A Orquestra de Jazz de Galicia presenta "Fame" na Tradescola
Martes, 22 Marzo 2016 11:35
O vindeiro mércores 30 de marzo ás 20:00 horas, Roberto Somoza e Pedro Lamas, director e produtor e músico da Orquestra de Jazz de Galicia, presentarán "Fame", o primeiro traballo da Orquestra de Jazz de Galicia na Tradescola. O evento terá lugar no Salón de Actos do Centro Lug2, situado na Rúa Pintor Corredoira, 4.
A Orquestra de Jazz de Galicia foi creada hai catro anos da man dos músicos Roberto Somoza e Pedro Lamas. Reúne nas súas ringleiras a algúns dos músicos máis destacados en Galicia da escena do jazz e tamén das músicas sinfónica e tradicional, co obxectivo de explorar o diálogo entre o xénero nado en Estados Unidos a finais do século XIX e a música galega de raíz.
*Entrada libre até completar o aforo
