A Escola de Música Municipal de Meira organiza a presentación do libro ‘Siderio de vilarmide’
Xoves, 05 Maio 2016 16:50
A Escola de Música Municipal de Meira fará unha presentación do libro Siderio de Vilarmide publicado pola Editorial Canela. Terá lugar na Casa da Cultura de Meira o vindeiro sábado 7 de maio ás 21h e contará coa actuación do homenaxeado, Desiderio Sampayo, coñecido como Siderio de Vilarmide e haberá unha pequena charla-coloquio a cargo de Pablo Quintana (director da Editorial Can).
Durante a presentación farase unha mención especial por parte da Escola de Música de Meira a Siderio de Vilarmide, pola súa longa traxectoria, mantendo e divulgando a música tradicional na bisbarra de Meira e arredores.
Con esta distinción a Escola de Música Municipal de Meira quere recoñer o gran traballo que “Siderio de Vilarmide” realizou durante a súa traxectoria investigando, recuperando e divulgando a música tradicional da súa contorna.
