociad@s e dun gran público interesado neste aspecto da tradición galega; e nelas contaremos con obradoiros guiados por Olga Kirk, Miguel Sotelo e Xabier Iglesias. Ainda estamos pechando o programa, pero permanecede atentos ás novas que en breve publicaremos todos os detalles!!!
INSCRICIÓNS: As inscricións deberán facerse nos teléfonos 986 84 70 74 ou 982 22 99 66 ou enviando un correo electrónico a
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
indicando nome, apelidos, e un teléfono de contacto.
Estas xornadas son de balde. As prazas son limitadas por orde de inscrición, reservade a data e animádevos a participar!!!
