O grupo “Os Enxebres de Cacheiras” nace sobor do ano 1939 da man de Don Manuel Landeira, avó dun dos actuais gaiteros do grupo. Durante os primeiros anos o grupo adicouse a tocar por tódalas localidades máis cercanas ata chegar a convertirse nun dos máis famosos e reclamados de toda a xeografía galega. O grupo desenvolveu unha actividade incansable durante cincuenta anos, ata o ano 1990. No ano 2001, seguindo a iniciativa proposta por Alfonso R. Landeira (neto do fundador), decidese volver a formar ese grupo, que durante 50 anos recorreu os pobos coa sua música. Así, ese ano “refúndase” como “Asociación Cultural Os Enxebres de Cacheiras” de Teo - A Coruña, coa finalidade de divulgar a cultura e tradicións populares de Galicia. Actualmente o grupo componse dun cuarteto, no que se usan os mesmos instrumentos que usaba Don Manuel Landeira.