Murga tradicional que intenta recuperar e achegar unha nova visión da música tradicional galega xurdida a partir de principios do século XX, onde a gaita comparte primacía co clarinete, saxofón, caixa, bombo con pratos, acordeón ou frauta traveseira; axudando ao grupo de danza nos seus bailes ou animando as “kalejiras” polos espazos de Navarra.

O Centro Galego de Navarra (CEGALNA) nace en Pamplona cunha clara
vocación de intentar manter os costumes propios dun pobo e de abrir
a cultura galega e difundila a todas aquelas persoas que o desexen, non
importando que estes sexan galegos ou non, desexando integrar a todo o mundo
que ten unha preocupación especial polo folclore e o xeito de
conservalo sen desvirtualo, pero ao mesmo tempo facer participar a outros
del para dalo a coñecer e estendelo por toda a Comunidade Foral de
Navarra.
Conta CEGALNA cun extenso arquivo de traballo de campo achegado polo
investigador Manuel Cebeiro para seguir un traballo serio e de gran valía e
así conservar as raíces do noso pobo.

Máis info:

www.cegalna.com

https://www.facebook.com/cegalna/info