A ASOCIACIÓN DE GAITEIR@S GALEG@S ORGANIZA EN LUGO AS IV XORNADAS SOBRE BAILE TRADICIONAL
Mércores, 11 Outubro 2017 16:54
A Asociación de Gaiteir@s Galeg@s organiza as IV Xornadas sobre Baile Tradicional, que terán lugar en Lugo o vindeiro 22 de outubro en horario de 11.30 horas a 13.30 horas e de 16.00 horas a 20.15 horas.
Dende a AGG organízase esta actividade, necesaria e de moita utilidade para todos aqueles implicados no sector do baile tradicional, para ofrecer un espazo no que conseguir unha posta en común de principios básicos sobre o baile tradicional en Galiza.
Estas xornadas están pensadas tanto para os profesionais do mundo da danza, como para todos aqueles interesados no baile galego, para que poidan completar os seus coñecementos e participar de xeito activo na mellora e dinamización da nosa tradición.
Nestas xornadas contaremos con estudosos de gran prestixio dentro da cultura tradicional como son Carlos Xosé Vidal, Olga Kirk e Francisco Feijoo (Xisco) que serán os encargados de amosarnos e ensinarnos algúns dos bailes mais característicos da tradición galega.
Estas xornadas están patrocinadas pola Secretaría Xeral de Cultura, e realizaranse na cidade de Lugo.
Dende a AGG coidamos imprescindible e necesaria esta cita, xa que calquera cultura que queira gozar de boa saúde haberá de preocuparse de ter presenza na sociedade, e transmitir a súa historia e costumes.
Lugar: Tradescola - Salón de Actos do Centro Lug 2 (Rúa Pintor Corredoira nº 4 – LUGO)
Data: 22 de outubro 2017
Programa das VI Xornadas de Baile Tradicional
11.15h - Recepción participantes e apertura da Xornada
11.30h - Relatorio- Obradoiro
Carlos Xosé Vidal - “ Val da Barcala – O rabo do raposo ”
13.30h - Xantar
16.00h - Relatorio - Obradoiro
Olga Kirk - “ Bailando Maneo”
18.00h - Descanso
18.15h - Relatorio - Obradoiro
Francisco Feijoo (Xisco) – “ Ribeiranas do Condado”
20.15h - Peche das xornadas
A asistencia a estas xornadas será de balde. As prazas son limitadas por orde inscrición. Para poder asistir é imprescindible a inscrición previa ben a través de correo electrónico a Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ben a través de teléfono no número 982 229 966.