Asociacion de Gaiteiros Galegos

Gaiteiros galegos
Inicio / Novas / Festivais, Foliadas, Romarías / San Xurxo de Vea celebra hoxe a súa V Noite Folk

San Xurxo de Vea celebra hoxe a súa V Noite Folk

Festivais, Foliadas, Romarías

cartel noitefolkSan Xurxo de Vea acollerá hoxe a quinta Noite Folk, que se celebrará a partir das 22.30 horas no campo de festas da localidade. O cartel inclúe catro grupos: Os Esfolladores, de Illobre; Xuntanza dous Regatos, de Orazo; Vos Regatos, de Callobre, e Tanto nos ten, de Redondela.

Os Esfolladores chegarán dispostos a facer festa e a promover a «carallada» a pé de campo botando man dun repertorio tradicional e buscando a interacción co público. Estrearán o escenario A Xuntanza dos Regatos, grandes coñecedores e defensores da música tradicional e organizadores durante anos do desaparecido Manguelo Folk de Orazo. Os terceiros en actuar serán Os Regatos de Callobre, un clásico no cartel da Noite Folk de Vea que actuou en todas as edicións do festival «e seguirano facendo mentres se celebre», segundo avanza a organización, que se sente en débeda con eles, en especial, co seu líder, José Tato, e o seu técnico de son, Dani Abalo.

Pecha o cartel Tanto nos ten, que combina o folk clásico con letras revolucionarias e modernas cargadas de crítica social.

http://www.lavozdegalicia.es